Sərdar Səfərov

Sərdar Mədəd oğlu Səfərov (12 avqust 1960, Kəlbəcər rayonu – 25 sentyabr 1991, Əsgəran rayonu, DQMV) — Azərbaycanın Milli Qəhrəmanı; Qarabağ müharibəsi şəhidi.

Sərdar Səfərov
Sərdar Mədəd oğlu Səfərov
Sərdar Səfərov
Şəxsi məlumatlar
Doğum tarixi	12 avqust 1960
Doğum yeri	Kəlbəcər rayonu, Azərbaycan SSR, SSRİ
Vəfat tarixi	25 sentyabr 1991 (31 yaşında)
Vəfat yeri	Xankəndi yaxınlığında
Vəfat səbəbi	Şəhid
Dəfn yeri	Kəlbəcər rayonu
Milliyyəti	azərbaycanlı
Hərbi fəaliyyəti
Rütbəsi	milis mayoru[d]
Təltifləri

Sərdar Səfərov 12 avqust 1960-cı ildə Kəlbəcər rayonunda anadan olmuşdur. 1977-ci ildə burada məktəbi bitirmiş və kolxozda işləmişdir. 1979- 1981-ci illərdə hərbi xidmətdə olmuşdur. 1987-ci ildə SSRİ-nin Kaunas Xüsusi Milis Məktəbini bitirir. 1991-ci ildə Vətənə dönür və Qusar rayonunda sahə müvəkkili işləməyə başlayır.

1991-ci il 25 sentyabr erməni terrorçuları Əsgəran rayonu ərazisində "QAZ-53" markalı sərnişin avtomobilinə hücum etmişdilər. Buraya göndərilən istintaq qrupunun müstəntiqi Sərdar Səfərov idi. Hadisə yerindən qayıdan istintaq qrupu Xankəndi yaxınlığında erməni yaraqlılarının hücumuna məruz qaldılar. Sərdar yoldaşlarını xilas edərək qəhrəmancasına həlak oldu. Kəlbəcər rayonunda dəfn edilmişdir.

Ailəli idi, ölümündən üç ay sonra bir qızı dünyaya gəlmişdi.

Azərbaycan Respublikası Prezidentinin 8 oktyabr 1992-ci il tarixli 264 saylı fərmanı ilə Sərdar Mədəd oğlu Səfərov ölümündən sonra "Azərbaycanın Milli Qəhrəmanı" adına layiq görülmüşdür.

2022-ci ildə Sərdar Səfərovun barelyefinin açılışı olub^[1].

• Qarabağ müharibəsi
• Ağdaban soyqırımı
• Erməni terrorizmi
• Azərbaycanlıların Soyqırımı Günü

• Elbrus Şahmar "Şah İsmayıl qartalları" Bakı-1996. ("Bilmək olmaz bu dünyanın işini, Bəlkə bir də görüşmədik, ya qismət." oçerki) səh.34-37.
• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 261.

• Azərbaycanın Milli Qəhrəmanı Sərdar Səfərov (EL TV - 21.12.2014) — YouTube saytı