Qara Yanvar faciəsinin qurbanlarının siyahısı
Bu səhifədə iş davam etməkdədir. |
Qara Yanvar faciəsinin qurbanlarının siyahısı — 1990-cı il yanvarın 19-dan 20-nə ötən gecə birbaşa Sovet İttifaqı Kommunist Partiyası Mərкəzi Komitəsinin Baş Katibi Mixail Qorbaçovun əmri ilə SSRİ Müdafiə Nazirliyi və Daxili İşlər Nazirliyinin qoşun hissələri Bakıya və Azərbaycanın bir neçə rayonuna yeridilib, dinc əhalini müxtəlif tipli silahlardan atəşə tutularaq qətlə yetirilib.
Qətlə yetirilənlərdən çoxu xüsusi amansızlıqla öldürülmüşdür.
Qara Yanvar nəticəsində XXX nəfər həyatını itirmiş, XXX nəfər yaralanmışdır. Öldürülənlərdən X nəfəri qadın, X nəfəri uşaq idi.
Qətlə yetirilənlər sırasında milislər, fəhlələr, tələbələr, şağirdlər də olmuşdur.
Öldürülənlərdən X nəfər azərbaycanlı, 6 nəfər rus, 3 nəfər yəhudi, 2 nəfər isə tatar mulliyyətinə mənsu idi.
Qara Yanvar faciəsinin qurbanları
Abbasov Sabir Rzaqulu oğlu | satıcı | 1968-ci ildə Binə qəsəbəsində anadan olub. Subay idi. Binə hava limanında satıcı işləyib. Axşam saat 22:00-da işdən çıxıb. Yolda əsgərlər tərəfindən güllələnmiş, gecə saat 23.05-də xəstəxanaya gətirilmişdir. Səhər onun meyidi 26 nömrəli xəstəxanadan tapılmışdır. Qarın nahiyəsindən yaralanmışdır. Binə qəbiristanlığında dəfn edilmişdir. | ||
Abbasov Zöhrab Heydərəli oğlu | işsiz | 1970-ci ildə anadan olub. Subay idi. Vərəm xəstəliyi olduğu üçün heç yerdə işləmirdi. Yanvarın 19-da XI Qızıl Ordu meydanına getmişdi. Gecə saatlarında tüfəngin qundağı ilə döyülmüş, ağır bədən xəsarəti almışdır. Elə həmin gün də neyrocərrahiyyə xəstəxanasında ölmüşdür. Xırdalan qəbiristanlığında dəfn olunub. | ||
Abbasova Fəridə Nəriman qızı | evdar | 1952-ci ildə anadan olub. Evdar qadın idi. 2 oğlu, 1 qızı var idi. Yanvarın 19-da axşam saat 00:00 radələrində evinin həyətində paltar sərdiyi yerdə güllələnmişdir. Yanvarın 20-də Nardaran qəbiristanlığında dəfn olunub. | ||
Abdullayev Eyyub Mahmud oğlu | fəhlə | 1967-ci ildə Vedi rayonunda anadan olub. Subay idi. Soyuducular zavodunda fəhlə işləyib. Yanvarın 20-də gecə saat 00.30-da evdən çıxıb. Valideynləri onu itgin hesab edib. "Naxçıvan" mehmanxanasının yanında öldürülmüşdür. Yanvarın 22-də naməlum şəxs olaraq Şəhidlər Xiyabanında dəfn olunub. Martın 11-də isə şəxsiyyəti müəyyənləşdirilmişdir. | ||
Abdullayev Zahid Abdulla oğlu | fəhlə | 1959-cu ildə Xaçmaz rayonunda anadan olub. Maşınqayırma zavodunda fəhlə idi. Həmin zavodda işləyən Z. Abdullayeva ilə evlənmişdi. 2 oğlu, 1 qız var idi. Kirayədə yaşayırdılar. Yanvarın 19-dan 20-nə ötən gecə Salyan Kazarmasının yanında avtobusun atəşə tutulması nəticəsində Zahid Abdullayev başından aldığı güllədən öldürülmüşdür. Xaçmaz rayonnda dəfn olunub. | ||
Abdullayev Tariyel Oruc oğlu | rəngsaz | 1949-cu ildə Şəmkir rayonunda anadan olub. 4 nömrəli inşaat idarəsində rəngsaz işləyib. 2 övladı var idi. Kirayədə yaşayırdılar. Yanvarın 19-dan 20-nə ötən gecə XI Qızıl Ordu meydanında ağır güllə yarası almışdır. Saat 04:00 radələrində xəstəxanada əməliyyat olunmuşdur. Növbəti dəfə yanvarın 22-də cərrahiyyə əməliyyatı aparılmışdır. Bununla belə yanvarın 27-də vəfat etmişdir. Şəhidlər Xiyabanında dəfn olunub. | ||
Ağahüseynov Ağahəsən Yarı oğlu | mantyor | 1957-ci ildə anadan olub. 2 övladı var idi. Xətai rayonunda mantyor işləyib. Yanvarın 19-dan 20-nə ötən gecə qardaşı Tavabil Ağahüseynovla bir yerdə Salyan Kazarmasının yanında olmuşdur. Gecə saatlarında güllə yarası almışdır. Xəstəxanaya aparılmış, cərrahiyyə əməliyyatı olunmuş, bədənindən dörd güllə çıxarılmışdır. Bununla belə səhər saat 07:00 radələrində vəfat etmişdir. Əhmədli qəbiristanlığında dəfn olunub. | ||
Ağaverdiyev Aslan Əlikram oğlu | satıcı | 1952-ci ildə anadan olub. Çay evində satıcı işləyib. Üç qızı var idi. Həmin gecə saat 00:00 radələrində güllə səsinə evdən çıxıb. Bütün gecə ailəsi ondan xəbər ala bilməyib. Yanvarın 20-də onun meyidini xəstəxananın ölüxanasından tapıblar. Güllə onun bağırsaqlarını, mədəsini və böyrəyini zədələmişdir. Xəstəxanaya gətirilənə qədər qan itirmiş, nəticədə vəfat etmişdir. Şəhidlər Xiyabanında dəfn olunub. | ||
Alimov Ramis Xarisoviç | çilingər | 1958-ci ildə anadan olub. Milliyyətcə tatardır. 1973-cü ildən Boru Kəməri İdarəsində maşın təmiri çilingəri işləyib. Evli idi. Bir qızı var idi. Həmin gecə güllə səsinə evdən çıxıb. Bütün gecə ailəsi ondan xəbər ala bilməyib. Yanvarın 20-də qardaşı onun meyidini xəstəxananın ölüxanasından tapmışdır. Gülləş yarasından ölmüşdür. Şəhidlər Xiyabanında dəfn olunub. | ||
Allahverdiyev İlham Əjdər oğlu | fəhlə | 1962-ci ildə Ağdam rayonunda anadan olub. Dadaş Bünyadzadə adına gəmi təmiri zavodunda fəhlə işləyirdi. 1989-cu il iyunun 30-da Fərizə Allahverdiyeva ilə toyları olmuşdu. Həmin gecə güllə səsinə evdən çıxıb. Sonra qonşularla XI Qızıl Ordu meydanına gedib. Saat 00:30 radələrində yaralanıb. Xəstəxanaya aparılıb və gecə saat 01:00 radələrində cərrahiyyə əməliyyata alınıb. Saat 01:00 radələrində aldığı güllə yarasından vəfat etmişdir. Yanvarın 21-də, saat 06:00 radələrində həyat yoldaşı Fərizə Allahverdiyeva intihar etmişdir. Şəhidlər Xiyabanında yanaşı dəfn olunublar. | ||
Allahverdiyev Nəriman Əmir oğlu | ||||
Allahverdiyev Ruslan Kamal oğlu | fəhlə | 1967-ci ildə Ucar rayonunda anadan olub. Subay idi. Şampan zavodunda fəhlə işləyirdi. Yanvarın 19-u axşam Salyan Kazarmasının yanında olub. Güllə yarası alıb. Atası onun meyidini Salyan Kazarmasının yanından tapıb. Xırdalanda dəfn olunub. | ||
