◊ Xətir qoymaq (saxlamaq) – hörmət eləmək, hörmətini saxlamaq; güzəşt eləmək.
Xətri qalmaq – incimək, narazı qalmaq, könlü qırılmaq.
Xətri xoş olmaq – ürəyi açılmaq.
Xətri(n) istədiyi qədər – bax ürəyi(n) istədiyi qədər (“ürək”də).
Xətrindən keçməmək – bax üzündən keçə bilməmək (“üz”də).
[Xəlfə:] [Dursun] daha Aslan bəyin xətrindən keçmərəm.
Xətrinə dəymək (qıymaq, toxunmaq) – könlünü qırmaq, ürəyinə (qəlbinə) dəymək, toxunmaq.
Nə dedim xətrinə dəydi; Üzün məndən niyə döndü?
Nə bir nəfər ona “yox” dedi; Nə bir nəfər xətrinə qıydı.
Xətrini istəmək – yanında hörməti olmaq, çox saymaq, hörmət etmək, sevmək.
İkram əmisi Ağayarın xətrini çox istəyirdi.
Xətrini qırmaq (sındırmaq) – bax xətrinə dəymək.