İnqilab İsmayılov
İnqilab İsmayılov (24 fevral 1962, Xocalı, DQMV – 12 iyun 1992, Ağdam rayonu) — Azərbaycanın Milli Qəhrəmanı, Xocalı soyqırımı şəhidi.[1][2]
| İnqilab İsmayılov | |
|---|---|
| İnqilab Ələkbər oğlu İsmayılov | |
 İnqilab İsmayılov | |
| Şəxsi məlumatlar | |
| Doğum tarixi | 24 fevral 1962 |
| Doğum yeri | |
| Vəfat tarixi | 12 iyun 1992 (30 yaşında) |
| Vəfat yeri | |
| Dəfn yeri | Bilinmir |
| Vətəndaşlığı | |
| Milliyyəti | Azərbaycanlı |
| Hərbi fəaliyyəti | |
| Döyüşlər | |
| Təltifləri |
 |
Həyatı
[redaktə | mənbəni redaktə et]İnqilab İsmayılov 24 fevral 1962-ci ildə Xocalı şəhərində anadan olmuşdur. Orta məktəbi 1979-cu ildə bitirmişdir. O, 1981-ci ildə ordu sıralarına çağırılmış və daxili qoşunlarda xidmət etmişdir. Hərbi xidmətdə olduğu vaxtda Xarkov şəhərində gizirlik məktəbini bitirmişdir. Xarkov şəhərində xidmətini başa vuran İsmayılov 1984-cü ildə Xocalıya dönmüş və sovxozda traktorçu işləmişdir.[1][2]
Döyüşlərdə iştirakı
[redaktə | mənbəni redaktə et]İnqilab İsmayılov 1990-cı ildə Xocalı Polis şöbəsində işə düzəlir. 1988-ci ildən başlayaraq Dağlıq Qarabağda vəziyyət gərginləşirdi. Erməni işğalçıları Xocalını gecə-gündüz raket atəşinə tuturdular, silahsız, günahı olmayan sakinlər faciəli surətdə həlak olurdular.[1][2]
1992-ci il fevralın 25-dən 26-na keçən gecə erməni quldurları ilə Rusiyanın 366-cı motoatıcı alayı birləşərək Xocalı soyqırımını törətdilər. Bu zaman İnqilab İsmayılov döyüşə atılır və döyüşçü yoldaşları ilə birlikdə vuruşa-vuruşa sağ qalmış camaatın bir hissəsini düşmən mühasirəsindən çıxarır. O, əhalinin çoxunu Oğuz rayonunda yerləşdirib, yenidən cəbhə xəttinə dönür.[1][2]
İnqilab İsmayılov fəaliyyətini Ağdam rayon Polis şöbəsinin post-patrul xidmətində davam etdirir. Onun xidmət etdiyi post patrul alayı Daşbaşı yüksəkliyini qoruyurdu. Ermənilər buraya dəfələrlə hücum etmiş, məğlub olaraq geri çəkilmişdir. Hücumlardan biri 12 iyun 1992-ci ildə oldu. Ermənilər 6 dəfə hücum etsələr də, məğlub olub geri çəkildilər. Erməinlərin 6 postu tam məhv edildi. İnqilab İsmayılov bu döyüşdə şəhid oldu. Döyüşçü yoldaşları bir neçə dəfə cəhd etsələr də, onun cəsədini döyüş meydanından çıxara bilməmişdilər.[1][2]
Ailəsi
[redaktə | mənbəni redaktə et]Ailəli idi, üç övladı yadigar qalıb.[1][2]
Milli Qəhrəman
[redaktə | mənbəni redaktə et]Azərbaycan Respublikası Prezidentinin 8 oktyabr 1992-ci il tarixli 264 saylı fərmanı ilə İsmayılov İnqilab Ələkbər oğluna ölümündən sonra "Azərbaycanın Milli Qəhrəmanı" adı verilmişdir.[1][2]
Bakının Xətai rayonundakı küçələrdən biri Milli Qəhrəmanın adını daşıyır. Həmin küçədə İ. İsmayılovun xatirə lövhəsi vurulub.[1][2]
Həmçinin bax
[redaktə | mənbəni redaktə et]Mənbə
[redaktə | mənbəni redaktə et]- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 145-146.
Ədəbiyyat siyahısı
[redaktə | mənbəni redaktə et]- Əsgərov, V. İsmayılov İnqilab Ələkbər oğlu /Əsgərov V. Azərbaycanın Milli Qəhrəmanları.- Yenidən işlənmiş II nəşr.- Bakı, 2010.- S.145-146. İsmayılov İnqilab Ələkbər oğlu //Azərbaycanın Milli Qəhrəmanları: Biblioqrafiya /Azərbaycan Milli Kitabxanası; tərt. ed. H.M.Həmidova.- Bakı, 2008.- S.108.
- Seyidzadə, M. İsmayılov İnqilab Ələkbər oğlu //Seyidzadə M. Milli qəhrəmanlar zirvəsi.- Bakı, 2010.- S.111.
İstinadlar
[redaktə | mənbəni redaktə et]- ↑ 1 2 3 4 5 6 7 8 "İsmayılov İnqilab Ələkbər oğlu" (Azərbaycan). shexsiheyet.mia.gov.az. 2021-01-31 tarixində arxivləşdirilib.
- ↑ 1 2 3 4 5 6 7 8 "Əlamətdar və tarixi günlər təqvimi" (PDF) (Azərbaycan). anl.az. 25.12.2020 tarixində arxivləşdirilib (PDF).