Allahverdiyeva Fərizə Çoban qızı | ||||
Aliməmmədov Teymur Yəhya oğlu | tələbə | 1972-ci ildə Şahbuz rayonunda anadan olub. N. Nərimanov adına Tibb Universitetinin əczaçılıq bölməsinin təhsil alırdı. Subay idi. Birinci imtahan sessiyasını uğurla başa vurmuşdu. Şahbuz rayonuna ailəsinin yanına getməyi düşünürdü. Dostu ilə birgə Naxçıvana bilet alıb, qayıdan zaman başından güllə yarası alıb. Güllə onun əmgəyindən dəymiş, üst çənəsində ilişib qalmışdı. Yeddi gün xəstəxanada qaldıqdan sonra yanvarın 31-i saat 03.45-də vəfat etmişdir. Şahbuz rayonunda dəfn olunub. | ||
Atakişiyev Bəhruz Tofiq oğlu | sürücü | 1961-ci ildə anadan olub. Avtomobil dəstəsində sürücü işləyib. Subay idi. Həmin gecə saat 00:00 radələrində atəş səslərinə evdən çıxıb. "Gənclik" metrosu istiqamətində güllə yarası alıb. 5 nömrəli xəstəxanaya aparılıb və gecə saat 02:00 radələrində cərrahiyyə əməliyyatına alınıb. Səhər saat 06:00 radələrində vəfat edib. Şəhidlər Xiyabanında dəfn olunub. | ||
Atakişiyev Şakir Xandadaş oğlu | çilingər | 1961-ci ildə Abşeron rayonunun Sitalçay qəsəbəsində anadan olub. Sumqayıt qaz idarəsində çilingər işləmişdir. 2 oğlu, 1 qızı var idi. Yanvarın 19-da axşam saatlarında Xırdalan pivə zavodunun yanında dostunun "Jiquli" maşınında odlu silahla vurulub. Sinəsində beş güllə yarası olub. Dostu isə yaralanıb. Yanvarın 21-də saat 15:00-da meyidinu xəstəxanada tapıblar. Şəhidlər Xiyabanında dəfn edilib. | ||
Babayev Əlövsat Hidayət oğlu | Nizami Rayon Məhkəməsinin qərarı ilə 20 yanvar 1990-cı il tarixindən itgin hesab olunur. | |||
Babayev Fuad Yavər oğlu | tələbə | 1967-ci ildə anadan olub. Azərbaycan İnşaat Mühəndisləri İnstitutunun inşaat bölməsinin tələbəsi idi. Həmin gecə güllə səsi evdən çıxıb. XI Qızıl Ordu meydanı yaxınlığında güllələnib. Yanvarın 20-də səhər saat 07:00 radələrində onun meyidini xəstəxananın meyidxanasından tapıblar. Şəhidlər Xiyabanında dəfn olunub. | ||
Babayev Rahim Vaqif oğlu | tələbə | 1970-ci ildə Ordubad şəhərində anadan olub. M. Əzizbəyov adına Azərbaycan Sənaye İnstitutunun tələbəsi idi. Yanvarın 19-da gecə saat 00:00-da evdən çıxıb. Beş gün barəsində xəbər olmayıb. Yanvarın 25-də meyidi xəstəxananın meyidxanasında tapılıb. Şəhidlər Xiyabanında dəfn olunub. | ||
Babayeva Sürəyyə Lətif qızı | evdar | 1913-cü ildə anadan olub. Biləcəri qəsəbəsində oğlunun yanında yaşayıb. Yanvarın 22-də saat 17:25 dəqiqədə Biləcəri şosesində hərbi zirehli maşınlardan binalar atəşə tutulmuş, mətbəxdə axşam yeməyi hazırlayan Sürəyya Babayeva aldığı güllə yarasından yerindəcə ölmüşdür. Bina 5 dəqiqədən çox avtomat və pulemyotlardan atəşə tutulmuş, daha bir qonşu isə yaralanmışdır. İmişlidə dəfn olunub. | ||
Bağırov Baloğlan Həbib oğlu | baytar | 1966-cı ildə Maştağa qəsəbəsində anadan olub. 3 övladı var idi. Azərquşsənaye birliyinin baytarlıq laboratoriyasında işləyib. Yanvarın 23-də Baloğlan Bağırov qaynanasını Gürcüstana yola salmaq üçün qardaşı Atamoğlanla birgə şəhərə gəliblər. Həmin gün təxminən saat 16:00-da Tbilisi pr. yaxınlığında benzindoldurma məntəqəsinin yaxınlığında hərbçilər heç bir səbəb olmadan onların getdiyi maşını atəşə tutmuşlar. Baloğlan Bağırov döş qəfəsindən və qarın boşluğundan yaralanmış, onu xəstəxanaya aparmışlar. Həmin gün vəfat etmişdir. Şəhidlər Xiyabanında dəfn olunub. | ||
Bağırov Telman Malik oğlu | milis | 1960-cı ildə anadan olub. Milis şöbəsində serjant vəzifəsində işləyirdi. Yanvarın 20-də təxminən saat 20:00 radələrində evə gəlib, şam edib və yenidən işə qayıdacağını bildirib. Təxminən saat 22:30 radələrində naməlum şəxs evə zəng edib və ailə üzvündən Telman Bağırov adlı qohumunun olub-olmadığını soruşub və onu xəstəxanaya apardığını bildirib. Telman Bağırov "Dostluq" Kinoteatrının yaxınlığında telefon danışıq məntəqəsinin qarşısında əsgərlər tərəfindən güllələnmişdir. Şəhidlər Xiyabanında dəfn olunub. | ||
Baxşəliyev Elçin Mirzə oğlu | sürücü | 1965-ci ildə anadan olub. Avtobus sürücü işləyirdi. Subay idi. 19-dan 20-nə ötən gecə 2 nömrəli maşınlar dayanacağının yanında yaralılara yardım edirdi. Bu vaxt hərbçilər onu da atəşə tutmuş, nəticədə qarın nahiyəsindən güllə yarası almışdır. Elçin Baxşəliyev xəstəxanada ölmüşdür. Qohumları onun meyidini yanvarın 20-də həmin xəstəxananın ölüxanasından tapıblar. Abşeron rayonunda dəfn edilib. | ||
Bayramov İsabala Əli oğlu | işsiz | 1967-ci ildə anadan olub. 2 övladı var idi. Günəmuzd işləyirdi. Yanvarın 19-da əmisi oğlu Mübariz Bayramovla XI Qızıl Ordu meydanına gediblər. Təxminən 00:30 radələrində yaralanmış, aparıldığı xəstəxanada ölmüşdür. Güllə baş nahiyəsindən dəymişdir. Şəhidlər Xiyabanında dəfn edilib. | ||
Bessantina Vera Lvovna | şagird | 1973-cü ildə anadan olub. Milliyyətcə yəhudidir. 258 nömrəli orta məktəbin 11-ci sinif şagirdi idi. Salyan Kazarması ilə üzbəüz binada yaşamışdır. Yanvarın 20-də gecə saatlarında binanın atəşə tutulması nəticəsində Vera Bessantina qarın nahiyəsindən yaralandı, qısa müddətdə qanaxmadan həyatını itirdi. Şəhidlər Xiyabanında dəfn edilib. | ||
Boqdanov Valeri Zakiroviç | milis | 1958-ci ildə Gəncə şəhərində anadan olub. Milis leytenantı idi. Yanvarın 19-da səhər tezdən işə çağırılıb. Yanvarın 20-də səhər saat 07:15-də onların maşını Tbilisi pr. yaxınlığında atəşə tutulmuşdur. Nəticədə Valeri Boqdanov güllə yarası almış, 4 saatdan sonra isə xəstəxanada vəfat etmişdir. Gəncə şəhər qəbiristanlığında dəfn olunub. | ||
Bünyadzadə Ülvi Yusif oğlu | tələbə | 1969-cu ildə Vardenis rayonunun anadan olub.
