1. Azyaşlı oğlan, ya qız; çocuq. Uşaqlar üçün kitab. Uşaqların tərbiyəsi.
– Şerə başlarkən uşaqdım, dostlar!
Uşaqlar çox vaxt qolsuz bir köynəklə yaşıl ot üstündə ayaqyalın gəzirlər.
// Cavan, gənc (oğlan, ya qız). İnad uşaq. Cəsarətli uşaq. Yaxşı uşaqdır. Tərbiyəli uşaqdır.
2. Oğlan, ya qız (körpə, bala). Südəmər uşaq. Doğulan uşaq oğlandır. Əkiz uşaqlar.
– …Sürəyya uşaq doğarkən vəfat etdi.
□ Uşağı olmaq – övladı olmaq, uşaq doğmaq (oğlan, ya qız).
Uşağı olmamaq – sonsuz, övladı olmayan adam haqqında.
Aşıq Cünun bilirdi ki, Koroğlunun uşağı olmur. “”.
Əsmərin uşağı olmurdu.
3. məc. Müqayisə, bənzətmə məqamında. Uşaq kimi hərəkət etmək.
Havaxta qədər belə uşaq olacaqsan? – [Sultan bəy:] Uşaq ki deyilsən, hər bir şeyi bilirsən, anlayırsan.
[Hümmət:] Ay Qara Yusif, ay eloğlu, sən də belə? Əyə, sən də uşaq kimi danışdın?
◊ Uşaq bağçası – məktəbəqədər yaşlı uşaqlar üçün tərbiyə müəssisəsi.
Uşaq evi – ata-anaları olmayan uşaqlar üçün internatı olan təlim və tərbiyə müəssisəsi.
[Seryoja:] Deyirlər ki, 1941-ci ilin dekabrında məni uşaq evinə vermişlər.
Uşaq kimi baxmaq (bəsləmək) – əzizləmək, çox sevmək, göz bəbəyi kimi qorumaq, başına-ayağına keçmək. [Qulu:] Xədicə xanım, görünür, Yusif bəyi çox istəyir.
Onu lap uşaq kimi bəsləyir.
Uşaq şəhərciyi – uşaqlar üçün sağlamlaşdırma və tərbiyə müəssisəsi (bağlarda, parklarda və s.-də). Uşaqların anası evf. – arvad, zövcə.
Gördüm uşaqların anası öz-özünə mırtdanır.
Qurban Molla Fərzəliyə bir az da yaxınlaşdı.Gizli bir söz söyləyirmiş kimi fısıldayaraq: – Molla, əvvəlcə məndən uşaqların anasına salam yaz, – dedi. Uşaqların atası evf. – ər, kişi.
