Elşad Əhədov

Elşad Saday oğlu Əhədov (4 mart 1968, Təzə Alvadı, Masallı rayonu – 11 dekabr 1993, Qarabağ) — Azərbaycanın Milli Qəhrəmanı; Qarabağ müharibəsi şəhidi.

Elşad Əhədov
Elşad Saday oğlu Əhədov
Şəxsi məlumatlar
Doğum tarixi	4 mart 1968
Doğum yeri	Təzə Alvadı, Masallı rayonu, Azərbaycan SSR, SSRİ
Vəfat tarixi	11 dekabr 1993 (25 yaşında)
Vəfat yeri	Ağdaş yüksəkliyi
Vəfat səbəbi	şəhid olmuşdur.
Dəfn yeri	Təzə Alvadı, Masallı rayonu, Azərbaycan
Təhsili	Cəmşid Naxçıvanski adına hərbi lisey
Hərbi fəaliyyəti
Qoşun növü	Azərbaycan Quru Qoşunları
Rütbəsi	baş leytenant
Döyüşlər	Birinci Qarabağ müharibəsi
Təltifləri

4 mart 1968-ci ildə Masallı rayonunun Təzə Alvadı kəndində dünyaya gəlmişdir. Orta məktəbi burada oxumuş, Naxçıvanski adına Hərbi liseyə daxil olmuşdur. Sonra Ukraynanın Kamenets-Podolsk Ali komandirlər məktəbinin tələbəsi olmuşdur. 1989-cu ildə Volqoqrad hərbi hissələrindən birinə rota komandiri təyin edilir.

Vətənə dönən Elşad əvvəlcə Bakının Güzdək qəsəbəsində, sonra Lənkəran rayonunda rota komandiri kimi fəaliyyət göstərir. Erməni işğalçılarının hücumu zamanı Füzulidə, Aşağı Veysəllidə, Şişqayada və digər döyüş bölgələrində vuruşmuşdur. Son döyüşü Ağdaş yüksəkliyi uğrunda olur, 11 dekabr 1993-cü il Ağdaş yüksəkliyi uğrunda gedən döyüşdə o, mərdliklə həlak olur.

Ailəli idi.İki uşağı yadigar qalıb.

Azərbaycan Respublikası prezidentinin 14 dekabr 1993-cü il tarixli fərmanı ilə Əhədov Elşad Saday oğlu ölümündən sonra "Azərbaycan Bayrağı" ordeni ilə təltif edilmiş, 16 sentyabr 1994-cü il tarixli 203 saylı fərmanı ilə "Azərbaycanın Milli Qəhrəmanı" adına layiq görülmüşdür.

Təzə Alvadı kəndində dəfn edilmişdir.

Təzə Alvadı kənd orta məktəbi və parkı qəhrəmanın adını daşıyır.

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 66.

• Əhədov Elşad Arxivləşdirilib 2016-03-05 at the Wayback Machine
• Elşad Əhədov Arxivləşdirilib 2016-03-05 at the Wayback Machine