Azərbaycan Pedaqoji Xarici Dillər İnstitutunun ingilis dili bölməsinin tələbəsi idi. Tərcümələr edir, şeirlər yazırdı. Həmin gecə XI Qızıl Ordu meydanında güllələnmişdir. Şəhidlər Xiyabanında dəfn olunub. | ||
Cavanşirov İlkin Zülqədər oğlu | sürücü | 1933-cü ildə 28-də anadan olub. 2 nömrəli maşınlar dayanacağında sürücü işləyirdi. 9 övladı var idi. Yanvarın 20-də gecə saatlarında güllə səsləri eşidəndə evdən çıxıb. Avtovağzal yaxınlığında qolundan və başından güllə yarası almışdır. Yanvarın 23-də təcili yardım xəstəxanasında vəfat etmişdir. Şəhidlər Xiyabanında dəfn edilib. | ||
Durdıyev Anagəldi | Nizami Rayon Məhкəməsinin qərarı ilə 20 yanvar 1990-cı il tarixindən itgin hesab olunur. | |||
Eminov Vəfadar Osman oğlu | fəhlə | 1966-cı ildə Borçalı mahalında anadan olub. S. Kirov adına Azərbaycan Dövlət Universitetinin hüquq bölməsində axşam şöbəsində oxuyurdu, paralel olaraq fəhlə işləyirdi. Yanvarın 21-də imtahandan çıxandan sonra təxminən saat 13:00 radələrində yolüstü Qədirli adına xəstəxanaya gedib, yaralılara vurulmaq üçün qan verib. Xəstəxanadan çıxıb «Olimp» mağazasına tərəf piyada düşən zaman hərbçilər tərəfindən güllələnmişdir. Şəhidlər Xiyabanında dəfn olunub. | ||
Əbilhəsənov İlqar Yusif oğlu | milis | 1967-ci ildə anadan olub. Yasamal Rayon Daxili İşlər Şöbəsində serjant işləyirdi. Həmin gecə xidməti növbədə idi. Təxminən saat 00:00 radələrində «Naxçıvan» mehmanxanasının yanında özünəməxsus QAZ-24 maşınından enən zaman avtomatdan atəşə tutulmuş, sonra xəstəxanaya aparılmışdır. Beş saatlıq cərrahiyyə əməliyyat olunsa da, yanvarın 22-də səhər saat 11:00 radələrində həyatını itirmişdir. Şəhidlər Xiyabanında dəfn olunub. | ||
Əbülfətov Mircamal Mirsaleh oğlu | fəhlə | 1958-ci ildə Lənkəranda anadan olub. Lənkəran şəhərlərarası daşıma idarəsində fəhlə işləyib. 1 qızı var idi. Həmin gecə XI Qızıl Ordu meydanında yaralıların xəstəxanalara aparılmasına yardım edib. Gecə saatlarında güllələnib. Qarın və sinə nahiyəsindən güllə yarası alıb. Xəstəxanaya aparılan zaman saat 03:30 radələrində həyatını itirib. Lənkəranda dəfn edilib. | ||
Əhmədov İlqar Hümbət oğlu | tələbə | 1965-ci ildə Borçalı mahalında anadan olub. Ç. İldırım adına Azərbaycan Politexniк İnstitutunun tələbəsi idi. Yanvarın 19-dan 20-nə ötən gecə dostları ilə birgə Salyan Kazarmasının yanında olub. Gecə saat 02:30 radələrində hərbçilər tərəfindən güllələnib. Sol gözündən güllə yarası alan İlqar Əhmədov hadisə yerindəcə həyatını itirmişdir. Borçalı mahalında dəfn olunub. | ||
Ələkbərov Azər Nəsib oğlu | tələbə | 1967-ci ildə anadan olub. Azərbaycan Dövlət İncəsənət İnstitutunun rejissorluq bölməsinin tələbəsi idi. Yanvarın 19-dan 20-nə ötən gecə boynundan aldığı güllə yarasından həyatını itirmişdir. Şəhidlər Xiyabanında dəfn olunub. | ||
Əsgərov Novruz Faiq oğlu | fəhlə | 1968-ci ildə anadan olub. İnşaat Kooperativində işləyirdi. Yanvarın 20-də gecə saatlarında Əzizbəyov metrostansiyasının yaxınlığında güllələnmişdir. Səhər saatlarında meyidini Caparidze adına xəstəxananın meyidxanasından tapıblar. Əhmədli qəbiristanlığında dəfn olunub. | ||
Ələsgərov Zaur Rasim oğlu | işsiz | 1969-cu ildə anadan olub. Yanvarın 20-də gecə saatlarında dostları ilə birgə XI Qızıl Ordu meydanına gedib. Yanvarın 21-də meyidini təcili yardım maşını xəstəxananın meyidxanasına gətirib. Haradan gətirildiyi bəlli deyil. Üç yerdən - başından, ürəyindən və ayağından güllə yarası alıb. Şəhidlər Xiyabanında dəfn edilib. | ||
Əliyev Əruz Əhmədəli oğlu | ? | barəsində ətraflı məlumat yoxdur | ||
Əliyev Bayram Mədət oğlu | icraçı | 1950-ci il ildə Kalinino rayonunda anadan olub. 2 nömrəli Ev İnşaatı Kombinatında icraçı işləyib. Ailəli idi. Həmin gecə hərbçilər tərəfindən öldürülmüşdür. Rəsmi diaqnoza əsasən döş qəfəsinin alətlə travması, daxili orqanların və qabırğaların sınması və zədələnməsi, həmçinin odlu silahla yara qeydə alınmışdır. "Qurd qapısı" qəbiristanlığında dəfn edilib. | ||
Əliyev Xəlqan Yusif oğlu | dülgər | 1969-cu ildə anadan olub. Subay idi. «İsкra» zavodunda dülgər işləyirdi. Zavodun qarşısında hərbçilər tərəfindən güllələnib. Qarın nahiyəsindən aldığı güllə yarası nəticəsində yanvarın 20-də vəfat etmişdir. Şəhidlər Xiyabanında dəfn olunub. | ||
Əliyev Namiq Kamil oğlu | aşpaz | 1965-ci ildə anadan olub. «Zümrüd» restoranında aşpaz işləyib. Subay idi. Yanvarın 19-da səhər işə gedib və geri qayıtmayıb. "Olimp" mağazasının yaxınlığında yuxarı çıxmağa çalışan zaman atəşə məruz qalmış, ürəyinə və gicgahına dəyən 2 güllədən hadisə yerindəcə həyatını itirmişdir. Şəhidlər Xiyabanında dəfn edilib. | ||
Əliyev Rüstəm Şahvələd oğlu | sürücü | 1965-ci ildə anadan olub. Subay idi. 2 nömrəli avtobus dayanacağında sürücü işləyirdi. Yanvarın 19-da axşam dostu Elmanla Salyan Kazarmasının yanına gedib. Hərbçilər dinc əhaliyə atəş açan zaman yaralıları avtobusla xəstəxanaya daşıyıb. Sonra yolda Rüstəm Əliyevin avtobusunu da atəşə tutublar. O, döş qəfəsindən, qarın boşluğundan bir neçə odlu güllə yarası alıb. Gecə saat 03:30 radələrində xəstəxanaya gətirilib. Yanvarın 25-də, saat 13:00 radələrində həyatını itirib. Şəhidlər Xiyabanında dəfn edilib. | ||
Əliyev Zahid Bayram oğlu | satıcı | 1963-cü ildə Vedi rayonunda anadan olub. Bir qızı var idi. Mağazada satıcı işləyib. Yanvarın 19-da işdən evə gəlib. Axşam saatlarında Binə qəsəbəsinə, bacısıgilə gedib. Həmin gün evə qayıtmayıb. Suraxanı döngəsində yaxınlığında hərbçilər tərəfindən güllələnib. Suraxanı xəstəxanasına çatdırılanda həyatını itirib. Şəhidlər Xiyabanında dəfn edilib. | ||
Əliyev Zəbbulla Xeyrulla oğlu | sürücü | 1946-cı ildə Sabirabad rayonunda anadan olub. Sürücü işləyib. Beş uşaq atası idi. XI Qızıl Ordu meydanında başından odlu güllə yarası almış, yanvarın 20-də xəstəxanada vəfat etmişdir. Sabirabad rayonunda dəfn olunub. | ||
Əlizadə Faiq Əbdülhüseyn oğlu | fəhlə | 1953-cü ildə Ağcabədi şəhərində anadan olub. Binəqədi rayon təmir-inşaat idarəsində fəhlə işləyib. Üç övladı var idi. Yanvarın 19-u gecə saatlarında güllə səslərinə evdən çıxıb. «Gəncliк» metrosunun yaxınlığında güllələnib. Yanvarın 20-də səhər saatlarında 5 nömrəli xəstəxanada həyatını itirib. Şəhidlər Xiyabanında dəfn edilib. | ||
Əsədullayev Asif Kamil oğlu | fəhlə | 1952-ci ildə Lənkəranda anadan olub. 2 övladı var idi. Maşınqayırma zavodunda fəhlə işləyib. Yanvarın 19-dan 20-nə ötən gecə Əmircan qəsəbəsində qohumlarının evindən «Jiquli» maşını ilə Sabunçu qəsəbəsinə qayıdan zaman Ramana yaxınlığında güllələnmişdir. Lənkəranda dəfn olunub. | ||
