Sahil Məmmədov

Sahil Ələmdar oğlu Məmmədov (25 fevral 1964, Yuxarı Necili, Zəngibasar rayonu) — azərbaycanlı hərbçi, Azərbaycanın Milli Qəhrəmanı, Qarabağ müharibəsi iştirakçısı.

Sahil Məmmədov
Sahil Ələmdar oğlu Məmmədov
Şəxsi məlumatlar
Doğum tarixi	25 fevral 1964(1964-02-25) (60 yaş)
Doğum yeri	Yuxarı Necili, Zəngibasar rayonu, Ermənistan SSR, SSRİ
Vətəndaşlığı	SSRİ  Azərbaycan
Təhsili	SSRİ DİN-nin Ali Siyasi Məktəbi[d]
Hərbi fəaliyyəti
Rütbəsi	Polis polkovnik-leytenantı
Döyüşlər	Birinci Qarabağ müharibəsi
Təltifləri

25 fevral 1964-cü ildə Qərbi Azərbaycanın Uluxanlı rayonunun Yuxarı Necili kəndində anadan olmuşdur. 6 yaşında əmisi ilə birlikdə Bakı şəhərinə kpçmüşdür. 1971-1981-ci illərdə Bakıxanov qəsəbəsindəki 96 saylı məktəbdə təhsil almışdır.

Ailəlidir, bir övladı var.

1982-ci ildə hərbi xidmətini başa vuran Sahil Məmmədov, 1983-cü il SSRİ DİN-nin Ali Siyasi Məktəbinə daxil olur. 1987-ci ildən Ukraynada xidmətə başlayır. 1992-ci ildə Azərbaycana qayıdaraq hərbi polis alayında rota komandiri kimi xidmətə başlayır.

1994-cü ildən Daxili İşlər Nazirliyinin Pasport, Viza və qeydiyyat idarəsində baş inspektor vəzifəsində çalışır.

Sahil Məmmədovun komandirlik etdiyi bölük Birinci Qarabağ müharibəsi zamanı Zəngilan rayonunun Qazançı, Ağkənd, Dərəli kəndlərində fəaliyyət göstərir. Qazançı kəndinə ermənilərin hücumu zamanı Sahil Məmmədov və onun tabeliyindəki əsgərlər şücaət göstərmişdir. İntensiv raket və top atəşi ilə müşayiət olunan döyüşlər zamanı Sahil Məmmədovun yanında mərmi partlamış və o, sağ qolundan və sağ ayağından ağır yaralanmışdır.

• Azərbaycan Respublikası prezidentinin 8 oktyabr 1992-ci il tarixli 264 saylı fərmanı ilə Məmmədov Sahil Ələmdar oğlu "Azərbaycanın Milli Qəhrəmanı" adına layiq görülmüşdür.

• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 204-205.