Hidayət Rüstəmov

Hidayət Rüstəmov — Azərbaycanın Milli Qəhrəmanı; Qarabağ müharibəsi şəhidi.

Hidayət Rüstəmov
Hidayət Eldar oğlu Rüstəmov
Şəxsi məlumatlar
Doğum tarixi	19 avqust 1970
Doğum yeri	Xıdırlı, Ağdam rayonu, Azərbaycan SSR, SSRİ
Vəfat tarixi	23 dekabr 1991 (21 yaşında)
Vəfat yeri	Meşəli, Şuşa rayonu, Azərbaycan
Vəfat səbəbi	şəhid
Dəfn yeri	Ağdam Şəhidlər Xiyabanı
Vətəndaşlığı	SSRİ→ Azərbaycan
Hərbi fəaliyyəti
Qoşun növü	Azərbaycan Respublikasının Daxili Qoşunları
Rütbəsi	çavuş
Döyüşlər	Birinci Qarabağ müharibəsi
Təltifləri

19 avqust 1970-ci ildə Ağdam rayonunun Xıdırlı kəndində anadan olmuşdur. Burada orta məktəbi bitirən Hidayət daha sonra Ağdam 50 saylı texniki-peşə məktəbində təhsilini davam etdirir. 1988-1990-cı illərdə Sovet Ordusunda hərbi xidmətdə olmuşdur. 1991-ci il Ağdam rayonu Daxili İşlər Şöbəsinin post-patrul alayına daxil olur.

Vətənimizin cəsur övladı qaynar döyüşlərə girərdi. Şərəfli döyüş yolu keçən Hidəyət bu yolda çox yürüyə bilmədi...23 dekabr 1991-ci il erməni işğalçıları Meşəli kəndinə hücum edərək ağılasığmaz vəhşiliklər törədirdilər. Boş evlərin birini özünə istehkam seçən cəsur polis çavuşu Hidayət qəfil sərrast atəşlərlə erməni quldurlarının xeyli qüvvəsini məhv etdi. Murdar erməni faşistləri evə od vurdular. Qorxunun nə olduğunu bilməyən Azərbaycan döyüşçüsü son nəfəsinə qədər vuruşdu və qəhrəmancasına həlak oldu.

Subay idi.

Azərbaycan Respublikası prezidentinin 8 oktyabr 1992-ci il tarixli 264 saylı fərmanı ilə Rüstəmov Hidayət Eldar oğluna ölümündən sonra "Azərbaycanın Milli Qəhrəmanı" adı verilmişdir.

Ağdam rayonunun Şəhidlər xiyabanında dəfn edilib.

• Qarabağ müharibəsi
• Erməni terrorizmi
• Azərbaycanlıların Soyqırımı Günü

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 245.