Əşrəfov Rəhman İsmixan oğlu | işsiz | 1955-ci ildə Binə qəsəbəsində anadan olub. Evli idi. İdarə etdiyi maşınında təxminən saat 23:00 radələrində güllələnmişdir, nəticədə ağır yaralanmışdır. Vəziyyəti ağır olduğu üçün yanvarın 22-də neyrocərrahiyyə xəstəxanasına yerləşdirilmişdir. Yanvarın 24-də həmin xəstəxanada vəfat etmişdir. Nardaran qəbiristanlığında dəfn edilib. | ||
Əzizov Habil Komunar oğlu | tələbə | 1968-ci ildə Qazax rayonunda anadan olub. Azərbaycan Xalq Təsərrüfatı İnstitutunun tələbəsi idi. Yanvarın 19-da, təxminən saat 00:00 radələrində güllə səsləri gəlməyə başlayanda dostları ilə Salyan Kazarmasının yanına getmişdilər. Gecə saatlarında güllələnib. Ertəsi gün ailəsi onun meyidini xəstəxananın ölüxanasından tapdılar. Qazax rayonunda dəfn olunub. | ||
Hacıyev Mübariz Məhəmməd oğlu | sürücü | 1952-ci ildə Ucar rayonunda anadan olub. Dörd övladı var idi. 5 nömrəli maşın dayanacağında sürücü işləmişdir. Yanvarın 19-dan 20-nə ötən gecə XI Qızıl Ordu meydanında sol ayağından, sol çiynindən və ağ ciyər nahiyəsindən ağır yaralanmışdır. Xeyli qan itirən xəstəyə qan vurulmuş, amma bunun da yardımı olmamışdır. Şəhidlər Xiyabanında dəfn olunub. | ||
Həmidov İzzət Atakişi oğlu | laborant | 1930-cu ildə anadan olub. Yer Quruluşu Layihə İnstitutunda işləyib. Üç övladı var idi. Yanvarın 20-də, saat 00:00 radələrində Salyan Kazarmasının yaxınlığında yaralanmışdır. 2 gün reanimasiya şöbəsində qaldıqdan sonra yanvarın 22-də həyatını itirmişdir. Şəhidlər Xiyabanında dəfn olunub. | ||
Həmzəyev Balahüseyn Mirqəzəb oğlu | sürücü | 1929-cu ildə anadan olub. 2704 nömrəli avtomobil xəttində sürücü işləyib. Beş övladı var idi. Yanvarın 19-da, axşam saatlarında Yeni Suraxanı dairəvi yolunda güllələnmişdir. Caparidze adına xəstəxanaya aparılsa da, martın 24-də müalicə aldığı xəstəxanada vəfat edib. Yeni Suraxanı qəbiristanlığında dəfn edilib. | ||
Həsənov Əli Xudaverdi oğlu | sürücü | 1957-ci ildə anadan olub. Meliorasiya Su İnşaat İdarəsində sürücü işləyib. 2 övladı var idi. Yanvarın 20-də, gecə saat 00:00 radələrində güllə səslərinə evdən çıxıb. Səhər ailə üzvləri onun meyidini xəstəxananın meyidxanasına tapıblar. Şəhidlər Xiyabanında dəfn olunub. | ||
Həsənov Mehman İbrahim oğlu | dövlət qulluqçuqu | 1964-cü ildə anadan olub. Ailənin yeganə övladı idi. İnşaat Materialları Sənayesi Nazirliyinin məlumat-hesablama şöbəsində işləmişdir. Yanvarın 19-da evdən iş adıyla çıxıb. Səhər evə gəlməyib. Yanvarın 21-də meyidini ölüxanadan tapıblar. XI Qızıl Ordu meydanında güllələnmişdir. Şəhidlər Xiyabanında dəfn olunub. | ||
Həsənov Müzəffər Qəzənfər oğlu | sürücü | 1939-cu il anadan olub. İnşaat-quraşdırma trestinin avtobazasında sürücü işləmişdir. Dörd övladı var idi. Yanvarın 19-u gecə oğlu Zahid evə gec gəlib. Övladını axtarmağa gedib. Gecə saat 04:00-05:00 radələrində Salyan Kazarmasının yanında olub, yaralı və ölüləri xəstəxanaya daşıyıyıb. Yanvarın 22-də ailə üzvləri onun meyidini xəstəxanada tanınmaz hala düşmüş halda tapıblar. Şəhidlər Xiyabanında dəfn olunub. | ||
Həsənov Sahib Nəsib oğlu | satıcı | 1949-cu ildə Gədəbəy rayonunda anadan olub. Məşədi Əzizbəyovun abidəsinin yaxınlığında qəzet satışı məntəqəsində satıcısı idi. Üç övladı var idi. Yanvar ayının 20-də səhər tezdən öz maşınında işə getdiyi vaxt İnşaatçılar pr. yaxınlığında yanğınsöndürmə məntəqəsinin qarşısında əsgərlər maşını atəşə tutmuş, güllələrdən biri onun alnına dəymiş, nəticədə həyatını itirmişdir. Bədənində 8 güllə yarası olub. Şəhidlər Xiyabanında dəfn olunub. | ||
Həşimov İsrafil Ağababa oğlu | satıcı | 1964-cü ildə anadan olub. Azərittifaq sistemində satıcı işləyib. 2 qızı var idi. Həmin axşam evdən çıxıb, bütün gecə evə gəlməyib. Səhər meyidini xəstəxanadan tapıblar. Döş qəfəsindən güllə yarası alıb. Ehtimala görə hadisə XI Qızıl Ordu meydanında olub. Şəhidlər Xiyabanında dəfn olunub. | ||
Hüseynov Əlimərdan Əbil oğlu | montyor | 1962-ci ildə Biləsuvar rayonunda anadan olub. Montyor işləmişdir. Yanvarın 19-dan 20-nə ötən gecə Salyan Kazarmasının yanında olmuşdur. Yanvarın 21-də onu meyidxanadan tapıblar. Güllələr ona qolundan və sinəsindən dəymişdir. Sifətinin sağ tərəfində ağır zərbə izləri olub. Biləsuvar rayonunda dəfn olunub. |
Şəhidlərin siyahısı
Sıra | Şəhid | Doğum tarixi | Milliyəti | Məşğulliyəti | Vəfat səbəbi | Vəfat tarixi |
---|---|---|---|---|---|---|
5 | Abdullayev Tariyel Hacıbala oğlu | 25 fevral 1965 | Azərbaycanlı | Kalinin adına cihazqayırma zavodunda fəhlə işləyirdi. |
Haftoni meşəliyindən götürüldükdən sonra Bakıya vertolyotla aparılarkən Sovet əsgərləri tərəfindən boğazından bağlanan məftilin bərk sıxılması səbəbindən boğularaq ölmüşdür. |
26 yanvar 1990 |
7 | Adilov Musa Ramazan oğlu | 5 sentyabr 1959 | Azərbaycanlı | Təmir-tikinti idarəsində işləmişdir. | Gecə saat 01:00 radələrində dostlarını aeroporta apararkən Komsomol və Suraxanı dairələri arasındakı yolda əsgərləri görmüş, maşını geri döndərməyə çalışarkən kürəyindən yaralanmışdır. Aldığı xəsarətdən 2004-cü il 19 mart tarixində vəfat etmişdir. |
19 mart 2004 |
10 | Ağahüseynov Nurəddin Aslan oğlu | 15 dekabr 1951 | Azərbaycanlı | Neftçala rayonunun 26-lar qəsəbə yeməkxanasında aşpaz işləmişdir. |
Yanvarın 25-də axşam təxminən saat 19-da yoldaşı ilə sükanında oturduğu "Zaporojets"də işdən evə gələrkən Neftçala mərkəzi univermağının qarşısında tankları görmüş, geri dönməyə çalışarkən ona güllə dəymişdir. Güllə boynundan dəyib alnından çıxmış, aldığı xəsarətdən həmin gün xəstəxanada vəfat etmişdir. |
25 yanvar 1990 |
14 | Ağayev Şövkət Həsənoviç | 14 dekabr 1936 | Azərbaycanlı | Poladtökmə zavodunda vəkil. | Bakı şəhəri Binəqədi rayon Məhkəməsinin qərarı ilə 19 yanvar 1990 tarixindən itkin elan edilmişdir. |
19 yanvar 1990 |
16 | Allahverdiyev Nəriman Əmir oğlu | 11 oktyabr 1939 | Azərbaycanlı | Bənna. | 20 yanvar 1990 | |
17 | Allahverdiyeva Fərizə Çoban qızı | 11 avqust 1970 | Azərbaycanlı | 1 nömrəli Tibb məktəbinin sonuncu kurs tələbəsi idi. |
Həyat yoldaşı İlham Allahverdiyevin ölümünə dözə bilmədiyi üçün sirkə ilə özünə sui-qəsd etmişdir. |
21 yanvar 1990 |
27 | Baxşəliyev Elçin Mirzə oğlu | 12 fevral 1965 | Azərbaycanlı | 2 nömrəli avtobus parkında sürücü. | Qarın nahiyəsindən güllə yarası almış, Semaşko adına xəstəxanada vəfat etmişdir. |
20 yanvar 1990 |
28 | Baxşıyev Salman Babaxan oğlu | 1 mart 1949 | Azərbaycanlı | Lənkəran şəhər qarışıq mallar ticarəti idarəsində işçi. | Haftoni meşəliyində gizlənərkən vertolyotlardan atılan güllə boğazına dəymiş, aldığı xəsarətdən yerindəcə həlak olmuşdur. |
