Zəngilan döyüşləri

Zəngilan döyüşü və ya Zəngilan uğrunda döyüşlər — 1993-cü ildə Ermənistan Silahlı Qüvvələri tərəfindən işğal edilmiş Zəngilan rayonunun azad edilməsi üçün Azərbaycan Silahlı Qüvvələri tərəfindən 2020-ci il oktyabrın 18-də başladılan hərbi əməliyyatlar. Zəngilan döyüşləri Azərbaycan Silahlı Qüvvələrinin Sərhəd Qoşunlarının Komandanlığı altında aparıldı və qısa müddət ərzində Zəngilan şəhəri azad edildi.

Zəngilan döyüşü
İkinci Qarabağ müharibəsi
Zəngilan şəhərində işğal dövründə dağıdılmış məscid
Tarix	18 oktyabr 2020—10 noyabr 2020
Yeri	Zəngilan rayonu, Azərbaycan
Səbəbi	Zəngilan rayonunun işğaldan azad edilməsi
Nəticəsi	Azərbaycan qələbəsi Zəngilan şəhəri, rayonun 4 qəsəbəsi və 49 kəndi işğaldan azad edildi Azərbaycan-İran sərhədinə dövlət nəzarəti bərpa edildi
Münaqişə tərəfləri
Azərbaycan Ermənistan Dağlıq Qarabağ
Komandan(lar)
İlham Əliyev Zakir Həsənov Əfqan Nağıyev İlham Mehdiyev Ağamir Sultanov Aqşin Məhərrəmov Mais Bərxudarov Mübariz Rzayev Ramin Bağırov Rəsul Tağıyev Nikol Paşinyan David Tonoyan Arayik Harutyunyan Cəlal Harutyunyan
Tərəflərin qüvvəsi
Azərbaycan Ordusu 500 hərbçi Sərhəd Qoşunları 200 döyüşçü Ermənistan Ordusu 5000 döyüşçü 400 Muzdlu
İtkilər
30 nəfər sərhədçi 300-700 hərbi qulluqçu

Zəngilan rayonu 1993-cü il oktyabrın 30-da Ermənistan Silahlı Qüvvələri tərəfindən işğal edilmişdi. Rayon işğal edilərkən, 1 şəhər, 5 qəsəbə və 79 kənddən ibarət idi.

2020-ci il sentyabrın 27-də başlayan İkinci Qarabağ Müharibəsi zamanı Zəngilan rayonundan şərqdə yerləşən Cəbrayıl rayonunda düşmən qüvvələrinə sarsıdıcı zərbə vurulması və 30-dan çox yaşayış məntəqəsinin işğaldan azad edilməsi, Azərbaycan Silahlı Qüvvələrinin Zəngilan rayonunun inzibati hüdudlarına çatmasına şərait yaratdı.

Oktyabrın 20-də Azərbaycan Prezidenti İlham Əliyev xalqa müraciəti zamanı Zəngilan rayonunun Havalı, Zərnəli, Məmmədbəyli, Həkəri, Şərifan, Birinci Muğanlı və Zəngilan şəhərinin işğaldan azad edildiyini bildirdi.

Zəngilan döyüşü nəticəsində Azərbaycan Silahlı Qüvvələri tərəfindən Zəngilan rayonunun 1 şəhəri, 4 qəsəbəsi və 49 kəndi işğaldan azad edildi. İşğaldan azad edilən yaşayış məntəqələri:

• Şəhər: Zəngilan şəhəri (20.10);
• Qəsəbələr: Həkəri qəsəbəsi (20.10);^[1] Mincivan qəsəbəsi (21.10);^[2] Ağbənd qəsəbəsi (22.10);^[3] Bartaz qəsəbəsi (09.11);^[4]
• Kəndlər: Havalı, Məmmədbəyli, Muğanlı, Şərifan və Zərnəli (20.10);^[1] Babaylı, Baharlı, Cahangirbəyli, Hacallı, İçəri Müşlan, Məlikli, Qıraq Müşlan, Sarıl, Turabad, Üçüncü Ağalı, Üdgün, Xumarlı və Xurama (21.10);^[1] Bartaz, Çöpədərə, Dəlləkli, Əmirxanlı, Genlik, Kənd Zəngilan, Kolluqışlaq, Malatkeşin, Qaradərə, Qarqulu, Tatar, Tiri və Vəliqulubəyli (22.10);^[3] Mirzəhəsənli və Vənədli (23.10);^[5] Birinci Alıbəyli, İkinci Alıbəyli, Rəbənd və Yenikənd (26.10);^[6] Birinci Ağalı və İkinci Ağalı (28.10);^[7] Aladin və Vecnəli (30.10);^[8] Böyük Gilətağ və Dərə Gilətağ (02.11);^[9] Məşədiismayıllı və Şəfibəyli (04.11);^[10] Beşdəli (07.11);^[11] İsgəndərbəyli, Qaragöz və Sobu (09.11);