□ Bərpa etmək – 1) əvvəlki halına salmaq, təzədən qurmaq (düzəltmək). Müharibə nəticəsində dağılmış sənayeni bərpa etmək. – [Kərim bəy:] İstehkamçı – mühəndis deməkdir, yəni körpü tikəcək, yolları bərpa edəcək, səngər quracaqsınız. Mir Cəlal;
2) əvvəlki vəziyyətini (hüququnu və s.-ni) qaytarmaq. Vəzifəsini bərpa etmək. Hüququnu bərpa etmək;
3) qaldırmaq.
Mindi bir at molla düşdü yola; Getdi ta məhşər eyləsin bərpa. ;
4) məc. Yaratmaq, düzəltmək.
Şərqdən əsən nəsim güllərin, çiçəklərin və ağacların yarpaqlarının arasında aşiq və məşuqlar ürəklərini cuşa gətirən bir məqamat bərpa etmiş idi.
Bərpa olmaq – əmələ gəlmək, qalxmaq, törəmək, qopmaq.
Hər birisinin başına şuriş və tüğyan xəyalı düşdü və tezliklə Qəzvində şurişi-əzim bərpa oldu.
Əgər desəm, qiyamət bərpa olmuşdu, inanın.
