1. bax dolama1 2-ci mənada.
…Amma bununla bərabər, bilmirəm, niyə dolayıdan dönəndə ürəyim qırtıldadı.
2. Qoşma mənasında: …görə,
…səbəbi ilə, …üzündən.
Bir dəfə bir nəfər şəxs dəftərxanaya gəlib katibdən öz kağızından dolayı məlumat istəyir.
Qız həyadanmı, yaxud nədən dolayı isə cavab verməz.
◊ Dolayı yolla məc. – düz-düzünə, bilavasitə deyil, başqa yollarla, başqa vasitə ilə, başqası vasitəsilə.
Dolayısı ilə – 1) bax dolayı yolla.
Mister Tomas, ingilislərə məxsus bir soyuqluqla məsələni dolayısı ilə Həkimülmülkə bildirməyi qərara aldı. ;
2) üzündən, səbəbindən, nəticəsində.
Əgər bircə dəqiqə bərk külək əssə və ya bir təsadüf dolayısı ilə ayağı sürüşsə, fəhlə … dənizə düşəcəkdir.