Cəbi Hüseyn oğlu Quliyev (30 avqust 1990, Ağbulaq, Naxçıvan Muxtar Respublikası) — azərbaycanlı dövlət və siyasi xadim, Azərbaycan Respublikasının Milli Məclisinin VI çağırış üzvü.
Cəbi Quliyev | |
---|---|
Vəzifədədir | |
10 mart 2020-ci ildən | |
Şəxsi məlumatlar | |
Doğum adı | Cəbi Hüseyn oğlu Quliyev |
Doğum tarixi | 30 avqust 1990 (33 yaş) |
Doğum yeri | |
Partiya | |
Təhsili |
Cəbi Quliyev 1990-cı il avqustun 30-da Şahbuz rayonunun indiki Ağbulaq kəndində anadan olub. 2008–2012-ci illərdə Naxçıvan Dövlət Universitetində beynəlxalq münasibətlər üzrə ali təhsil alıb. 2012–2013-cü illərdə Azərbaycan Silahlı Qüvvələrində həqiqi hərbi xidmətdə olub. 2013–2015-ci illərdə isə Naxçıvan Dövlət Universitetində beynəlxalq münasibətlər tarixi üzrə magistr təhsili alıb.
Cəbi Quliyev ailəlidir. 1 övladı var.
Cəbi Quliyev 2013–2014-cü illərdə Naxçıvan Universitetində Humanitar elmlər kafedrasında baş laborant, 2014–2018-ci illərdə isə Yeni Azərbaycan Partiyası Naxçıvan Şəhər Təşkilatın da aparıcı təlimatçı və baş təlimatçı vəzifələrində çalışıb.
2016-cı ildən Naxçıvan Dövlət Universitetinin müəllimi olan Cəbi Quliyev, 2017-ci ildən həmin universitetin dissertantıdır. 2017-ci ilin fevral-mart aylarında Erasmus+ k104 layihəsi çərçivəsində Türkiyə Respublikasının Çankırı Universitetində Pedaqoji təcrübə keçmişdir. O, həm də 2018-ci il sentyabrın 6-dan Naxçıvan MR Gənclər Fondunun içraçısıdır.
Cəbi Quliyev 2019-cu il noyabr ayından Yeni Azərbaycan Partiyası Naxçıvan Muxtar Respublikası üzrə Təşkilat idarə heyəti və siyasi şuranın üzvüdür.
2020-ci il fevralın 9-da baş tutan Parlament seçimlərində 7 saylı Ordubad-Culfa dairəsindən Yeni Azərbaycan Partiyası namizədi olan Cəbi Quliyev, 65,50 % səslə VI çağırış Milli Məclisin deputatı seçildi.[1] 2020-ci il martın 10-dan səlahiyyətlərinin icrasına başlayan Cəbi Quliyev, Milli Məclisin Gənclər və idman Komitəsinin, habelə Hüquq siyasəti və dövlət quruculuğu Komitəsinin üzvü oldu.[2][3] 5 mart 2021-ci il tarixdən isə Yeni Azərbaycan Partiyası Gənclər Birliyinin idarə heyəti üzvüdur.