1. İz, nişanə, əlamət, bir şeyin varlığına dəlalət edən hal. Əsər qalmamaq. Yorğunluqdan əsər yox idi. Üzündə həya əsəri yoxdur.
– Cırıldayan arabanın çərxləri; Qazmış yolu, yerdə qalmış əsəri.
Könlündə qalmadı insaf əsəri; Dürdanənin qəlbi sal buza döndü.
2. İnsan əməyi, insan yaradıcılığı, icadi məhsulu. İncəsənət əsərləri. Heykəltəraşlıq əsərləri. Memarlıq əsərləri. İxtiraçıların əsərləri. Musiqi əsərləri.
// Yazılı əmək məhsulu; ədəbi, elmi kitab, məqalə və s. Bədii əsər. Füzulinin əsərləri. Kimyaya dair əsər. Əsərlər külliyyatı. Elmi əsərlərin nəşri.
– Buna görə də sizin mənə tövsiyə etdiyiniz “Məmunun xülasələri” adlı əsəri açıb məşğul oldum.
3. Təsir. Bu hadisənin ona heç bir əsəri olmadı.
– Bunlar hamısı qohumluğun əsərləridir!
□ Əsər eləmək (etmək) – təsir etmək. Nə üçün söz sənə əsər eləmir.
– Ol səngdilə naleyi-zarım əsər etmiş.
Sənin də başında məhəbbət beyni; Əgər olsa, eylər əsər, ağlarsan.
Sözün ona etməz əsər; Aralıqda başın gedər.
4. bax asar.
5. Yadigar mənasında. Yaxşı övlad ataana üçün ən əziz bir əsərdir.
◊ Əsəri gəlmək dan. – isitmə dayanandan sonra, yüngülcə və az zaman titrəmək. Əsəri gəlmiş, indi ötəcək.
