Emin Quliyev (əsgər)
Emin Ələkbər oğlu Quliyev (12 avqust 1976, Sahil – 17 mart 1995, Bakı) — Azərbaycanın Milli Qəhrəmanı, Mart hadisələri zamanı dövlətçiliyimiz, suverenliyimiz uğrunda ömrünü qurban verərək şəhidlik zirvəsini fəth etmiş fateh.
| Emin Quliyev | |
|---|---|
| Emin Ələkbər oğlu Quliyev | |
 | |
| Doğum tarixi | 12 avqust 1976 |
| Doğum yeri | |
| Vəfat tarixi | 17 mart 1995 (18 yaşında) |
| Vəfat yeri | |
| Dəfn yeri | |
| Vətəndaşlığı |
 SSRİ→ Azərbaycan |
| Mükafatları |
 |
Həyatı[redaktə | mənbəni redaktə et]
Emin Quliyev 12 avqust 1976-cı ildə Bakının Qaradağ rayonunun Sahil qəsəbəsində anadan olmuşdur. 1983-cü ildə 228 saylı məktəbə getmiş, 1993-cü ildə bu məktəbi bitirmişdir. 1994-cü il 25 avqust Milli Ordu sıralarına çağırılmışdır. Emin Quliyev "N" saylı hərbi hissədə xidmət edər və bacaracağına görə fərqlənirdi. Emin Quliyev idmanın bir neçə növü ilə məşğul olmuşdu. 1995-ci il 13-17 mart hadisələri zamanı silahlı dəstənin zərərsizləşdirilməsində o dövlətçiliyimiz uğrunda canından keçdi.
Ailəsi[redaktə | mənbəni redaktə et]
Subay idi.
Milli Qəhrəman[redaktə | mənbəni redaktə et]
Azərbaycan Respublikası prezidentinin 4 aprel 1995-ci il tarixli 307 saylı fərmanı ilə Quliyev Emin Ələkbər oğluna ölümündən sonra "Azərbaycanın Milli Qəhrəmanı" adna layiq görülmüşdür.
Qaradağ rayonunun Sahil qəsəbəsindəki Şəhidlər xiyabanında dəfn edilib.
Sahil qəsəbəsindəki 14 saylı məktəb, bir küçə və park qəhrəmanımızın adını daşıyır.
Haqqında[redaktə | mənbəni redaktə et]
QƏHRƏMAN EMİN
Sinif yoldaşım, Azərbaycanın Milli Qəhrəmanı E.Ə.Quliyevin əziz xatirəsinə
Gözümün önündə canlanır hər vaxt
Qəhrəman Emin,
Deyirəm ölməyib, yaşayacaqdır…
qəhrəman Emin
O getdi döyüşə, getdi ürəklə,
Min cür həsrətilə, min cür diləklə
Vətənə bağlıydı elmlə, biliklə…
qəhrəman Emin
Yadıma düşəndə ağlayıram mən,
Dönmədi dediyi o sözlərindən,
Çıxmadı heç zaman kişiliyindən…
qəhrəman Emin
Rahatlıq tapmadı bu gen dünyada,
Vermədi sirrini yaxına, yada.
Döyüş meydanına can atdı o da…
qəhrəman Emin
Namusum qeyrəti bizə "gəl" deyir,
Bu yurdda Vətənə, xalqa gəl deyir,
Azadlıq eşqiylə, yaşa, gur deyir…
qəhrəman Emin
Keçəndə "Şəhidlər xiyaban"ından,
Dəhşətə gəlmişdir tökülən qandan.
Ölsə də ayrılmaz Azərbaycanından…
qəhrəman Emin
Bilirdi, satqınlar yurdu satdılar!
Qocaya, cavana güllə atdılar.
Bilirdi milləti oda atdılar…
qəhrəman Emin
Dikərdi gözünü göyə - Allaha,
Deyərdi: bu nədir, qiyamdır daha.
Tutacaq satqını şəhidin ahı
qəhrəman Emin
Bu namərd gülləsi ona tuş oldu,
Qurban Göyçəli də qəmdən boğuldu.
Günəş tək parlayıb, günəş tək soldu,
qəhrəman Emin.
Qurban Göyçəli - şair.
Ədəbiyyat[redaktə | mənbəni redaktə et]
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 165.
Xarici keçidlər[redaktə | mənbəni redaktə et]
- Emin Quliyev Arxivləşdirilib 2016-03-05 at the Wayback Machine
