1. Atası-anası, yaxud atası və ya anası ölmüş. Yetim uşaq. Atadan yetim qız.
– Qürbət içrə fəhləliklə saxlar idi öz başın; Həm vətəndə dul anasın, yetim bacı, qardaşın.
// İs. mənasında. Yetimə cancan deyən çox olar, çörək verən az. ( Ata. sözü ).
Yetim malına göz dikdiyin nədir daim; Həlal kəsb məgər narəvadır, ey vaiz?
Yetimlər məlul-məlul Aslanın əlinə baxdılar.
Bu gün isə Hüseyn artıq arxasız və kimsəsiz bir yetimdir.
□ Atadan (anadan) yetim – atası (anası) ölmüş.
Bu iki uşaq atadan yetim idi … və ataları bunlara bir şey qoymamışdı.
2. məc. Fağır, yazıq, aciz, zavallı, miskin mənasında.
[Əsgər:] Bircə deyin görüm, mən yetimin təqsiri nədir?
Bu gün görürdüm ki, yetim iranlılar sevincək qaçırlar konsulxanaya ki, … məşrutənin təzə elan olunmağı barəsində konsula mübarəkbadlıq versinlər.
İndi bəlkə mən yetimin də günü ağardı, – deyə, Səməd pıçıldadı.
◊ Yetim segah – Azərbaycan muğamlarından birinin adı.
Fışqırıq çala-çala, dodaqaltı yetim segah oxuya-oxuya malı sahmanladı.
Yetimlər evi köhn. – bax yetimxana.
