Elşad Hüseynov

Elşad Hüseynov (8 oktyabr 1968, Xıl, Masallı rayonu – 15 iyun 1992, Fərrux, Xocalı rayonu) — Azərbaycanın Milli Qəhrəmanı.

Elşad Hüseynov
Elşad Eynulla oğlu Hüseynov
Şəxsi məlumatlar
Doğum tarixi	8 oktyabr 1968 (55 yaş)
Doğum yeri	Xıl, Masallı rayonu, Azərbaycan SSR, SSRİ
Vəfat tarixi	15 iyun 1992(1992-06-15) (24 yaşında)
Vəfat yeri	Fərrux, Xocalı rayonu, Azərbaycan
Vəfat səbəbi	şəhid
Dəfn yeri	Xıl, Masallı rayonu, Azərbaycan
Hərbi fəaliyyəti
Qoşun növü	Azərbaycan Respublikasının Daxili Qoşunları
Rütbəsi	Baş çavuş
Döyüşlər	Birinci Qarabağ müharibəsi
Təltifləri

1960-ci il 8 oktyabr Masallı rayonunun Xıl kəndində anadan olmuşdur.^[1] 1978-ci ildə burada məktəbi bitirib sovxozda işləyir. 1979–1981-ci illərdə Batumidə hərbi xidmətdə olmuşdur. Daha sonra Bakı şəhərində DİN-nin milis nəfəri kimi işə qəbul olunur. Ermənilərin doğma torpaqlarımıza basqınlarını görən Elşad cəbhəyə getmək istəyirdi, bir neçə dəfə müraciətdən sonra o cəbhəyə yola düşür.

Elşad Cuvarlı, Ağbulaq və bir çox başqa kəndlərin azad edilməsində rəşadətlə vuruşdu. Onun şücaəti erməni qəsbkarlarını lərzəyə salmışdı. 15 iyun 1992-ci il döyüşçülərimiz Fərrux kəndini düşməndən azad etməli idilər. Elşad döyüşün qızğın yerində idi, mövqeyini dəyişmək istəyərkən düşmən gülləsinə tuş gəldi. Cəsur polis işçisinin ömrü beləcə qırıldı. Beləliklə, 1992-ci il 15 iyunda Ağdam-Fərrux istiqamətində gedən döyüşdə qəhrəmancasına şəhid olmuşdur.

Masallı rayonunun Xıl kəndində dəfn edilib.

Ailəli idi, üç övladı yadigar qalıb.

Azərbaycan Respublikası prezidentinin 8 oktyabr 1992-ci il tarixli 264 saylı fərmanı ilə Hüseynov Elşad Eynulla oğluna ölümündən sonra "Azərbaycanın Milli Qəhrəmanı" adına layiq görülmüşdür.

Masallı rayonunda adına küçə var, büstü qoyulmuşdur.

• Qarabağ müharibəsi
• Erməni terrorizmi
• Azərbaycanlıların Soyqırımı Günü

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 121.

• Hüseynov Elşad Arxivləşdirilib 2016-03-05 at the Wayback Machine
• Elşad Hüseynov Arxivləşdirilib 2016-03-05 at the Wayback Machine