Fatma Sultan (II Bəyazidin qızı)

Fatma Sultan — 8. Osmanlı sultanı II Bəyazidin qızı.^[1]

Fatma Sultan 1468-ci ildə Amasyada dünyaya gəldi. Atası Fateh Sultan Mehmedin oğlu və o illərdə Amasya sancaqbəyi olan Şahzadə Bəyazid, anası isə onun kənizlərindən Nigar Xatundur. Uşaqlıq illəri Amasyada keçən Fatma Sultan 1482-ci ildə sonuncu Candaroğlu bəyi Qızıl Əhməd bəyin oğlu Mirzə Mehmed Paşayla evləndi. Bu evlilikdən Mehmed bəy adlı oğlu dünyaya gələn cütlük çox keçmədən boşandılar. Mirzə Mehmed Paşa daha sonra 1509-cu ildə onun qardaşı Şahzadə Abdullahın qızı Şahnisə Sultanla evləndi.

İkinci evliliyi isə 1489-cu ildə sədrəzəm Qoca Davud Paşanın oğlu Mustafa Paşa ilə baş tutsa da, paşanın 1503-cü ildə vəfatıyla dul qaldı. Ertəsi il Gözəlcə Həsən bəylə nigahlanan Fatma Sultanın bu nigahdan 3 övladı dünyaya gəldi.

O, son olaraq Hızır Ağa Mehmed Paşa ilə evləndi.

Qardaşı Şahzadə Qorqudun edamından sonra ögey qardaşı Sultan Səlimə küsən Fatma Sultan qalan ömrünü Bursada yaşadı. Cənazəsi vəsiyyətinə əsasən, Muradiyə külliyəsindəki Şahzadə Əhməd türbəsinə - qardaşlarının yanına dəfn edildi.

• Candaroğlu Mehmed bəy — 1509-cu ildə ögey dayısı Yavuz Sultan Səlimin qızı Gövhərxan Sultanla evlənmişdir. (ö. 1514)
• Sultanzadə Mehmed Çələbi — 1520-ci ildə ögey dayısı Şahzadə Aləmşahın qızı Ayşə Sultanla evlənmişdir.
• Sultanzadə Hacı Əhməd bəy (ö. oktyabr 1588)
• ... xanım Sultan — xalası Ayşə Sultanın nəvəsi Sultanzadə Əhməd bəylə (Fatma xanım Sultanın oğlu) evləndi.

• Türe, Fatma; Keşoğlu, Birsen Talay (July 12, 2011). Women's Memory: The Problem of Sources. Cambridge Scholars Publishing. p. 63. ISBN 978-1-443-83265-6
• Majer, Hans Georg (2002). Frauen, Bilder und Gelehrte: Studien zu Gesellschaft und Künsten im Osmanischen Reich, Volume 1. Simurg. p. 105. ISBN 978-9-757-17263-5
• Sakaoğlu, Necdet (2008). Bu mülkün kadın sultanları: Vâlide sultanlar, hâtunlar, hasekiler, kadınefendiler, sultanefendiler. Oğlak Yayıncılık. ISBN 978-9-753-29623-6

1. ↑ Yavuz Bahadıroğlu, Resimli Osmanlı Tarihi, Nesil Yayınları (Ottoman History with Illustrations, Nesil Publications), 15th Ed., 2009, ISBN 978-975-269-299-2 (Hardcover).