1. Şiddətli zərbədən dağılmaq, uçmaq, böyük zədə almaq; titrəmək.
Bizim təyyarələr… Od saçır hər yan; Topların səsindən sarsılır cahan.
Yaxınlığa düşən mərmi partlayışından qazma möhkəmcə sarsıldı, lampa söndü … ara qarışdı.
2. məc. Təsirli, kədərli bir xəbərdən, işdən, hadisədən və s.-dən çox böyük həyəcan keçirmək, ruhi əzab çəkmək, mütəəssir olmaq, sarsıntı keçirmək.
Oğlan bu dəhşətli tələbdən sarsıldı.
Kamal bu sərt, amansız həqiqəti ona söyləyəndə ana sarsılmışdı…
3. məc. Qırılmaq, puç olmaq, alt-üst olmaq.
Onun ümidləri hər tərəfdən sarsılmışdı.