1. Soyuq şeyin halı, hərarət olmaması, hərarətsizlik; soyuq. Havanın soyuqluğu. Suyun soyuqluğu. Küləyin soyuqluğu.
– Havanın artar istisi; Daha soyuqluq az olar.
Payızın rütubətli havaları başlanmış olduğundan soyuqluq hiss olunurdu.
Payızdır… havada soyuqluq da var; Onunçun yarpağı tökür indi o.
2. məc. Əvvəlki məhəbbətin, hörmətin, yaxınlığın olmadığı hal, soyuq münasibət; sərinlik. Aralarında soyuqluq var.
– Bu səfər uşaqlar müəllimləri tərəfindən soyuqluq gördülər.
[Murad Nigarın] rəftar və hərəkətlərində özünə qarşı bir soyuqluq hiss etdi.
□ Soyuqluq göstərmək – soyuq münasibət göstərmək, soyuq qarşılamaq.
3. məc. Başısoyuqluq, səhlənkarlıq.
□ Soyuqluq eləmək – öz işinə soyuq baxmaq, səhlənkarlıq, diqqətsizlik eləmək, fikir verməmək, laqeydlik göstərmək.
[Qaragözov:] Soyuqluq eləməyin, müalicəni yarımçıq qoymayın!