26 yanvar 1990 |
31 | Bədəlov Rövşən Seyfulla oğlu | 25 sentyabr 1965 | Azərbaycanlı | Yanvarın 26-sı motosikllə gedərkən Haftoni kəndindən Kirov kəndinə gedən yolda hərbçilər tərəfindən xəbərdarlıqsız atəşə tutulmuşdur. Öldürüldükdən sonra meyidi yandırılmışdır. |
26 yanvar 1990 | |
34 | Cabbarov Firuz Vəli oğlu | Azərbaycanlı | ||||
36 | Cəfərov Əbülfəz Böyükağa oğlu | 1966 | Azərbaycanlı | Bankə qəsəbəsində balıq ovlayan gəmilərin birində işçi. | Neftçaladan Bakıya gələrkən AXC-nin Neftçala şöbəsinin önündə tutulmuş şəxslərə kömək üçün əsgərlərin üzərinə gedərkən ayağından və döşündən güllə ilə yaralanmış, tutulduqdan sonra işgəncələrə məruz qalmış, aldığı xəsarətlərdən həlak olmuşdur. |
25 yanvar 1990 |
47 | Əliyev Çingiz Mirzəhüseyn oğlu | 5 may 1963 | Azərbaycanlı | Aldığı ağır yaralardan 1994-cü ildə vəfat etmişdir. | 1994 | |
61 | Həsənov Fuad Əvəz oğlu | 11 iyul 1971 | Azərbaycanlı | |||
66 | Hüseynov Bəxtiyar Məmməd oğlu | 24 aprel 1969 | Azərbaycanlı | 20 yanvar 1990 | ||
68 | Hüseynov Nəriman Vəli oğlu | 12 yanvar 1976 | Azərbaycanlı | 42 nömrəli məktəbin 8-ci sinif şagirdi. | Atışma səsinə küçəyə çıxmış, Salyan qazarmasının yanında avtomat güllələri ilə döş qəfəsindən yaralanmışdır. Semaşko adına xəstəxanada vəfat etmişdir. |
20 yanvar 1990 |
69 | Hüseynov Nizami Polad oğlu | 1 aprel 1957 | Azərbaycanlı | Maşınla işdən evə qayıdarkən tankla qarşısı kəsilmiş və vəhşicəsinə qətlə yetirilmişdir. | 20 yanvar 1990 | |
70 | Hüseynov Rahib Məmməd oğlu | 29 noyabr 1939 | Azərbaycanlı | Ticarət işçisi. | Fevralın 12-si 16.30 radələrində "Xəzər" kinoteatrının yaxınlığında, Salyan kazarması istiqamətində mindiyi taksi atəşə düşərkən ağır yaralanmış, xəstəxanaya aparılsa da, həyatını xilas etmək mümkün olmamışdır. |
12 fevral 1990 |
71 | Xammədov Baba Məmməd oğlu | 1 iyul 1939 | Azərbaycanlı | 84 nömrəli texniki-peşə məktəbində fizika müəllimi. | Gecə 02.10 radələrində boğazının sağ tərəfindən güllə yarası almış, cərrahiyyə əməliyyatı aparılsada, yanvarın 21-də vəfat etmişdir. |
21 yanvar 1990 |
72 | Xanməmmədov Cəbrayıl Hüseynxan oğlu | 23 dekabr 1939 | Azərbaycanlı | Bakı kanalizasiya idarəsində fəhlə. | Aldığı güllə yaralarından saat 4 radələrində Caparidze adına Xəstəxanada vəfat etmişdir. |
20 yanvar 1990 |
73 | Xaritonov Vladimir Aleksandroviç | 1949 | Rus | Hərbi qulluqçu, mayor zabiti. | Fevralın 8-də gecə saat 12.00-da "Moskviç" markalı maşınla işdən evinə gedərkən Dərnəgül körpüsünün ayağında hərbçilərin dəfələrlə xəbərdarlığına maşını saxlamamış, başından aldığı güllə nəticəsində yerindəcə həlak olmuşdur. |
8 fevral 1990 |
74 | İbadzadə Ağamehdi Seyfulla oğlu | Azərbaycanlı | ||||
75 | İbrahimov İbrahim İsmayıl oğlu | 10 oktyabr 1928 | Azərbaycanlı | Kimya elmləri doktoru, professor. | Yanvarın 24-də iclasa getdiyi zaman Bakı-Sumqayıt yolunun 22-ci kilometrliyində hərbi zirehli maşın yolun kənarında dayanan 05–10 AQU nömrəli "Jiquli" markalı maşının üstündən keçmiş, aldığı xəsarətlərdən yerindəcə həlak olmuşdur. |
24 yanvar 1990 |
76 | İbrahimov İlqar Rəşid oğlu | 13 oktyabr 1976 | Azərbaycanlı | 167 nömrəli məktəbin 7-ci sinif şagirdi. | "Zaporojets" maşınında XI Qızıl Ordu meydanına gedərkən mebel fabriki tərəfdən geri dönən tank maşının üstündən keçmiş, maşından çıxmağa müvəffəq olsa da, atəşlərdən qaçarkən tankdan atılan pulemyot gülləsi qarın nahiyəsinə dəymiş, Semaşko adına xəstəxanada həmin gecə vəfat etmişdir. |
20 yanvar 1990 |
77 | İmanov Elçin Beydulla oğlu | 12 avqust 1967 | Azərbaycanlı | N. Nərimanov adına Tibb Universitetinin 4-cü kurs tələbəsi. |
L. Şmidt adına zavodun Mədəniyyət Evinin önündə ölümcül yaralanmış, 4 nömrəli xəstəxanaya aparılsa da, cərrahiyyə stoluna çatmamış vəfat etmişdir. |
20 yanvar 1990 |
78 | İsayev Fəxrəddin Xudu oğlu | 21 mart 1963 | Azərbaycanlı | Cənubi geologiya idarəsində sürücü. | XI Qızıl Ordu meydanında yaralılara kömək etdiyi yerdə vurulmuş, baş, sinə və qarın nahiyəsindən güllə yarası almışdır. |
20 yanvar 1990 |
79 | İsayev Müşviq Ağaəli oğlu | 28 yanvar 1966 | Azərbaycanlı | "Sağlamlıq" kooperativində işçi. | "Gənclik" metrostansiyası yaxınlığında yaralanmış, güllə ürəyinin üstündən dəyib, sağ çiynindən çıxmışdır. | 20 yanvar 1990 |
80 | İsayev Rauf Sultanməcid oğlu | 25 sentyabr 1962 | Azərbaycanlı | Məişət kondisioneri zavodunda çilingər. | Salyan qazarmasının qabağında açılan atəşdən alnından yaralanmmış, baş-beyin nahiyəsi tamamilə dağılmışdır. |
20 yanvar 1990 |
81 | İsmayılov Cavad Yunus oğlu | 9 may 1962 | Azərbaycanlı | Bakı şüşə zavodunda fəhlə. | XI Qızıl Ordu meydanı istiqamətində atəşə düşmüş, sinəsinin sağ və kürəyinin sol tərəfindən yaralanmışdır. Xəstəxanaya aparan maşın avtovağzalın yanında atəşə düşmüş, maşın aşarkən əzilmişdir. Yanvarın 22-si Semaşko adına xəstəxanada vəfat etmişdir. |
22 yanvar 1990 |
82 | İsmayılov Məmmədəli Novruz oğlu | 1946 | Azərbaycanlı | Taksimotor parkında sürücü. | Fevralın 8-dən 9-na keçən gecə yoxa çıxmışdır. Sürdüyü AQB 34–03 nömrəli nömrəli maşın bir gün sonra Qaladakı 28001 nömrəli hərbi hissənin həyətindən, meyidi isə martın 16-sı Mərdəkan çöllüyündə tapılmışdır. Meyidin üzərində süngü zərbələri və 3 güllə yarası olmuşdur. |
9 fevral 1990 |
83 | İsmayılov Rəşid İslam oğlu | 27 avqust 1949 | Azərbaycanlı | Azərbaycan dəmiryol idarəsində dispetçer. | Gecə işdən evə qayıdarkən Biləcəri qəsəbəsində qarın nahiyəsindən yaralanmış, Biləcəridəki 2 nömrəli dəmiryol xəstəxanasına aparılmışdır. Cərrahiyyə əməliyyatından sonra 3 gün yaşamış və yanvarın 23-də səhər saat 5-də vəfat etmişdir. |
23 yanvar 1990 |
84 | İsmayılov Tofiq Babaxan oğlu | 5 yanvar 1956 | Azərbaycanlı | Nəsimi rayon Kommunal təsərrüfat idarəsinin istilik şəbəkəsində ocaqçı | Təcili tibbi yardım maşınına yaralı qoyanda arxadan güllələnmişdir. | 20 yanvar 1990 |
85 | İsmayılov Yusif Tələt oğlu | 1 may 1958 | Azərbaycanlı | Maqnitofon kassetləri zavodunda işçi | Qoşunun qarşının almaq üçün həbsxanadan qaçarkən arxadan vurulmuşdur. | 20 yanvar 1990 |
86 | İsrayılov Ağanəzər Araz oğlu | 1 iyul 1960 | Azərbaycanlı | Milis leytenantı. | Səhər saat 7.15 dəqiqədə olduğu xidməti maşın Tbilisi prospektindəki kimya şəhərciyinə dönərkən maşının arxasından açılan atəşlə arxadan və boyun nahiyəsindən aldığı güllə yarasından yerindəcə həlak olmuşdur. |
20 yanvar 1990 |
