Novruz Qurbanov

Novruz Qurbanov — Azərbaycanın Milli Qəhrəmanı, Mart hadisələri zamanı dövlətçiliyimiz, suverenliyimiz uğrunda ömrünü qurban verərək şəhidlik zirvəsini fəth etmiş fateh.

Novruz Qurbanov
Novruz Əliyullah oğlu Qurbanov
Şəxsi məlumatlar
Doğum tarixi	2 iyun 1975
Doğum yeri	Göycəli (Yuxarı Göycəli), Ağstafa rayonu, Azərbaycan SSR, SSRİ
Vəfat tarixi	17 mart 1995 (19 yaşında)
Vəfat yeri	Bakı, Azərbaycan
Vəfat səbəbi	şəhid
Dəfn yeri	Göycəli, Ağstafa rayonu
Vətəndaşlığı	SSRİ→ Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru qoşunları
Xidmət illəri	1993-1995
Rütbəsi	Əsgər
Döyüşlər	Qarabağ müharibəsi
Təltifləri

1975-ci il 2 iyun tarixində Ağstafa rayonunun Göycəli (Yuxarı Göycəli) kəndində anadan olmuşdur. 1992-ci ildə burada məktəbi bitirmişdir. 1993-cü ildə Milli Ordu sıralarına çağırılmışdır.

"N" saylı hərbi hissədə xidmət edən Novruz atəşkəs imzalananadək döyüşlərdə iştirak etmişdir. 1995-ci il Mart hadisələri zamanı dövlətçiliyimiz, suverenliyimiz uğrunda döyüşən gənc əsgər Novruz Qurbanov qəhrəmancasına həlak oldu.

Subay idi.

Azərbaycan Respublikası prezidentinin 4 aprel 1995-ci il tarixli 307 saylı fərmanı ilə Qurbanov Novruz Əliyullah oğluna ölümündən sonra "Azərbayvcanın Milli Qəhrəmanı" adı verilmişdir.

Ağstafa rayonu Göycəli kəndində dəfn edilmişdir.

Göycəli kəndində büstü qoyulmuşdur.

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 178.