Tahir Kərimli

Tahir Kərimli
Azərbaycan Respublikasının Milli Məclisi V və VI çağırış deputatı
Vəzifədədir
2015-ci ildən
Seçki dairəsi	2015 — 87 saylı Ağsu-İsmayıllı 2020 — 87 saylı Ağsu-İsmayıllı
Əvvəlki	Ərəstun Cavadov
Vəhdət Partiyasının sədri
Vəzifədədir
1998-ci ildən
Əvvəlki	Hacı Cəbrayıl Əlizadə
Azərbaycan Respublikası Ali Məhkəməsinin sədri
2 iyul 1992 – 29 iyul 1993
Əvvəlki	Hüseyn Talıbov
Sonrakı	Xanlar Hacıyev
Şəxsi məlumatlar
Doğum adı	Tahir Zayıdağa oğlu Kərimli
Doğum tarixi	5 mart 1956(1956-03-05) (68 yaş)
Doğum yeri	Ağsu, Ağsu rayonu, Azərbaycan SSR, SSRİ
Partiya	Sovet İttifaqı Kommunist Partiyası (–1990), Azərbaycan Xalq Cəbhəsi, Vəhdət Partiyası (1998–)
Təhsili	Bakı Dövlət Universiteti
Fəaliyyəti	siyasətçi
Təltifləri
Vikianbarda əlaqəli mediafayllar

Tahir Zayıdağa oğlu Kərimli (5 mart 1956, Ağsu) — Azərbaycan Respublikasının Milli Məclisi V və VI çağırış deputatı, Azərbaycan Respublikası Ali Məhkəməsinin sədri (1992–1993), Vəhdət Partiyasının qurucusu və sədri.

Həyatı

Tahir Kərimli 5 mart 1956-cı ildə Ağsu şəhərində doğulmuşdur. 1973-cü ildə Ağsu şəhər 1 saylı orta məktəbi, 1983-cü ildə ADU-nun hüquq fakültəsini və ixtisas kurslarını bitirmişdir.

Çilingər, təsərrüfat müdiri, hüquq məsləhətçisi, məhkəmə iclas katibi, hakim əvəzi, İsmayıllı rayon xalq hakimi işləmişdir.

Evlidir, dörd övladı vardır.

İctimai-siyasi fəaliyyəti

Tahir Kərimli Azərbaycan Respublikası Ali Məhkəməsinin sədri işləmiş (1992–1993), İsmayıllı rayon XDS-nin deputatı (1990–1993), Azərbaycan Ali Sovetinin deputatı (1990–1995) olmuşdur.

1992-ci ildə Azərbaycan Respublikası Prezidentinin təqdimatına əsasən Azərbaycan Milli Məclisi ona Ali Dərəcəli Hakim rütbəsini vermişdir.

1998-ci ildən Vəhdət Partiyasının sədridir. Azərbaycan Xalq Cəbhəsinin 2-ci Proqram və Nizamnaməsinin, Vəhdət Partiyasının Proqram və Nizamnaməsinin müəlliflərindən biridir.

Azərbaycan Respublikasının Milli Məclisi V və VI çağırış deputatıdır.

Şəxsi həyatı

2024-cü ildə Azərbaycanda prezident seçkiləri zamanı İlham Əliyevi dəstəklədiyini açıqlamışdır.