Üzeyir Hacıbəylinin Ev Muzeyi

Üzeyir Hacıbəylinin ev-muzeyi
Üzeyir Hacıbəylinin ev-muzeyi
Əsası qoyulub	1975
Açılış tarixi	20 noyabr 1975
Mövzu	Azərbaycan musiqisi
Ölkə	Azərbaycan
Yerləşir	Bakı
Ünvan	Yasamal rayonu, Şamil Əzizbəyov küçəsi 67/69
Direktor	Sərdar Fərəcov
Telefon	(012)5952558 (ekspozisiya) (012)5952534 (inzibati hissə)
	40°22′38″ şm. e. 49°49′49″ ş. u.
	Vikianbarda əlaqəli mediafayllar

Üzeyir Hacıbəylinin Ev Muzeyi — Azərbaycan professional musiqisinin banisi, Şərqin ilk operasının "Leyli və Məcnun", Azərbaycan Dövlət Konservatoriyasının (indiki Üzeyir Hacıbəyli adına Bakı Musiqi Akademiyası), ilk simli kvartetin, ilk dövlət xorunun yaradıcısı, ilk xalq çalğı alətləri orkestrinin yaradıcısı və Azərbaycan Respublikasının Dövlət Himninin bəstəkarı Üzeyir bəy Hacıbəylinin (keçmiş Verxnyaya priyutskaya, sonralar Ketsxoveli) indiki Ak. Şamil Əzizbəyov 67/69 ünvanında yerləşən 1915-1942-ci illər ərzində yaşadığı evdə təşkil olunmuş muzeydir.

Tarixi

KP MK-nın birinci katibi vəzifəsində çalışan Heydər Əliyevin təşəbbüsü ilə Bakıdakı (keçmiş Verxnyaya priyutskaya, sonralar Ketsxoveli) indiki Şamil Əzizbəyov 67 ünvanında yerləşən – bəstəkarın 1915-1942-ci illər ərzində yaşadığı^[1] evdə muzey təşkil olundu və 1975-ci il noyabr ayının 20 –də muzeyin təntənəli açılışı oldu. Muzeyin tərtibatında və hazırlanmasında Azərbaycan xalq rəssamı Kazım Kazımzadənin və memar Eduard Kruikinin böyuk əməyi olmuşdur.

Bəstakarın 1915-1942-ci illər ərzində yaşadığı bu evdə onun bir çox əsərləri, o cümlədən Azərbaycan milli musiqisinin tacı olan "Koroğlu" operası bəstələnmişdi. Vaxtı ilə Üzeyir bəyin şəxsi katibi olmuş, sonradan isə ev muzeyinin direktoru vəzifəsində çalışmış Ramazan Həmzət oğlu Xəlilovun təşəbbüsü ilə bəstəkarın şəxsi və ev əşyaları toplanıb muzeyə təhvil verilmişdir.

Muzeyin müxtəlif dövrlərdə direktorları

Şıxıyev N.M (1972-1975)
Xəlilov R.H (1975-1999)
Xəlilova N.R (01.1999-09.1999)
Mirzəzadə S.İ (1999-2005)
Fərəcov S.F (2005-)

Strukturu

Muzey 4 otaq (ekspozisiya zalları), şüşəbənd, kinozal, sərgi salonu və administrativ hissədən ibarətdir.

Tabeçiliyi

Muzey Azərbaycan Respublikası Mədəniyyət Nazirliyinin tabeliyində fəaliyyət göstərir.

İstinadlar

↑ Mədəniyyət TV. "Bakıda 45 ildir ki, fəaliyyət göstərən Üzeyir Hacıbəyli ev muzey" (az.). Youtube.com. 20.11.2020. 2022-03-27 tarixində arxivləşdirilib. İstifadə tarixi: 2020-11-20.

Həmçinin bax

[1] Mədəniyyət TV. "Bakıda 45 ildir ki, fəaliyyət göstərən Üzeyir Hacıbəyli ev muzey" (az.). Youtube.com. 20.11.2020. 2022-03-27 tarixində arxivləşdirilib. İstifadə tarixi: 2020-11-20.

[1]

Üzeyir Hacıbəyov
Operaları	Leyli və Məcnun (1908) • Şeyx Sənan (1909) • Rüstəm və Söhrab (1910) • Şah Abbas və Xurşid Banu (1912) • Əsli və Kərəm (1912) • Harun və Leyla (1915) • Koroğlu (1937) • Firuzə (1945)
Musiqili komediyaları	Ər və arvad (1910) • O olmasın, bu olsun (1911) • Arşın mal alan (1913)
Bəstələdiyi mahnılar	Çırpınırdı Qara dəniz • Yetim quzu • Bir quş düşdü havadan • Qaragöz • Süvari mahnısı • Çağırış • Vətən ordusu • Yaxşı yol • Döyüşçülər marşı
Romans-qəzəllər	Sənsiz (1941) • Sevgili canan (1943)
Himnlər	Azərbaycan himni (1919) • Azərbaycan SSR-in himni (1944) • Qələbə himni (1945)
Kamera-instrumental əsərləri	Aşıqsayağı • Uşaq albomu • Sonatina • Uşaq pyesləri
Ekranlaşdırılmış əsərləri	Arşın mal alan (1917) • Arşın mal alan (1937) • Arşın mal alan (1945) • Məşədi İbad (1953) • O olmasın, bu olsun (1956) • Arşın mal alan (1960) • Arşın mal alan (1965) • Məşədi İbad 94 (2005)
Haqqında çəkilən filmlər	Üzeyir Hacıbəyov (film, 1965) • Üzeyir Hacıbəyov (film, 1976) • Üzeyir ömrü (film, 1981) • Üzeyir Hacıbəyov (film, 1986) • Sənsiz (film, 1991)
Xatirəsi	Milli musiqi günü • Üzeyir Hacıbəyov adına Azərbaycan Dövlət Simfonik Orkestri • Üzeyir Hacıbəyov Beynəlxalq musiqi festivalı • Üzeyir Hacıbəyovun heykəli (Bakı, 1960) • Üzeyir Hacıbəyov adına "Kimyaçı" Mədəniyyət Sarayı • Üzeyir Hacıbəyovun qəbirüstü abidəsi • Üzeyir Hacıbəyovun abidə kompleksi (Sumqayıt) • Üzeyir Hacıbəylinin ev-muzeyi (Bakı) • Üzeyir Hacıbəyovun ev-muzeyi (Şuşa) • Üzeyir Hacıbəyov adına Bakı Musiqi Akademiyası • Üzeyir Hacıbəyovun abidəsi (Vyana) • Üzeyir Hacıbəyovun heykəli (Şuşa)