Etibar Əliyev (milli qəhrəman)

Etibar Əliyev (11 iyul 1955, Lənkəran – 23 avqust 1993, Lənkəran) — Azərbaycanın Milli Qəhrəmanı; Qarabağ müharibəsi şəhidi.

Etibar Əliyev
Etibar Böyükağa oğlu Əliyev
Doğum tarixi	11 iyul 1955(1955-07-11)
Doğum yeri	Lənkəran, Lənkəran rayonu, Azərbaycan SSR, SSRİ
Vəfat tarixi	23 avqust 1993(1993-08-23) (38 yaşında)
Vəfat yeri	Lənkəran, Azərbaycan
Vəfat səbəbi	döyüşdə ölüm
Dəfn yeri	Lənkəran Şəhidlər Xiyabanı[d]
Vətəndaşlığı	SSRİ→ Azərbaycan
Milliyyəti	azərbaycanlı
Mükafatları

Etibar Əliyev 11 iyul 1955-ci ildə Lənkəran şəhərində anadan olmuşdur. Burada 5 saylı orta məktəbdə 8-ci sinfi bitirib. O, 1969-cu ildə 34 saylı texniki-peşə məktəbində dülgər ixtisasına yiyələnmişdir. 1973-cü ildə hərbi xidmətə çağırılmışdır. Etibar Əliyev 1975-ci ildə Saratov vilayətində əsgəri xidmətini başa vurmuşdur.^[1] Hal-hazırda Müsavat Partiyasının 1 saylı üzvlük vəsiqəsi Etibar Əliyevin adına yazılmışdır.

Ailəli idi. İki qızı yadigar qalıb.

● Azərbaycan Respublikası prezidentinin 24 avqust 1993-cü il tarixli 740 saylı fərmanı ilə Əliyev Etibar Böyükağa oğluna ölümündən sonra "Azərbaycanın Milli Qəhrəmanı" adına layiq görülmüşdür.

● Etibar Əliyev Lənkəran şəhərinin Şəhidlər xiyabanında dəfn edilmişdir.

● Etibar Əliyevin Lənkəran şəhərində adını daşıyan küçə var.

● Lənkəran şəhərinin "23 Avqust" meydanında Etibar Əliyevin büstü qoyulub.

● Xocavənd şəhərinin Hadrut qəsəbəsində Etibar Əliyev adına Xatirə Parkı mövcuddur.

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 78.

• Əliyev Etibar