1. Yoxlayıb müəyyənləşdirmək. Məsələni ayırd etmək.
– [Qoca keşikçi:] Mən davanızı ayırd edərəm, – dedi.
[Kərəmov:] Yaxşı, bu məsələlərin hamısını iclasda ayırd eləyərik.
2. Ayırmaq, fərqləndirmək, seçmək, yaxşını pisdən, irini xırdadan və s. ayırmaq.
Bizim bu günə qədər haqqı batildən seçməkdə və doğrunu əyridən ayırd etməkdə yanlışlığımız bu cəhətdəndir…
3. Dalaşanları, tutuşanları, mübahisə edənləri bir-birindən ayırmaq.
Bəziləri didişir, böyük yoldaşları onlara acıqlanır, onları ayırd edirdi.