1. Göy üzü açılmaq, buluddan, dumandan təmizlənmək, aydınlaşmaq. Bir az qabaq hava buludlu idi, indi ayazıyıbdır.
– Payızın çiskinli, dumanlı günü ayazıyırdı.
Duman bir qədər ayazıdı, döyüşçülərə yol açdı.
Yağış bu saat kəsəcək, yuxarı ayazıyır.
2. Gecə ayazında bərk üşümək, soyuqdan donmaq.
3. məc. Ağır xəstəlikdən ayılmaq, bir az yaxşılaşmaq, xəstəliyi yüngülləşmək, rəngi özünə gəlmək, bənizi açılmaq. Xəstə dünənkinə nisbətən bir az ayazıyıbdır.
// məc. Açılmaq.
[Nəbinin] buludlu qaşqabağı birdən ayazıyıb açıldı.
// məc. Ayılmaq, özünə gəlmək.
Zabitlə soldatlar hələ dünənki içkidən ayazımamış, həyatla vidalaşmalı oldular.
Bulanıq və dərin yuxulardan ayazıyıb, özümə gəldim.