Etibar Vəliyev

Etibar Vəliyev (16 may 1963, Ləj, Lənkəran rayonu) — Azərbaycanlı şair və publisist, Prezident təqaüdçüsü, Azərbaycan Yazıçılar Birliyinin üzvü, Azərbaycan Jurnalistlər Birliyinin üzvü, "Məşəl" ədəbi-bədii, elmi-publisistik jurnalının baş redaktor müavini.

Etibar Vəliyev
Etibar Babali oğlu Vəliyev
Doğum tarixi	16 may 1963 (61 yaş)
Doğum yeri	Ləj, Lənkəran rayonu, Azərbaycan SSR, SSRİ
Vətəndaşlığı	SSRİ→ Azərbaycan
Təhsili	1. Bakı Plan-Uçot Texnikumu 2. Azərbaycan Kənd Təsərrüfatı Akademiyası
Fəaliyyəti	şair
Əsərlərinin dili	azərbaycanca
Mükafatları
Vikianbarda əlaqəli mediafayllar

Etibar Babəli oğlu Vəliyev 1963-cü il mayın 16-da Lənkəran rayonunun Ləj kəndində anadan olub.
1978-ci ildə Lənkəran rayonunun Ləj kənd məktəbini bitirmişdir.
1978–1981-ci illərdə Bakı Plan-Uçot Texnikumunda "kənd təsərrufatı istehsalatında mühasibat uçotu" ixtisası üzrə təhsil alıb.
1981–1983-cü illərdə hərbi xidmətdə olmuşdur.
1986–1992-ci illərdə Azərbaycan Kənd Təsərrüfatı Akademiyasında "Kənd təsərrufatının iqtisadiyyatı və təşkili" ixtisası üzrə təhsil alıb, iqtisadçı ixtisasına yiyələnmişdir.
1986–1988-ci illərdə Lənkəran rayonunun "Puşkin", "Oktyabrın 60 illiyi" sovxozlarında iqtisadçı və 1988–1998-ci illərdə Lənkəran "5 №-li çay fabriki"ndə baş mühasib işləyib.
1998–2001-ci illərdə Lənkəran Dövlət Universitetində "İqtisadiyyatın əsasları" fənnini tədris etmişdir.
1998–2019-cu illərdə Dövlət Əmək Müfəttişliyi Xidmətinin 9 saylı region üzrə Dövlət Əmək Müfəttişliyində baş məsləhətçi — baş əmək müfəttişi vəzifəsində çalışıb.
2019-cu ildə Əmək və Əhalinin Sosial Müdafiəsi naziri Sahil Babayevin əmri ilə Dövlət Əmək Müfəttişliyi Xidmətinin Lənkəran-Astara regional şöbəsinin (Astara, Cəlilabad, Lerik, Lənkəran, Masallı və Yardımlı) rəisi vəzifəsinə təyin olunub.
2021-ci ildə Azərbaycan Respublikasının Prezidenti İlham Əliyevin Sərəncama əsasən, dövlət qulluğunda səmərəli fəaliyyətinə görə "Dövlət qulluğunda fərqlənməyə görə" medalı ilə təltif olunub.

Məktəb illərindən bədii yaradıcılıqla məşğul olmuş. Yüzlərlə müxtəlif şeirlərin müəllifidir. İlk şeiri indiki "Lənkəran" qəzetində çap olunub. 2006-cı ildən "Məşəl" ədəbi-bədii, elmi-publisistik jurnalında məsul katib, 2018-ci ildən isə baş redaktor müavini kimi fəaliyyət göstərir.
2007-ci ildə "Məşəl" ədəbi-bədii, elmi-publisistik jurnalının nəşrə başlamasının 5 illiyi munasibəti ilə "Həsən bəy Zərdabi" mükafatı ilə təltif edilmişdir.
2007-ci ildən Azərbaycan Jurnalistlər Birliyinin, 2008-ci ildən Azərbaycan Yazıçılar Birliyinin üzvüdür.
2016-ci ildə Azərbaycan Respublikası KİVİHİ RH-nin qərarı ilə "Qızıl qələm" mükafatına layiq görülmüşdür.
2017-ci ildə Azərbaycan Respublikası Prezidentinin "Azərbaycan Yazıçılar Birliyi üzvlərinin yaradıcılıq şəraitinin yaxşılaşdırılması tədbirləri haqqında" 2007-ci il 12 mart tarixli 2023 nömrəli sərəncamına əsasən "Prezidentin xüsusi təqaüdünə" layiq görülmüşdür.
2018-ci ildə Azərbaycan Yazıçılar Birliyinin Fəxri Fərmanına, 2019-cu ildə isə ədəbi fəaliyyətinə görə Rəsul Rza adına beynəlxalq mükafata layiq görülmüşdür.

• "Görüşə Gəl" (şeirlər) — "Nurlan" nəşriyyatı, 2006, 96 səh.
• "Baxmağa Dəyər" (şeirlər) — "Nurlan" nəşriyyatı, 2010, 167 səh.
• "Mənim Duyğum" (şeirlər) — "Elm və Təhsil" nəşriyyatı, 2016, 203 səh.
• "Ürəyimdə döyünən vətən" (şeirlər) — "Orxan NPM" , 2017, 208 səh.
• "Analı dünyam" (şeirlər) — "Orxan NPM" , 2018, 176 səh.
• "Azərbaycanda multikulturalizm və onun Lənkəran qaynaqları" (həmmüəlliflə) — "Orxan NPM" , 2018, 120 səh.
• "Ruh adamı" (şeirlər) — "Yaşar qələm nəşriyyatı", Təbriz, 2019
• "Поэты свободными не бывают" (стихи) — "Аквариус" , 2020, 80 səh.
• "Dəniz qoxulu misralarım" (şeirlər) — "Orxan NPM", 2020, 208 səh.
• "Bu yer mənə Vətəndir!" (şeirlər) — "Orxan NPM", 2021, 196 səh.
• "Ömrün 60-cı baharı" (şeirlər) — "Elm və təhsil nəşriyyatı", 2023, 160 səh.

• Azərbaycan Jurnalistlər Birliyinin "Həsən bəy Zərdabi" mükafatı (2007)
• Qızıl qələm mükafatı (2016)
• Prezident təqaüdü (2017)
• Azərbaycan Yazıçılar Birliyinin Fəxri fərmanı (2018)
• Beynəlxalq Rəsul Rza mükafatı (2019)
• "Dövlət qulluğunda fərqlənməyə görə" medalı (2021)

• Etibar Vəliyev. "Ürəyimdə döyünən Vətən". Poetik toplu
• Şair Etibar Vəliyev “Rəsul Rza ” mükafatı aldı…
• Ermənilər Aprel döyüşləri ilə bağlı şeirləri bu kitabdan çıxardılar
• Nazir şairə yüksək vəzifə verdi
• Şair Etibar Vəliyevin “Ürəyimdə döyünən vətən” adlı şerlər kitabının təqdimatı keçirildi

Vikianbarda Etibar Vəliyev ilə əlaqəli mediafayllar var.

• Youtube Etibar Vəliyev