Əbdürrəhman Tağıyev
Əbdürrəhman Tağı (türk. Abdurrahman Taki; (1897, Bakı – 4 noyabr 1983, İstanbul)) — Azərbaycan Xalq Cümhuriyyəti Parlamentinin xüsusi qərarına əsasən dövlət hesabına ali təhsil almaq üçün xaricə göndərilmiş tələbələrdən biri.[1]
| Əbdürrəhman Tağı | |
|---|---|
| Tağıyev Əbdürrəhman İsmayıl oğlu | |
| Doğum tarixi | 1897 |
| Doğum yeri | |
| Vəfat tarixi | 4 noyabr 1983 |
| Vəfat yeri | |
| Atası | İsmayıl Tağıyev |
| Fəaliyyəti | inşaat mühəndisi[d] |
Hacı Zeynalabdin Tağıyevin oğul nəvəsidir.
Həyatı
[redaktə | mənbəni redaktə et]Əbdürrəhman Tağıyev 1897-ci ildə Bakı şəhərində doğulmuşdu. Bakı gimnaziyasını bitirmişdi.
1920-1925-ci illərdə İstanbul Dəmiryol İnstitunun inşaat fakültəsində oxuyub.
“Türkiye Mühendislik Haberleri” jurnalının 1 yanvar 1967-ci il tarixli sayında yazdığı tərcümeyi-hala görə, 1926-cı ildə İstanbul Texniki Universitetinin İnşaat fakültəsini bitirib. 1928-ci ilə qədər yol inşaatında tikinti şefi, Dövlət Dəmiryollarında mühəndis, 1928-1930-cu illərdə Kayseri-Sivas dəmiryolu çəkilişində inşaat müdiri, 1930-1943-cü illərdə Dövlət Dəmiryollarında yol müfəttişi, yol baş müfəttişi, Eskişehir yol atelyesi müdiri, Ankarada dəmir körpülər fənn heyəti müdiri vəzifələrində çalışıb.
1943-1947-ci illərdə Çürek, Divrik, Ərzincan və Karabükdə müxtəlif yol, körpü, stansiya inşaatlarında baş mühəndis olaraq işləyib. 1947-ci ildən 1952-ci ilə qədər əmək fəaliyyətini İstanbul Bələdiyyəsində davam etdirərk Eyüp bölgəsinin tikinti planını hazırlayıb. 1952-ci ildən etibarən 10 il Yıldız Teknik Universitetində dəmir yolları və torpaq işləri üzrə dərs deyib. Yaş səbəbiylə universitetdən işdən çıxdıqdan sonra İstanbul Liman İnşaatı bölgə müdirliyində kontrol mühəndisi, “Simel Limited İnşaat” şirkətində baş mühəndis vəzifəsində çalışıb.
Türkiyə İnşaat Mühəndisləri Birliyinin üzvü olub.
1983-cü il noyabrın 4-də İstanbulda vəfat edib, Ədirnəqapı məzarlığında dəfn olunub.
Şəxsi həyatı
[redaktə | mənbəni redaktə et]Hacı Zeynalabdin Tağıyevin nəvəsidir.
Faika Onat (1903–1994) adlı xanımla evlənib, Suna (1932–2011) adlı qızları olub. Suna xanım professor Mehmed Nimet Özdaşla (1921–17.06.2014) ailə qurub. Özdaş hərbçilərin hakimiyyətdə olduğu dövrdə nazir (1983–1986) olub. Orxan və Mehmed adlı iki övladı var.[2]
Həmçinin bax
[redaktə | mənbəni redaktə et]İstinadlar
[redaktə | mənbəni redaktə et]- ↑ "Araşdırma: Bakı milyonçusunun Türkiyədə mühacirətdə olan nəvəsi haqqında yeni bilgilər əldə olunub - FOTOLAR". qlobal.az (ingilis). 2024-12-01 tarixində arxivləşdirilib. İstifadə tarixi: 2024-12-01.
- ↑ Əhmədov, Hafiz. ""Təqaüd vermədilər, qoca vaxtında iş axtarırdı" – Milyonçu Tağıyevin Türkiyədəki nəticələri".
Mənbə
[redaktə | mənbəni redaktə et]- Dilqəm Əhməd . "İstanbulda Tağıyev ailəsinə aid iki məzar – Foto/Video". Teleqraf.com (az.). 2022-08-31. İstifadə tarixi: 2024-12-01.
.jpg)
