Əbu Bəkr məscidi (Bakı)

Cümə (rəsmi) və ya Əbu Bəkr məscidi (ümumişlək) — 1997-ci ildə Bakı şəhərində, səhabə və ilk xəlifə olmuş Əbu Bəkr As-Siddik şərəfinə inşa edilmiş məscid.

İslam
Əbu Bəkr məscidi
Din
Başçısı	Qamət Süleymanov
Statusu	Qafqaz Müsəlmanları İdarəsi
Yerləşməsi
Ölkə	Azərbaycan
Şəhər	Bakı
Memarlıq
Tikdirəni	Azərbaycan Respublikası
Üslubu	İslam memarlığı
Binası	2 minarə
Vəziyyəti	İşlək
Əbu Bəkr məscidi
Saytı
QMİ

Küveyt Xeyriyyə cəmiyyətinin dəstəyi ilə inşa edilmişdir. Azərbaycanın ən böyük sünni məscidi sayılır. Azərbaycan KİV məscidə gələnləri radikalizmdə və vəhhabizmdə ittiham edirlər.^[1] Ancaq məscidin imamı Qamət Süleymanov dəfələrlə onların vəhhabi olmamasını bildirmiş və bunun böhtan olduğunu demişdir.^[2]

Cümə günləri məscidi 6 min insan ziyarət edir. Məscidin imamı Qamət Süleymanov tərəfindən xütbələr oxunur. Məsciddə ərəb dili, Quran təfsiri, hədis və islam əqidəsi tədris olunur. Ramazan ayında iftar süfrələri açılır və Təravih namazı qılınır.

Məsciddə qadınlar üçün ayrıca bölmə var. Məscid yaxınlığında isə islam ədəbiyyatı, geyimləri və parfumeriyası satılan dükan vardır.

17 avqust 2008-ci ildə məscidə iki əl qumbarası atılır. Terror nəticəsində 2 nəfər ölür və 18 nəfər ağır bədən yaraları alır. Yaralananlar arasında məscidin imamı Qamət Süleymanov da olur. Azərbaycan polisi terror aktına görə İlqar Mollaçıyevin rəhbəri olduğu «Meşə qardaşları» qrupunun törətdiyini bəyan etmişdir.^[3] 2008-ci ilin oktyabrında Nərimanov rayon məhkəməsi məscidin ziyarət edilməsinə qoyulan qadağanı aradan götürmüşdür.^[4]

• Bakıdakı Əbu Bəkr məscidində terror

• "Əbu Bəkr məscidi". abubekr.narod.ru. İstifadə tarixi: 2014-02-28.
• Bakıdakı Əbu Bəkr məscidi açılır, tender elan olunub
• "Əbu-Bəkr" məscidi yeni adla fəaliyyət göstərəcək