87 | Kazımov Əflatun Həşim oğlu | 21 fevral 1958 | Azərbaycanlı | 28 nömrəli tikinti idarəsində fəhlə. | 20 yanvar gecəsi təxminən saat 04:00 radələrində Moskva prospektindəki körpünün yanında hərbçilər qarşısına çıxmış, xəbərdarlıq etmədən atəş açmışlar. Hadisə yerindəcə həlak olmuş, bədənində 14 güllə yarası tapılmışdır. |
20 yanvar 1990 |
88 | Kərimov Aleksandr Ramazan oğlu | 27 mart 1970 | Azərbaycanlı | Səhər saat 6 radələrində "KAMAZ" markalı maşında yaralıları daşıyarkən Papanin küçəsindəki körpünün yanında hərbçilərin açdığı atəş nəticəsində qarın nahiyəsindən və sol buddan yaralanmış, aldığı xəsarətlərdən fevralın 5-də saat 23 dəqiqədə vəfat etmişdir. |
5 fevral 1990 | |
89 | Kərimov İlqar İsa oğlu | 22 avqust 1962 | Azərbaycanlı | Pirküşkül qəsəbəsinin Broyler fabrikində işçi. | İşdən evə qayıdarkan Biləcəridəki dəmiryolu xəstəxanasının yanında güllələnmiş, Semaşko adına xəstəxanada həmin gecə vəfat etmişdir. |
19 yanvar 1990 |
90 | Kərimov Oqtay Ayvaz oğlu | 21 mart 1964 | Azərbaycanlı | 28 nömrəli təmir-tikinti idarəsində fəhlə. | "Gənclik" metrosunun yanındakı stadionun şimal qapısının yanında yaralılara kömək edərkən güllələnmişdir. |
19 yanvar 1990 |
91 | Qayıbov Ələsgər Yusif oğlu | 15 mart 1966 | Azərbaycanlı | Azərbaycan İnşaat Mühəndisləri İnstitutunun 2-ci kurs tələbəsi idi. | Yaralılara kömək edərkən özü də yaralanmışdır. Güllə sol qolunu qıraraq qarnını yaralamışdır. Üzərində 3 mürəkkəb əməliyyat aparılsa da, yanvarın 21-i səhər 7-də vəfat etmişdir. |
21 yanvar 1990 |
92 | Qarayev İlqar Əli oğlu | 10 sentyabr 1959 | Azərbaycanlı | Bakı metropoliten idarəsində mexanik işləmişdir. | Alnından aldığı güllə yarasından həlak olmuşdur. | 20 yanvar 1990 |
93 | Qasımov Abbas Şəmməd oğlu | 10 iyun 1966 | Azərbaycanlı | Günəmuzd fəhləlik edirdi. | XI Qızıl Ordu meydanında yaralanmış, təxminən saat 3-də Respublika xəstəxanasına gətirilmiş, 4 saatdan sonra vəfat etmişdir. |
20 yanvar 1990 |
94 | Qasımov Yusif İbrahim oğlu | 1948 | Azərbaycanlı | "Şərur" kafesində fəhlə işləyib. | "Xəzər" kinoteatrının yanında olduğu maşın atəşə tutulmuş, Yusif sağ qulaq nahiyəsindən aldığı yaradan həlak olmuşdur. |
20 yanvar 1990 |
95 | Qeybullayev Elçin Suyəddin oğlu | 4 dekabr 1968 | Azərbaycanlı | Bakı Baş Tikinti idarəsinin 20 №-li tikinti idarəsində fəhlə. | Küçədə güllələnmişdir. | 20 yanvar 1990 |
96 | Qəniyev Mirzə Rzabala oğlu | 13 sentyabr 1958 | Azərbaycanlı | Bakı su kəmərləri idarəsində çilingər. | Salyan kazarmasının yanında olduğu maşın atəşə düşmüş, kürəyindən və ayağından yaralanmışdır. Daha sonra isə, maşından düşürülərək əsgərlər tərəfindən təpiklə döyülmüşdür. Aldığı xəsarətlərdən 19 fevral tarixində Semaşko adına xəstəxanada vəfat etmişdir. |
19 fevral 1990 |
97 | Qocamanov Əliyusif Bilal oğlu | 1 iyun 1933 | Azərbaycanlı | "Naxçıvan" mehmanxanasındakı qəzet köşkündə satıcı, "Kaspar"da matros. | Güllə səslərinə küçəyə çıxmış, "Xəzər" kinoteatrının yanında güllələnmiş, güllə ürəyinə dəymişdir. |
20 yanvar 1990 |
98 | Quliyev Səxavət Balay oğlu | 13 aprel 1940 | Azərbaycanlı | Nəsimi Rayon İstehlak Cəmiyyətində mağaza müdiri. | Güllə səslərinə küçəyə çıxmış, kürəyindən aldığı güllə yarasından həlak olmuşdur. |
20 yanvar 1990 |
99 | Marxevka Alekandr Vitalyeviç | 11 yanvar 1958 | Yəhudi | Buzovna təcili yardım məntəqəsində həkim işləyirdi. | Təcili tibbi yardım maşınında çağırışa gedərkən açılan atəşlər nəticəsində döş qəfəsindən yaralanmış, təcili yardım məntəqəsinə çatdırılana qədər vəfat etmişdir. |
20 yanvar 1990 |
100 | Meyeroviç Yan Maksoviç | 2 yanvar 1955 | Yəhudi | Moskvadakı "Molodyojnıy" kooperativinin Bakı filialının direktoru idi. | Aeroporta gedərkən Bakı-Binə yolunda əsgərlər tərəfindən sürdüyü maşın avtomat atəşinə tutulmuş, aldığı 15 güllə yarasından yerindəcə həlak olmuşdur. |
20 yanvar 1990 |
101 | Məmmədov Eldar Zeynal oğlu | 13 may 1966 | Azərbaycanlı | 5 nömrəli çörək zavodunda fəhlə. | "Olimp" mağazasının yanında tankla üz-üzə gəlmiş, tankın üzərinə qaçmış və tank tərəfindən atəşə tutulmuş, güllə boğazından dəymiş və bel hissəsindən çıxmışdır. Yaxındakı evlərin birinə aparılsa da, həkim gələnə kimi aldığı yaralardan vəfat etmişdir. |
20 yanvar 1990 |
102 | Məmmədov İbiş Behbud oğlu | 13 iyun 1961 | Azərbaycanlı | Fəhlə işləmişdir. | Salyan kazarmasının yanında öldürülmüşdür. | 20 yanvar 1990 |
103 | Məmmədov İlham İslam oğlu | 30 dekabr 1951 | Azərbaycanlı | Əsgərlər tərəfindən döyülmüş, Semaşko xəstəxanasında səhər radələrində aldığı xəsarətlərdən vəfat etmişdir. |
20 yanvar 1990 | |
104 | Məmmədov Kamal Seyidqurban oğlu | 13 dekabr 1955 | Azərbaycanlı | Sabunçu mətbəx fabrikində anbardar işləyirdi. | Sabunçudan Suraxanı benzindoldurma məntəqəsinə gedərkən Suraxanı qəsəbəsi yaxınlığında əsgərlər tərəfindən atəşə tutulmuş, bədənində çoxsaylı güllə yarası olmuş, kəskin qanitirmədən vəfat etmişdir. |
20 yanvar 1990 |
105 | Məmmədov Mehman Sahibəli oğlu | 26 yanvar 1971 | Azərbaycanlı | |||
106 | Məmmədov Anar Vilen oğlu | 17 may 1972 | Azərbaycanlı | Zığ şosesinin yaxınlığındakı Radiozavodun yanında avtomat qundağı ilə döyülmüş, daxili orqanları tamamilə zədələnmişdir. |
20 yanvar 1990 | |
107 | Məmmədov Məmməd Yarməmməd oğlu | 2 fevral 1959 | Azərbaycanlı | 2 nömrəli avtobus parkında sürücü. | L. Şmidt adına zavodun yanında yerləşdiyi "İkarus" avtobusunda olarkən maşın güllə atəşlərinə tutulmuş, 35 güllə yarasından yerindəcə həlak olmuşdur. |
20 yanvar 1990 |
108 | Məmmədov Rahim Vəliağa oğlu | 16 aprel 1969 | Azərbaycanlı | "Arzu" kooperativində fəhlə işləyirdi. | Yanvarın 26-sı Haftoni meşəsindəki əməliyyat zamanı öldürülmüşdür. Güllə başından dəymiş, şok vəziyyətindən yerindəcə həlak olmuşdur. |
26 yanvar 1990 |
109 | Məmmədov Səxavət Heydər Əli oğlu | 21 aprel 1958 | Azərbaycanlı | Bakıdakı 4 nömrəli avtonəqliyyat dəstəsində sürücü. | Olduğu 40–79 AQS markalı "ZİL" maşınında Vodnikov adına Xəstəxananın yaxınlığında, "Xəzər" kinoteatrından "Olimp" mağazasına enən yolda hərəkət edərkən güllələnmişdir. Güllələrdən biri böyründən keçərək qarnını parçalamış, digəri isə arxaya baxmağa çalışarkən ağzından dəymiş və dişlərini parçalamışdır. |
20 yanvar 1990 |
110 | Məmmədov Şahin Zahid oğlu | 31 yanvar 1972 | Azərbaycanlı | 113 nömrəli texniki-peşə məktəbində təhsil almışdır. | Yanvarın 26-sı motosikllə gedərkən Haftoni kəndindən Kirov kəndinə gedən yolda hərbçilər tərəfindən xəbərdarlıqsız atəşə tutulmuşdur. Öldürüldükdən sonra meyidi yandırılmışdır. |
26 yanvar 1990 |
