Aytəkin Məmmədov

Aytəkin Məmmədov (29 may 1967, Göyəlli, Gədəbəy rayonu – aprel 1991, Xanlar rayonu) — Azərbaycanın Milli Qəhrəmanı, Birinci Qarabağ müharibəsi şəhidi.

Aytəkin Məmmədov
Aytəkin İsrayıl oğlu Məmmədov
Şəxsi məlumatlar
Doğum tarixi	29 may 1967
Doğum yeri	Göyəlli, Gədəbəy rayonu, Azərbaycan SSR, SSRİ
Vəfat tarixi	aprel 1991 (23 yaşında)
Vəfat yeri	Quşçu, Xanlar rayonu, Azərbaycan
Vəfat səbəbi	Şəhid
Dəfn yeri	Göyəlli, Gədəbəy rayonu
Vətəndaşlığı	SSRİ Azərbaycan
Hərbi fəaliyyəti
Təltifləri

29 may 1967-ci ildə Gədəbəy rayonunun Göyəlli kəndində anadan olmuşdur. 1974–1984-cü illərdə burada məktəbdə oxumuşdur. 1985-ci ildə hərbi xidmətə çağırılımışıdır. 1987-ci ildə ordudan tərxis edilmişdir.

1991-ci ildə DİN-nin Xüsusi Təyinatlı Polis dəstəsinə daxil olur. 1991-ci il Xanlar rayonu erməni işğalçıları tərəfindən hücuma məruz qalanda Aytəkin döyüşə atılır erməni yaraqlılarını məhv edən cəsur döyüşçü qəhrəmancasına həlak olur.

Subay idi.

Azərbaycan Respublikası prezidentinin 8 oktyabr 1992-ci il tarixli 264 saylı fərmanı ilə Məmmədov Aytəkin İsrayıl oğluna ölümündən sonra "Azərbaycanın Milli Qəhrəmanı" adı verilmişdir.

Göyəlli kənd qəbristanlığında dəfn edilmişdir.

• Göyəlli kənd orta məktəbi onun adını daşıyır, qəhrəmanımızın büstü qoyulub.
• 2013-cü ildə onunla yanaşı Gədəbəy rayonundan olan digər üç Milli Qəhrəman — İsgəndər Aznaurov, İlham Əliyev və Məzahir Rüstəmovun həyat və döyüş yollarından bəhs edən "Alınmaz qalanın qəhrəmanları" sənədli-bədii filmi çəkilmişdir^[1][2].

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 192.

• Məmmədov Aytəkin