1. Elmi və digər təsnifatda: a) biol. bitki və heyvanların təsnifatında böyük bölmələrdən (şöbələrdən) biri. Sudaquruda yaşayanlar sinfi. Məməlilər sinfi. İkiləpəli bitkilər sinfi.
– Zooloji təsnifata görə bal və ya ev arısı buğumayaqlılar tipinin cücülər sinfindən, pərdəqanadlılar dəstəsinə daxil olan arılar fəsiləsinin bal verən arılar cinsindəndir. ;
b) mənt. müəyyən keyfiyyətə, xüsusiyyətə malik olan eynicinsli şeylərin məcmusu. 2. Dərəcə, bölgü.
// Gəmilərin, vaqonların, paroxodların və s.-nin quruluş tipindən və təchizatından asılı olaraq bölgü dərəcəsi.
3. İctimai təbəqə, zümrə.
Çexov müxtəsər və qısaca hekayələrdə rus millətinin hər bir sinfinə dair əhvalat yazıb.
İki şey lazım olur: ya gərək sən elə bir zat olasan ki, bu söz sənə deyilsin, ya budur ki, sən haman sözü deyən sinifdən olasan.
Mən əzilən bir sinfin hayqıran; Haqq bağıran sədasından yarandım.
4. İbtidai və orta məktəb şagirdlərinin, oxuduqları dərs ilinə uyğun olaraq bölgüsü. İkinci sinif şagirdi.
– Mirzə Səfərin iki oğlu ədliyyə məktəbinin beşinci sinfində oxuyurdular.
Aşağı siniflərdə birinci dərslərim pis keçmədi.
// Musiqi və rəssamlıq məktəblərində müəyyən müəllimin rəhbərliyi altında məşğələ və ya müəyyən fənn keçən şagirdlər qrupu. Royal sinfi. Heykəltəraşlıq sinfi.
// Məktəbdə dərs keçilən otaq.
Sinif qapıları açılır birdən; Çıxır həyəcanla bir-bir uşaqlar.
Bir canlanma, bir şənlik var; Geniş sinif otağında.
