Mehrimah Sultan (I Süleymanın qızı)

Mehrimah Sultan
Şəxsi məlumatlar
Doğum tarixi	təq. 1522
Doğum yeri	Konstantinopol, Osmanlı imperiyası
Vəfat tarixi	25 yanvar 1578
Vəfat yeri	Köhnə Saray, Konstantinopol, Osmanlı imperiyası
Dəfn yeri	Sultan Süleyman türbəsi
Atası	I Süleyman
Anası	Xürrəm Sultan
Həyat yoldaşı	Rüstəm Paşa
Uşaqları	Ayşə Hümaşah Sultan Mehmed bəy Murad bəy
Ailəsi	Osmanlı xanədanı
Dini	sünni islam
Vikianbarda əlaqəli mediafayllar

Mehrimah Sultan (təq. 1522, Konstantinopol, Osmanlı imperiyası – 25 yanvar 1578, Köhnə Saray, Konstantinopol, Osmanlı imperiyası) — Osmanlı padşahı I. Süleyman və Hasəki Xürrəm Sultanın qızı.

Uşaqlıq illəri

1522-ci ildə Osmanlı padşahı I Süleyman ilə Hasəki Xürrəm Sultanın Şahzadə Mehmeddən sonrakı ilk uşağı olaraq dünyaya gəldi. Mehrimah Sultanın doğumundan 2 il sonra da Xürrəm Sultan, I. Süleymanın ölümündən sonra yerinə keçəcək olan digər uşağı II. Səlimi dünyaya gətirdi.

1539'da 17 yaşında ikən Diyarbəkir Bəylərbəyi Rüstəm Paşa ilə evləndirildi. Toy mərasimi iki kiçik qardaşı Şahzadə Bəyazid və Şahzadə Cahangirin sünnət toyuyla birlikdə At Meydanında qeyd olundu. Rüstəm Paşa bu evlilikdən sonra sədrəzəm oldu və 1544–1561 illər arasında ikiillik bir müddət istisna olmaqla fasiləsiz olaraq sədrəzəmlik etdi. Bu evlilikdən 1541-ci ildə bir qız uşaqları dünyaya gəldi. Daha sonra 1545'də Murad bəyi, 1547'də Mehmed bəyi dünyaya gətirdi.

Mehrimah Sultan həyatı boyunca dövlət işlərində çox söz sahibi oldu. Atasını Maltaya səfər tənzimləməyə razı etmək üçün öz puluyla 400 gəmi hazırlayacağına söz verdiyi belə deyilir. Anası Xürrəm Sultan kimi Polşa kralı II Ziqmunt Avqustla yazışmalar apardı. Çox böyük bir sərvət sahibi oldu. 1540–1548 illəri arasında Memar Sinan İstanbulun Üsküdar bölgəsində məscid, Üsküdar Körpü Məscidi, mədrəsə, ibtidai məktəb və xəstəxanadan ibarət böyük bir külliyyə tikdirdi. Bundan başqa 1562–1565 illəri arasında yenə Memar Sinan İstanbulun Ədirnəqapı səmtində məscid, bulaq, hamam və mədrəsədən ibarət Mehrimah Sultan Məscidi və külliyəsini tikdirmişdir.

Anası 1558'də öldükdən sonra atasına anasının oynadığı məsləhətçi rolunu oynadı. 1566-cı ildə atası öldükdən sonra yerinə keçən qardaşı II. Səlimin səltənəti boyunca da məsləhətçiliyini davam etdirdi. Anaları Xürrəm Sultan ölmüş olduğu üçün qardaşı üçün sanki bir Validə Sultan rolunu oynadı.

Övladları

• Ayşə Hümaşah Sultan (1541–1594)
• Murad bəy
• Mehməd bəy

Vəfatı

Mehrimah Sultan 1578-ci ildə qardaşı oğlu III Muradın səltənəti əsnasında öldü və atası I Süleymanın Süleymaniyyə Məscidindəki türbəsində atasının yanı başında basdırıldı.

Həmçinin bax

• Mehrimah Sultan məscidi (Üsküdar)
• I Süleyman
• Xürrəm Sultan
• Rüstəm Paşa