Pəhlivan Fərzəliyev
Pəhlivan Əhliman oğlu Fərzəliyev (27 sentyabr 1958, Qaryagin – 11 aprel 1992, Füzuli rayonu) — Azərbaycan zabiti, baş leytenant, Azərbaycanın Milli Qəhrəmanı; Qarabağ müharibəsi şəhidi.
| Pəhlivan Fərzəliyev | |
|---|---|
| Pəhlivan Əhliman oğlu Fərzəliyev | |
 | |
| Şəxsi məlumatlar | |
| Doğum tarixi | |
| Doğum yeri | Qobu Dilağarda, Füzuli rayonu, Azərbaycan SSR, SSRİ |
| Vəfat tarixi | (33 yaşında) |
| Vəfat yeri | Füzuli rayonu, Azərbaycan |
| Vəfat səbəbi | şəhid olmuşdur. |
| Dəfn yeri | Qobu Dilağarda, Füzuli rayonu, Azərbaycan |
| Atası | Əhliman |
| Hərbi fəaliyyəti | |
| Mənsubiyyəti |
 Azərbaycan Ordusu |
| Qoşun növü |
 Quru Qoşunları |
| Rütbə | Baş leytenant |
| Vəzifəsi | taqım komandiri |
| Təltifləri |
 |
Həyatı[redaktə | mənbəni redaktə et]
Pəhlivan Fərzəliyev 7 sentyabr 1958-ci ildə Füzuli rayonunun Qobu Dilağarda kəndində doğulmuşdur[1]. Doğma kənddə səkkizinci sinfi başa vurduqdan sonra Şuşa Kənd Təsərrüfatı Texnikumuna daxil olmuşdur. İdmanla məşğul olmuş, Şuşada keçirilən çempionatda Qarabağ çempionu adını qazanmışdır. O, 1979-cu ildə orduya çağırılmışdır. 1986-cı ildə Orenburq Politexnik Universitetini bitirmişdir.
Döyüşlərdə iştirakı[redaktə | mənbəni redaktə et]
BTR-n ekipaj komandiri olan Pəhlivanın taqımı Füzuli rayonundakı sərhəd kəndlərinin qorunmasında mərdliklə vuruşurdu. Onun şücaəti nəticəsində Xələfşə kəndində bir erməni bölüyü və bir BTR məhv edilmişdi. 1992-ci il 11 apreldə taqım komandirinin son döyüşü olur.
Ailəsi[redaktə | mənbəni redaktə et]
Evli idi. İki oğlu, bir qızı yadigar qalıb.
Milli Qəhrəman[redaktə | mənbəni redaktə et]
Azərbaycan Respublikası prezidentinin 8 oktyabr 1992-ci il tarixli 264 saylı fərmanı ilə baş leytenant Fərzəliyev Pəhlivan Əhliman oğluna ölümündən sonra "Azərbaycanın Milli Qəhrəmanı" adına layiq görülmüşdür.
Füzuli rayonunun Qobu Dilağarda kəndində dəfn edilmişdir.
Bakı şəhərindəki qəsəbələrdən biri qəhrəmanın adını daşıyır.
Həmçinin bax[redaktə | mənbəni redaktə et]
İstinadlar[redaktə | mənbəni redaktə et]
- ↑ "MİLLİ QƏHRƏMAN Fərzəliyev Pəhlivan Əhliman oğlu". 2020-08-05 tarixində arxivləşdirilib. İstifadə tarixi: 2013-08-31.
Xarici keçidlər[redaktə | mənbəni redaktə et]
- "Qarabağın görkəmli şəxsiyyətləri:Pəhlivan Fərzəliyev(1958-1992)". "Virtual Qarabağ" İKT Mərkəzinin rəsmi portalı (az.). virtualkarabakh.az. 2013. 2017-12-22 tarixində orijinalından arxivləşdirilib. İstifadə tarixi: 2014-10-14.
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 102.
