1. Qatı, yağlı bir maddəni bir şeyin üstünə sürtüb yaymaq. Çörəyə kərə yaxmaq.
– Çıxdım Aya baxmağa; Qapıya qıfıl taxmağa; Qıza xına gəlibdi; Əllərinə yaxmağa. ().
[Məşədi İbad:] Görünür ki, heyvan balası dəllək xınanı pis yaxıbdır.
// Bulamaq, batırmaq.
2. məc. Əsassız olaraq isnad etmək, boynuna qoymaq, üstünə atmaq.
[Fatma xanım:] Sənin bu ləçər qızın mənim üstümə oğurluq yaxır.
…Çar agentlərinə və bir casusa yaraşan sifətləri bunun məsum və səmimi çöhrəsinə yaxa bilmirdim.
◊ Qara yaxmaq – bax qara.
Ləkə yaxmaq – bax ləkə.