1. Hamar, sürüşkən səth üzərində hərəkət etmək. Kirşə buzun üstündən sürüşüb keçdi.
2. Asanlıqla hamar səth üstü ilə hərəkət etmək, irəliləmək. [Qasım:] Dənizin üzü dələmə kimi idi.
Gəmi suyu yara-yara sürüşürdü.
3. Sürüşüb düşmək, yerindən qaçmaq. Papaq başından sürüşüb düşdü.
– [Sona anım:] Xalçanı götürüb gəlirdim, başmağımın tayı ayağımdan sürüşüb çıxdı.
Ayaq altında dayanmayan narın isti qum sürüşüb aşağı getdikcə uşaqlar baxmır, tövşüyətövşüyə, ağır-ağır diklənirdilər.
Qızın qara çadrası başından sürüşüb boynuna düşdü…
4. Sürüşə-sürüşə düşmək.
5. Çəkilmək.
İzzət Əhmədin yanına sürüşüb əlini qoydu oğlunun çiyninə və başını əydi onun başının üstə.
Pası bir qədər kənara sürüşərək əllərini dizinə vurub: – Bir qulaq kağıza yüz manat, – dedi.
[Surxay:] Mehralı dayı, bir az o yana sürüş, qonağımız əyləşsin.
6. məc. Gözə görünmədən, heç kəsə hiss etdirmədən getmək, yox olmaq, çəkilmək; əkilmək.
[Molla] başmağını astanada qoyub, ətəyini ovcuna yığdı, oğru pişik kimi sürüşdü.
Leytenant tezcə sürüşüb çıxdı.