Lunchbox Friends
"Lunchbox Friends" — Melani Martinesin ikinci albomu K-12-də ifa olunan səkkizinci mahnı. Musiqi videosu 10 yanvar 2020-ci ildə buraxılıb, klip əvvəllər eyniadlı filmdə göstərilmişdi.
== Haqqında ==
Martines 17 may 2016-cı ildə Instagram-da mahnının sözləri olan şəkil paylaşdı. 24 iyun 2019-cu ildə mahnıdan olan kiçik snippet yayımlandı.
10 yanvar 2020-ci ildə Martines, pərəstişkarları üçün mahnıya ən yaxşı "əl sıxma rəqsini" göstərmək üçün TikTok müsabiqəsinə başladı. O, həmçinin "After School" mini-albomu üçün sual-cavab zamanı "Lunchbox Friends"in sinql kimi buraxılacağını bildirdi.
== Mövzu ==
Martines albomun buraxılmasından illər əvvəl verdiyi müsahibədə mahnının yaxın əlaqə istəmədiyi dostlar haqqında olduğunu deyib. Bu insanlar kimin “dost” sayıla biləcəyinə dair yüksək standartlara malikdirlər və onlardan müəyyən bir şəkildə görünmələrini tələb edirlər. Onlar əslində tanımadıqları insanlar haqqında da qeybət və şayiələr yayırlar.