1. Baxmaq tərzi, gözlərin ifadəsi; nəzər. Bu necə baxışdır? Acıqlı baxış. Xumar baxışlar.
– Süzülmüş gözlərin sağü səlamət; Və lakin baxışı bimarə bənzər.
Ahu baxışı, qara gözü can alır əldən.
Sizin istər baxışınız, yerişiniz, istər əlbəsəniz və qiyafəniz elə təsir bağışlayırdı ki, mühitin ruhunu təhlil etmiş, onun məfkurəsini mənimsəmişsiniz.
Duruşun mənalı, baxışın dərin; Mən bu dərinlikdə tapdım bəxtimi.
□ Baxış atmaq – nəzər salmaq, baxmaq.
Hambal son dəfə arvada şikayət, məhəbbət və dərd dolu bir baxış atdı.
Baxış vermək – baxmaq, nəzər salmaq.
Məryəm bu çağacan kimsəyə, heç bir oğlana və ya da kişiyə bir baxış verməmişdi.
İlk baxışda – ilk təəssürata görə, ilk təsirə görə.
// Göz, nəzər.
Xalçaların butası; Qamaşdırır baxışı.
2. məc. Görüş, fikir, mülahizə, nöqteyinəzər. İctimai-siyasi baxışlar. Meşşancasına baxış.
– Bu baxışlar Nadiri dəli edib çöllərə salır və bir neçə günlük işdən avara qoyurdu.
3. məc. İctimai yoxlama, təntənəli surətdə gözdən keçirmə, tanış olma. Bakı şəhərində tikiləcək binalar üçün hazırlanmış layihələrin ictimai baxışı və müzakirəsi təşkil edilmişdir.