111 | Məmmədov Vaqif Məmməd oğlu | 11 sentyabr 1960 | Azərbaycanlı | Tikinti idarəsində fəhlə. | Yanvarın 26-sı Haftoni meşəsindəki əməliyyat zamanı öldürülmüşdür. Necə öldürüldüyü haqqında dəqiq məlumat yoxdur. |
26 yanvar 1990 |
112 | Məmmədov Vidadi Üzeyir oğlu | 17 iyul 1949 | Azərbaycanlı | Cənubi Xəzər Balıqçılıq hövzəsi idarəsində baş mühəndis. | XI Qızıl Ordu meydanında odlu silahla arxadan vurulmuşdur. | 20 yanvar 1990 |
113 | Məmmədova Larisa Fərman qızı | 11 avqust 1977 | Azərbaycanlı | 134 nömrəli məktəbin 7-ci sinif şagirdi. | L. Şmidt adına zavodun yanında yerləşdiyi "İkarus" avtobusunda olarkən maşın güllə atəşlərinə tutulmuş, ürəyindən aldığı güllə yarasından yerindəcə həlak olmuşdur. |
20 yanvar 1990 |
114 | Məmmədova Svetlana Həmid qızı | 18 dekabr 1939 | Azərbaycanlı | Kimya elmləri doktoru, professor. | Yanvarın 24-də iclasa getdiyi zaman Bakı-Sumqayıt yolunun 22-ci kilometrliyində hərbi zirehli maşın yolun kənarında dayanan 05–10 AQU nömrəli "Jiquli" markalı maşının üstündən keçmiş, aldığı xəsarətlərdən yerindəcə həlak olmuşdur. |
24 yanvar 1990 |
115 | Məmmədova Rəna Təyyar qızı | Azərbaycanlı | ||||
116 | Mirzəyev Azad Əliheydər oğlu | 22 yanvar 1961 | Azərbaycanlı | Nəsimi Rayon İctimai İaşə idarəsində işləyirdi. | Olduğu evində aldığı güllə yarasından yerindəcə həlak olmuşdur. |
20 yanvar 1990 |
117 | Mirzəyev Elçin Hüseynqulu oğlu | 1961 | Azərbaycanlı | Bakı Şəhər Səhiyyə İdarəsində inspektor. | Aeroporta gedərkən Bakı-Binə yolunda əsgərlər tərəfindən oturduğu maşın avtomat atəşinə tutulmuş, aldığı 19 güllə yarasından yerindəcə həlak olmuşdur. |
20 yanvar 1990 |
118 | Mirzəyev Vaqif Səməd oğlu | 12 noyabr 1959 | Azərbaycanlı | Binə qəsəbəsindəki elektrik qovşağında montyor işləyirdi. | 19 yanvar Binə qəsəbəsinin yaxınlığında — Binə-Mərdəkan yolunda təxminən saat 22.00 radələrində əvvəl süngü ilə, sonra isə avtomatla vurulmuşdur. Saat 23.05 dəqiqədə Mərdəkandakı 26 nömrəli xəstəxanaya gətirilmişdir. Yanvarın 19-dan 20-nə keçən gecə vəfat etmişdir. |
20 yanvar 1990 |
119 | Mövludov Fuad Fərhad oğlu | 25 sentyabr 1968 | Azərbaycanlı | 39 nömrəli Yanğından Mühafizə İdarəsində döyüşçü. | Şimali DRES yaxınlığında tanklardan qaçmağa çalışsa da, əsgərlər ona çatmış, süngü-bıcaqla zərbə endirmiş, sonra iki güllə ilə yaralamış, daha sonra isə təpiklə döymüşlər. Uzun müddət yaralandığı yerdə qalmış, bir neçə saatdan sonra 26 saylı xəstəxanaya çatdırılmışdır. Aldığı xəsarətdən yanvarın 25-i vəfat etmişdir. |
25 yanvar 1990 |
120 | Muxtarov Rasim Mustafa oğlu | 10 iyul 1958 | Azərbaycanlı | Məişət kondisionerləri zavodunda çilingər işləmişdir. | Fevralın 26-sı öz göy rəngli "Moskviç" maşınını sürərkən Tağızadə küçəsi ilə Papanin küçəsinin kəsişməsində başından güllə yarası almış, xəstəxanaya çatdırıldıqdan 5 dəqiqə sonra vəfat etmişdir. |
26 fevral 1990 |
121 | Muradov Mehman Əsəd oğlu | 21 noyabr 1961 | Azərbaycanlı | "Azərelektroterm" Elm İstehsal Birliyinin təmir-tikinti idarəsində iş icraçısı. | Avtovağzal rayonundan Salyan qazarması istiqamətinə gedərkən təxminən saat 15 radələrində qazarmanın giriş qapısının yaxınlığında güllələnmiş, ancaq bir neçə saatdan sonra xəstəxanaya aparılsa da, həmin gün vəfat etmişdir. |
20 yanvar 1990 |
122 | Mursaqulov İsmayıl Həsən oğlu | 13 noyabr 1939 | Azərbaycanlı | Kimya elmləri doktoru, professor. | Yanvarın 24-də iclasa getdiyi zaman Bakı-Sumqayıt yolunun 22-ci kilometrliyində hərbi zirehli maşın yolun kənarında dayanan 05–10 AQU nömrəli "Jiquli" markalı maşının üstündən keçmiş, aldığı xəsarətlərdən 3 fevral tarixində xəstəxanada vəfat etmişdir. |
3 fevral 1990 |
123 | Musayev Tofiq Ayvaz oğlu | 1962 | Azərbaycanlı | Bakı şəhəri Nəsimi rayon Məhkəməsinin qərarı ilə 19 yanvar 1990 tarixindən itkin hesab olunur. |
19 yanvar 1990 | |
124 | Mustafayev Mahir Vaqif oğlu | 25 noyabr 1968 | Azərbaycanlı | 2 nömrəli avtobus parkında sürücü. | Səhər saat 6 radələrində "KAMAZ" markalı maşında yaralıları daşıyarkən Papanin küçəsindəki körpünün yanında hərbçilərin açdığı atəş nəticəsində sol sinə nahiyəsindən yaralanmış, bir neçə saat sonra vəfat etmişdir. |
20 yanvar 1990 |
125 | Nəsibov Allahyar İsgəndər oğlu | 6 aprel 1952 | Azərbaycanlı | Tarix müəllimi. | XI Qızıl Ordu meydanında döş qəfəsi və sol əlindən aldığı yaralardan həlak olmuşdur. | 20 yanvar 1990 |
126 | Nəsirov Yanvar Şirəli oğlu | 1 yanvar 1957 | Azərbaycanlı | Məişət kondisionerləri zavodunun nəzdindəki "Sərin" kooperativində çalışmışdır. | "Olimp" mağazası yaxınlığında kürəyindən aldığı odlu güllə yarasından çoxlu qan itirmiş, Vodnikov adına Xəstəxanada vəfat etmişdir. |
20 yanvar 1990 |
127 | Nikolayenko Alla Alekseyevna | 1972 | Rus | "Krasnı Vostok" hərbi şəhərciyində yerləşən evinə atılan 5 güllədən 1-inin dəyməsi nəticəsində həlak olmuşdur. |
20 yanvar 1990 | |
128 | Nişşenko Andrey Aleksandroviç | 6 may 1972 | Rus | 2 nömrəli Dəmiryol məktəbinin 3-cü kurs tələbəsi. | "Xəzər" kinoteatrı yaxınlığında süngü ilə aldığı zərbədən boynunun ön səthi kəsilmiş, nəfəs boruları zədələnmişdir. |
20 yanvar 1990 |
129 | Novruzbəyli Ağabəy Oqtay oğlu | 23 may 1971 | Azərbaycanlı | M. Əzizbəyov adına Azərbaycan Sənaye Universitetinin kimya-texnologiya fakültəsində tələbə. |
Rəsmi qurumlara hadisə ilə bağlı müraciətlərin cavabsız qalmasına etiraz edərək kalium-dixromat zəhəri ilə özünə sui-qəsd etmişdir. |
27 may 1990 |
130 | Novruzov Tofiq Heydər oğlu | 5 may 1935 | Azərbaycanlı | 20 yanvar 1990 | ||
131 | Nuriyev Zahir Zəbi oğlu | 8 sentyabr 1971 | Azərbaycanlı | Ç. İldırım adına Azərbaycan Politexnik İnstitutunun Maşınqayırma fakültəsində tələbə. |
Bakı şəhəri Nəsimi rayon Məhkəməsinin qərarı ilə 19 yanvar 1990 tarixindən itkin elan edilmişdir. |
19 yanvar 1990 |
132 | Orucov Rafiq Ümid oğlu | 1974 | Azərbaycanlı | 20 yanvar 1990 | ||
133 | Orucov Rəfael Ümid oğlu | 1975 | Azərbaycanlı | 20 yanvar 1990 | ||
134 | Orucov Şəmsəddin Əbilhəsən oğlu | 2 avqust 1950 | Azərbaycanlı | Bakı İdman Malları Fabrikində mühəndis. | Yaşadığı mənzilin pəncərəsinə hərbçilərin atəş açması nəticəsində ürək nahiyəsindən aldığı güllə yarasından yerindəcə həlak olmuşdur. |
23 yanvar 1990 |
135 | Poladi Saleh Əliqulu oğlu | 6 dekabr 1968 | Azərbaycanlı | Sənaye malları kooperativində işçi. | XI Qızıl Ordu meydanında yaralı qadına kömək etmək istəyərkən başından aldığı güllə yarasından yerindəcə həlak olmuşdur. |
20 yanvar 1990 |
136 | Rəhimov Rəhim İsmayıl oğlu | 1947 | Azərbaycanlı | 20 yanvar 1990 | ||
