1. Qəzəb, acıq, qeyz, hirs, sərtlik.
[Gülər Gülsabaha:] Hiddət ancaq sizin boğazınızı yırta bilər.
Hiddətindən bağbanın gözləri qızardı.
□ Hiddətə salmaq – bax hiddətləndirmək.
Mirzə Cəlil öz son məqalələri ilə ruhani və qoçuları hiddətə salacağını bilirdi.
// məc. Şiddət, azğınlıq, tüğyan. Küləyin hiddəti.
– Dənizin coşduqca qeyzi, hiddəti; Anam hey soruşur məndən türbəti.
2. Hiddətlə şəklində zərf – qeyzlə, sərtcəsinə. Hiddətlə cavab vermək.
– Fərhadoğlu … cibindən ağ dəsmalını çıxarıb … hiddətlə yaşaran gözlərini sildi.
// Məc. mənada.
Yenə saymazyana qırmaclayaraq Abşeronu; Sovurur xəzri narın qumları hiddətlə, budur.