Qarı qollarını çırmalayıb, Məlik vəzirin arvadını doğuzdurdu, gördü ki, bu bir oğlan doğdu ki, eyni Yusifi-Kənan. ().
Sən varlığın eynisən, buna sözmü var? Ürəyisən, beynisən, buna sözmü var?
// Başqası yox, həmin, bəlli şeyin özü. Eyni yer. Eyni söz.
– …Fərhadoğlu yenə də sabah-sabah eyni mətləbdən söz açmalı oldu.
□ Eyni ilə – 1) tamamilə eyni, tamamilə olduğu kimi, tam oxşar.
Keçən aylarda da bir dəfə Cuma evinə eyni ilə belə gəlmişdi. ;
2) hərfi-hərfinə, sözü-sözünə, nöqtəsinöqtəsinə, necə ki var, əslində olduğu kimi. Eyni ilə köçürmək.
– Mərhumun [M.F. Axundzadənin] tərcümeyi-halına dair yuxarıda icmalən verdiyimiz əhvalata iktifa etməyib, onun öz yazdığı təfsilatı fars dilindən türkcə tərcümə edib, necə ki var, eyni ilə burada zikr edirik.
Eyni zamanda (vaxtda) – 1) bir vaxtda, bir zamanda.
Eyni zamanda iki otaqda mühakimə gedirdi.
Qırx … şahmatçı ilə eyni zamanda oynayırdı. ;
2) həmçinin, bununla bərabər.
Yaxın zamanda Bağdad dünyasına məşhur oxuyan, eyni zamanda misli görünməyən bir gözəl qədəm qoyacaqdır.
[Qəhrəman:] Eyni zamanda [xanımın] əlindən yaxa qurtarmaq üçün çalışırdım.