137 | Rəhmanov İslam Oqtay oğlu | 14 oktyabr 1968 | Azərbaycanlı | 1 nömrəli tikinti-quraşdırma idarəsində fəhlə. | Zirehli maşınlardan atılan güllələrdən hər iki ayağından və sağ qolundan yaralanmış, yanvarın 29-u vəfat etmişdir. |
29 yanvar 1990 |
138 | Rüstəmov Rövşən Məmməd oğlu | 1961 | Azərbaycanlı | 204 nömrəli tikinti-quraşdırma idarəsində fəhlə. | Əzizbəyov metrosu istiqamətində, Sabunçu qəsəbəsinə gedən yolun üstündə oturduğu "Tatra" maşınında çoxsaylı avtomat atəşlərinə məruz qalmışdır. Bundan sonra, maşında birgə olan dostları təcili yardım maşınını çağırmış, təcili yardım maşınına yerləşdirərkən onu yerləşdirən həkim dubinka ilə əlindən zərbə almışdır. Bununla belə, təcili yardım maşını Rövşəni 03:40-da Çaparadze adına xəstəxanaya yerləşdirməyə müvəffəq olmuşdur. Sinəsinin sağ tərəfində çoxsaylı güllə yarası olmuşdur (vəfat etdikdən sonra ekspertiza bədənindən 32 güllə yarası çıxarmışdır). Səhər saat 9.20-də vəfat etmişdir. | 20 yanvar 1990 |
139 | Rzayev Azad Allahverdi oğlu | 10 oktyabr 1965 | Azərbaycanlı | Dərin Dəniz Özülləri zavodunda işləyirdi. | Yanvarın 20-də gecə saat 00.04-də "KAMAZ" markalı maşında Bakıya gələrkən Ələt qəsəbəsinin 2 km-də UAZ-469 hərbi maşını bu maşını ötüb keçmiş və onlara güllə atmağa başlamış, bunun nəticəsində ağır güllə yarası almışdır. Qobustan rayon xəstəxanasına çatdırılsa da, həkimlər orada onu qəbul etməyərək Hərbi xəstəxanaya yerləşdirilməli olduğunu qeyd ediblər. Oraya çatdırılarkən yolda vəfat etmişdir. |
20 yanvar 1990 |
140 | Sadıqov Yusif Allahverdi oğlu | 19 yanvar 1964 | Azərbaycanlı | Azərbaycan Dövlət Universitetinin mexanika-riyaziyyat fakültəsinin aspirantı. | Yalnız sağ əli və papağı tapılmış, sağ əlinə görə həlak olduğu ehtimal edilərək sağ əli basdırılmışdır. | 19 yanvar 1990 |
141 | Salahov Şərafəddin Müzəffər oğlu | 11 sentyabr 1963 | Azərbaycanlı | Nəşriyyat işçisi. | Boynuna baş hissəyə yaxın nahiyədən aldığı güllə yarasından hadisə yerində həlak olmuşdur. |
20 yanvar 1990 |
142 | Salayeva Sevda Məmmədağa qızı | 5 iyun 1968 | Azərbaycanlı | Bakı Şəhərlərarası Telefon Stansiyasında telefonçu. | 20 yanvar 1990 | |
143 | Semyonov Vladimir Aleksandroviç | 30 mart 1947 | Rus | Yanvarın 20-də axşam saat 20:00-da Tbilisi prospektində 81–27 nömrəli QAZ-24 markalı maşında vurulub. Odlu silahla vurandan sonra əsgərlər onu başqa maşına qoyub Hərbi Hospitala göndəriblər. Yanvarın 25-də vəfat edib. |
25 yanvar 1990 | |
144 | Səfərov Bafadar Ağamirzə oğlu | 8 mart 1923 | Azərbaycanlı | Təqaüdçü. | Q-87–99 AQ markalı "Moskviç" maşınında Qarayev adına xəstəxanaya nəvəsinin yanına gedərkən yolda hərbçilər tərəfindən atəşə tutulmuş, aldığı xəsarətlərdən yerindəcə həlak olmuşdur. |
20 yanvar 1990 |
145 | Şərifov Mürvət Rəhim oğlu | 1932 | Azərbaycanlı | "Zəngəzur mis-molibden kombinatı"nın keçmiş işçisi. | Həyətdə hadisələrə baxarkən ona tərəf atılan güllələrdən yaralanmış, xəstəxanaya çatdırılana qədər yolda vəfat etmişdir. | 19 yanvar 1990 |
146 | Şıxnəbiyev Məmmədəli Mədət oğlu | 1946 | Azərbaycanlı | Fəhlə. | Yaralıları daşıyarkən tankla rastlaşmış, maşını saxlayaraq silahsız olduğunu desə də, polkovnik tərəfindən atəşə məruz qalaraq başından yaralanmışdır. Aldığı xəsarətdən 14 il yataq xəstəsi kimi müalicə aldıqdan sonra vəfat etmişdir. |
2004 |
147 | Tokarev Vladimir İvanoviç | 15 sentyabr 1954 | Rus | Taksimotor parkında sürücü. | Aeroporta gedərkən əsgərlər tərəfindən bir neçə güllə yarası alaraq vəfat etmişdir. |
20 yanvar 1990 |
148 | Tuxtamışov Fərqat Şərifullaeviç | 29 oktyabr 1958 | Tatar | Bakı elektrik maşınqayırma zavodunda yığıcı çilingər. | Salyan kazarmasının yanında başından aldığı güllə yarası səbəbindən həlak olmuşdur. |
20 yanvar 1990 |
149 | Turabov Tengiz Məmməd oğlu | 24 mart 1966 | Azərbaycanlı | İrkutskda inşaat işçisi, tibb məktəbinin 1-ci kurs tələbəsi. |
L. Şmidt adına zavodun qarşısında aldığı güllə yarasından həlak olmuşdur. |
20 yanvar 1990 |
150 | Yaqubov Nüsrət İsmayıl oğlu | 9 yanvar 1958 | Azərbaycanlı | Mərdəkan yaxınlığındakı Dübəndi Neftboşalma bazasında operator. | Yanvarın 19-u gecəsi təxminən saat 22 radələrində Qala kəndindən öz şəxsi "Jiquli" markalı (Ya 56–83 AQ) maşınında evə gedərkən hərbi hissənin yanında əsgərlər tərəfindən atəşə tutulmuşdur. Həkimlər gələnə kimi çoxlu qan itirmişdir. 26 nömrəli xəstəxanaya aparılmış, orada edilən cərrahiyyə əməliyyatı kömək etməmiş, yanvarın 22-si vəfat etmişdir. |
22 yanvar 1990 |
151 | Yefimiçev Boris Vasilyeviç | 15 yanvar 1945 | Rus | Azərbaycan korlar cəmiyyətinin trikotaj fabrikində işçi | Yanvarın 20-də axşam 22.00 və 23.00 arasında Haqverdiyev küçəsində qarın nahiyəsindən süngü bıcaq zərbəsi və avtomatla bədənin müxtəlif nahiyələrinə açılan atəş nəticəsində daxili orqanları tamamilə zədələnmişdir. Yanvarın 21-i axşam 19.00 radələrində vəfat etmişdir. |
21 yanvar 1990 |
152 | Yusupov Oleq Kərimoviç | 28 fevral 1944 | Rus | 1 nömrəli hərbiləşdirilmiş yanğın dəstəsində sürücü. | Yanğınsöndürmə maşınının (53–31-AQA) "Naxçıvan" mehmanxanasının yanından keçərkən atəşə tutulması nəticəsində sinəsindən ağır güllə yarası almış, xəstəxanaya çatdırılsa da, 2 saat sonra vəfat etmişdir. |
20 yanvar 1990 |
153 | Zülalov İsbəndiyar Adil oğlu | 5 dekabr 1963 | Azərbaycanlı | Geoloji kəşfiyyat idarəsində fəhlə. | 1 nömrəli taksimotor parkının yanında hərbçilər tərəfindən atəşə tutulmuş, aldığı yaralardan yerindəcə həlak olmuşdur. |
20 yanvar 1990 |
154 | Naməlum | Patanatomik analiz qalıqların 25–30 yaşlı kişiyə məxsus olduğunu müəyyən etmişdir. |
Naməlum | Naməlum. | Alın nahiyəsindən alınan güllə yarası nəticəsində həlak olmuşdur. | 20 yanvar 1990 |
155 | Naməlum | Patanatomik analiz qalıqların 25–30 yaşlı kişiyə məxsus olduğunu müəyyən etmişdir. |
Naməlum | Naməlum. | Üstündən tank keçmiş, sol ayağından başqa heç nə qalmamışdır. Sol ayağında uzunluğu 6–7 mm, eni 1 mm çapıq var idi. | 20 yanvar 1990 |
Biblioqrafiya
- Черный январь. Баку — 1990: документы и материалы.- Баку: Азернешр, 1990.- 288 s.
- Rafiq Səməndər. Şəhidlər. Bakı: Gənclik, 1990.- 448 s.
- Qulu Kəngərli. Qara yanvar şəhidləri.- Bakı: Gənclik, 1992.- 312 s.
- 20 Yanvar faciəsi və rabitəçilər.- Bakı: Nurlan, 2003.-95 s.
- Çapay Sultanov. The Last Blow from the Empire: Baku, 20 January, 1990.- Baku: Qismət, 2008.- 520 s.
- Vahid Məhərrəmov. Qanlı gecə — Qanlı tarix. Bakı: Hərbi Nəşriyyat, 2011.- 96 s.
- Tacir Qurbanov, Almara Nəbiyeva, Maral Qocaman. Azadlıq Carçıları. Bakı: "Zərdabi Nəşr" MMC, 2021.- 240 s.