Astara — Azərbaycan Respublikasının Astara rayonunda nəşr olunan aylıq region qəzeti.[1]
Astara | |
---|---|
Baş redaktor | Əlvan İbayev |
Yaranma tarixi | 1932 |
Dil | talış dili, Azərbaycan dili |
Ünvan | Astara |
Qəzet 1932-ci ildən indiyədək müxtəlif adlarda – Sovet dövründə "Ostoro kolxozçi", "Kolxoz tribunası", "Sovet Astarası"[2] adları ilə çıxmış, hazırda "Astara" adı ilə nəşr olunur.[1]
Astarada ilk qəzet 1932-ci ildə nəşr edilmişdir. Rayonun ictimai-siyasi həyatını əks etdirən qəzetin adı talış dilində "Ostoro kolxozçi" ("Astara kolxozçusu") olmuşdur. "Ostoro kolxozçi" qəzeti 1938-ci ilə qədər Azərbaycan və talış dillərində çap olunmuşdur. 1938-ci ildən isə təkcə Azərbaycan dilində nəşr olunur.[3]
"Ostoro kolxozçi" qəzeti sonralar "Kolxoz tribunası", "Sovet Astarası" adlanmışdır. Qəzet 1990-cı ildən "Astara" adlanır. 1990–1993-cü illərdə "Astara" qəzetində talış dilində səhifə olmuşdur.[3]
Astara rayonunun ictimai-siyasi, sosial-iqtisadi, mədəni-mənəvi həyatında fəal rolu olan "Astara" qəzetinin 80 illik yubileyi ilə əlaqədar 17 iyul 2012-ci ildə tədbir keçirilmişdir.[1]
13 iyul 2018-ci ildə "Astara" qəzetinin 85 illik yubileyi qeyd edilib.[4]