Oqtay Güləliyev (əsgər)
Oqtay Güləliyev (10 noyabr 1962, Xaçınyalı, Laçın rayonu – 19 sentyabr 1992, Laçın rayonu) — Azərbaycanın Milli Qəhrəmanı, Birinci Qarabağ müharibəsi şəhidi.
| Oqtay Güləliyev | |
|---|---|
| Oqtay Güləli oğlu Güləliyev | |
 | |
| Şəxsi məlumatlar | |
| Doğum tarixi | 10 noyabr 1962 |
| Doğum yeri | |
| Vəfat tarixi | 19 sentyabr 1992 (29 yaşında) |
| Vəfat yeri | |
| Vəfat səbəbi | Şəhid |
| Dəfn yeri | Şəhidlər Xiyabanı |
| Hərbi fəaliyyəti | |
| Qoşun növü | Azərbaycan Respublikasının Daxili Qoşunları |
| Rütbəsi | Baş leytenant |
| Döyüşlər | |
| Təltifləri |
 |
Həyatı[redaktə | mənbəni redaktə et]
Oqtay Güləliyev 10 noyabr 1962-ci ildə Laçın rayonunun Xaçınyalı kəndində doğulmuşdur. 1982-ci ildə orta məktəbi bitirdikdən sonra hərbi xidmətə çağırılmışdır. 1984-cü ildə Poltava Kooperativ İnstitutunun Bakı filialına qəbul olmuşdur.
Döyüşlərdə iştirakı[redaktə | mənbəni redaktə et]
Laçın polisində işlədiyi dövr Erməni-Azərbaycan münaqişəsinin daha da kəskinləşdiyi bir dövrə təsadüf etdiyindən Oqtay Güləliyev də polis işçisi kimi ermənilərə qarşı əməliyyatlatda iştirak etmiş, uğursuzluqla sona çatan "Daşaltı əməliyyatı" zamanı onun rotası mühasirəyə düşən 80 nəfər əsgəri təhlükəsiz zonaya çıxarmağa müvəffəq olmuşdur. Daha sonra Pircahan kəndi yaxınlığında ağır yaralanmış, lakin müalicə olunaraq cəbhəyə qayıtmışdır. Oqtay Güləliyevin Laçın dəhlizini geri almaq üçün əməliyyat planı 1992-ci il sentyabrın 19-da uğurla başa çatmış və beləliklə Gorus-Şuşa yolu nəzarətə alınmışdır, lakin düşmən ərazini yenidən ələ keçirməyə müvəffəq olmuş və Oqtay Güləliyevin qüvvələri mühasirəyə düşmüşdür. 11 oktyabr 1992-ci ildə Hoçaz yüksəkliyində gedən ağır döyüş onun son döyüşü oldu. Döyüşçülərini təhlükəsiz yerə keçirə bilsə də bu döyüşlərdə Oqtay Güləliyev özü həlak olmuşdur.
Milli Qəhrəman[redaktə | mənbəni redaktə et]
Azərbaycan Respublikası Prezidentinin 11 may 1993-cü il tarixli 599 saylı fərmanı ilə Güləliyev Oqtay Güləli oğluna ölümündən sonra "Azərbaycanın Milli Qəhrəmanı" adına layiq görülmüşdür.
Bakı şəhərinin Şəhidlər xiyabanında dəfn edilmişdir.
Laçın şəhərində və Piçənis kəndində adına məktəb var.
Xatirəsi[redaktə | mənbəni redaktə et]
2015-ci ildə "Yaddaş" studiyasında Milli qəhrəmana həsr edilmiş "Laçın qartalı" adlı sənədli film çəkilmişdir.[1][2]
Ədəbiyyat[redaktə | mənbəni redaktə et]
- Elbrus Şahmar "Şah İsmayıl qartalları" Bakı-1996. ("Dağında səngər, düzündə qeyrət sarbanı" oçerki) səh.21-24.
- Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 103.
- "Laçın yurdu" jurnalı, №1(1), 2011, Bakı, "Elm və təhsil", 2011.
- Habil Muradov, "Səngər xatirələri", "Laçın yurdu" jurnalı, №1 (12), Bakı, "Bəxtiyar-4" nəşriyyatı, 2014. səh. 63-66.
İstinadlar[redaktə | mənbəni redaktə et]
- ↑ Milli qəhrəmana həsr edilmiş “Laçın qartalı” sənədli filminin təqdimatı olub: [“Yaddaş” studiyasında Oqtay Güləliyevə həsr edilmiş eyniadlı filmin təqdimatı haqqında] //Səs.- 2015.- 27 noyabr.- S.6.
- ↑ “Vətənpərvərlik kinosu günləri”ndə “Laçın qartalı”nın təqdimatı: [“Yaddaş” studiyasında Milli Qəhrəman Oqtay Güləliyevə həsr edilmiş eyniadlı sənədli filmin təqdimatı haqqında] //Mədəniyyət.- 2015.- 27 noyabr.- S.13.
Xarici keçidlər[redaktə | mənbəni redaktə et]
- "Qarabağın görkəmli şəxsiyyətləri:Oqtay Güləliyev(1962-1992)". "Virtual Qarabağ" İKT Mərkəzinin rəsmi portalı (az.). virtualkarabakh.az. 2013. 2017-12-22 tarixində orijinalından arxivləşdirilib. İstifadə tarixi: 2014-10-14.
