Raffaello
Raffaello —— 1990-cı ildən italyan firması "Ferrero" tərəfindən istehsal edilən şokolad markası.
== Tarixi ==
Marka 1990-cı ildə İtaliyanın "Ferrero" şirkəti tərəfindən yaradılıb.Raffaello istehsal edən "Ferrero" fabriklərinə Vladimir, Rusiya; Brantford, Kanada və Arlon, Belçika daxildir.2008-ci ildə Belçikanın "Soremartec" şirkəti (Ferrero Qrupuna daxildir) 2007-ci ildə Raffaelloya bənzər "Waferatto" adlı şirniyyat istehsal etməyə başlayan Ukrayna şirkəti "Landrin"ə qarşı məhkəmə işinə başladı. "Soremartec" iddia qaldırdı ki, "Landrin" "Soremartec"in "Raffaello" şirniyyatlarının görünüşünü qoruyan ticarət nişanını pozdu. Uzun sürən məhkəmə çəkişməsindən sonra Ukrayna Ali Kommersiya Məhkəməsi "Soremartec"in ticarət markasının etibarlılığını ləğv edərək "Landrin"in xeyrinə qərar çıxardı.2017-ci ildə Almaniyanın Frankfurt məhkəməsi "Ferrero"nun sadəcə çəkisini verməkdənsə, satılan hər paketdəki Raffaello şirniyyatlarının sayını siyahıya salmalı olduğuna qərar verdi.
== Görunuşu və tərkibi ==
Konfet badam və bitki yağı, yağsız süd və şəkər qarışığı ilə doldurulmuş sferik vaflidir. Xaricdən kokos ləpələri ilə örtülmüşdür. "Raffaello" konfetləri lavsan bükümdə və ağ və qırmızı rənglərdə hazırlanmış müxtəlif formalı kağız və metal qutularda təqdim olunur. Hər bir konfet ayrıca bir kağız və ya lavsan büküsündədir. Bir konfetin kütləsi 10 qramdır.
Raffaello şirniyyatının tərkibi: qurudulmuş kokos lopaları, bitki yağları, şəkər, şirin badam, yağsız süd tozu, zərdab tozu, buğda unu, tapioka nişastası, lesitin, dadlandırıcılar, natrium bikarbonat, duz.