İsrafil Şahverdiyev

İsrafil Şahverdi oğlu Şahverdiyev (11 iyun 1952, Laçın rayonu – 13 yanvar 1994, Füzuli rayonu) — Azərbaycanın Milli Qəhrəmanı (15 yanvar 1995); Qarabağ müharibəsi şəhidi[1].

İsrafil Şahverdiyev
İsrafil Şahverdi oğlu Şahverdiyev
Şəxsi məlumatlar
Doğum tarixi
Doğum yeri Unannovu, Laçın rayonu, Azərbaycan SSR, SSRİ
Vəfat tarixi (41 yaşında)
Vəfat yeri Füzuli rayonu, Azərbaycan
Vəfat səbəbi şəhid
Dəfn yeri Şəhidlər xiyabanı
Hərbi fəaliyyəti
Təltifləri "Qızıl Ulduz" medalı — 1995

Həyatı

[redaktə | mənbəni redaktə et]

İsrafil Şahverdiyev 11 iyun 1952-ci ildə Laçın rayonunun Unannovu kəndində anadan olmuşdur[2]. 1959-1969-cu illərdə Unannovu kənd orta məktəbində təhsil almışdır. 1971-1974-cü illərdə hərbi xidmətdə olmuşdur. 1975-ci ildə Laçın rayon Daxili İşlər Şöbəsində milis nəfəri kimi əmək fəaliyyətinə başlamışdır[3].

Döyüşlərdə iştirakı

[redaktə | mənbəni redaktə et]

Erməni yaraqlıları torpaqlarımıza hücum edərkən İsrafil Şahverdiyev cəsur bir polis işçisi kimi ilk günlərdən torpaqlarımızın müdafiəsinə qalxmışdı. Qaladərəsi kəndində iki erməni kəşfiyyatçını ələ keçirmişdi. Şəhid jurnalist Salatın Əsgərovanın qatillərinin ələ keçməsində onun rolu böyük idi. 1991-ci ildə Qala dərəsi kəndinin azad edilməsi üçün plan hazırlandı. Gecədən səhərə qədər davam edən qanlı döyüşdə erməni işğalçıları ağır itkilər verərək geri çəkildilər. İsrafil 1992-ci il 19 sentyabrdan 17 noyabra qədər Hoçaz qayası və Hoçaz kəndi uğrunda gedən qanlı döyüşlərdə iştirak etmiş və onlarla erməni silahlısını məhv etmişdir.

6 yanvar 1994-cü ildə Füzuli rayonunun kəndlərini azad etmək üçün İsrafil rotası ilə döyüşə girmişdir. Bu əməliyyat nəticəsində Horadiz qəsəbəsi və 22 kənd azad edilmişdir. Cəsur komandirin son döyüşü 13 yanvar 1994-cü ildə olmuşdur. Bir neçə istiqamətdən hücuma keçən rotada ölən və yaralananlar olduğundan döyüşçü dostlarını xilas edən İsrafil pulemyotun başına keçmiş və qarşı tərəfdən atılan güllə onun həyatına son qoymuşdur[4].

Bakı şəhərinin Şəhidlər xiyabanında dəfn edilib[5].

Ailəsi

[redaktə | mənbəni redaktə et]

Hökumə Şahverdiyeva ilə ailəli idi. Üç övladı qalıb.[6]

Tətif və mükafatları

[redaktə | mənbəni redaktə et]
  • "Sultan bəy" mükafatını — 1990.[7]

Milli Qəhrəman

[redaktə | mənbəni redaktə et]

Azərbaycan Respublikasının suverenliyinin və ərazi bütövlüyünün qorunmasında, Vətən torpaqlarının erməni işğalçılarından müdafiə edilməsində gedən döyüşlərdə qəhrəmanlıqla vuruşaraq göstərdiyi şəxsi igidlik və şücaətə, öz müqəddəs əsgəri və xidməti borcunun şərəflə yerinə yetirilməsindəki misilsiz xidmətlərinə görə Azərbaycan Respublikası Prezidentinin 15 yanvar 1995-ci il tarixli 262 saylı fərmanı ilə Şahverdiyev İsrafil Şahverdi oğluna (ölümündən sonra) Azərbaycanın Milli Qəhrəmanı adı verilmişdir[8].

Xatirəsi

[redaktə | mənbəni redaktə et]

Laçın rayonundakı məktəblərdən biri İsrafil Şahverdiyevin adını daşıyır.

İstinadlar

[redaktə | mənbəni redaktə et]
  1. ↑ "Şahverdiyev İsrafil Şahverdi" (az.). milliqehramanlar.az. 2013-12-19 tarixində orijinalından arxivləşdirilib. İstifadə tarixi: 2014-06-10.
  2. ↑ "ŞAHVERDİYEV İSRAFİL ŞAHVERDİ oğlu" (az.). zengilan.com. 2021-11-07 tarixində arxivləşdirilib. İstifadə tarixi: 2014-06-10.
  3. ↑ "İsrafilin gündəliyindən sətirlər" (az.). anl.az. 2011. 2022-04-07 tarixində arxivləşdirilib. İstifadə tarixi: 2014-06-10.
  4. ↑ Lent.az. "Qəhrəmanlar unudulmur – Milli Qəhrəman İsrafil Şahverdiyev" (az.). news.lent.az. 11.06.2011 / 10:00. 2016-03-05 tarixində orijinalından arxivləşdirilib. İstifadə tarixi: 2014-06-10.
  5. ↑ "İsrafil Şahverdiyev" (az.). qaradag.libmks.az. 12-06-2012, 00:01. 2014-07-20 tarixində orijinalından arxivləşdirilib. İstifadə tarixi: 2014-06-10.
  6. ↑ Siyavuş Əmirli. "Milli Qəhrəman İsrafil Şahverdiyevin anım tədbiri keçirilib" (PDF). "Laçın yurdu". №1(21) ("Elm və təhsil" nəşriyyatı). 31.03.2017: səh.39–40. İstifadə tarixi: 2017-05-22.
  7. ↑ "Laçın yurdu" jurnalı, №1(21), 2017.
  8. ↑ ""Azərbaycan Respublikasının hərbi qulluqçularının və polis işçilərinin bir qrupunun təltif edilməsi haqqında" Azərbaycan Respublikası Prezidentinin 15 yanvar 1995-ci il tarixli, 262 nömrəli Fərmanı" (az.). e-qanun.az. 15 yanvar 1995-ci il. 2012-12-31 tarixində orijinalından arxivləşdirilib. İstifadə tarixi: 2014-06-10.

Ədəbiyyat

[redaktə | mənbəni redaktə et]
  1. "İsrafilin gündəliyindən sətirlər", "Şərq" qəzeti. - 2011. - 29 iyul. - Səh.5.
  2. "Laçınlı Milli Qəhrəmanlar: İsrafil Şahverdiyev", "Laçın yurdu" jurnalı, №1(1), 2011, Bakı, "Elm və təhsil", 2011.
  3. Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 267.

Xarici keçidlər

[redaktə | mənbəni redaktə et]