Böylə əldən getdiyim gər bilsə yar əldən gedər; İztirabım görsə bəhri-bikənar əldən gedər.
[Arif Xavərə:] Sorma, heç sorma, nazənin Xavər! Məni məhv etdi iztirabü kədər.
[Mehribanın] qəlbinin iztirablarını ovunduracaq bir arxadaşa nə qədər ehtiyacı vardı.
□ İztirab etmək – həyəcanlanmaq, narahat olmaq, təşviş etmək.
Etmə, canım, iztirab; Tələsmə, çox ertədir.
İztirab keçirmək (çəkmək) – mənəvi əzab çəkmək, həyəcan keçirmək, narahatlıq içində olmaq.
…Simasından onun hirs, əsəbilik və dərin bir iztirab keçirdiyini görmək olardı.
Yaxın günlərdə buraya [kameraya] atılan Qədir hamıdan artıq iztirab çəkirdi.
İztirab vermək – bax iztiraba salmaq. Məni hərdəm yada sal, qadan alım; Rəhm elə, yar, vermə bunca iztirab. “Abbas və Gülgəz”.
İztiraba düşmək – təşvişə düşmək, həyəcana düşmək, əsəbiləşmək, narahat olmaq.
Xubani-hərəm gördülər ki, bir qəribə iş üz verdi, çox xof və iztiraba düşdülər.
İndi neçə saat idi ki, əri getmişdi. Gec gəldiyindən arvad iztiraba düşüb vurnuxurdu.
İztiraba salmaq – təşvişə salmaq, narahat etmək.
Bu isə məni iztiraba salırdı.
