Cavid Bayramov

Cavid Bayramov (29 iyun 1997, Bakı – 8 oktyabr 2020, Füzuli) – Azərbaycan Respublikası Silahlı Qüvvələrinin əsgəri, İkinci Qarabağ müharibəsi şəhidi.

Cavid Bayramov
Cavid Azər oğlu Bayramov
Şəxsi məlumatlar
Doğum tarixi	29 iyun 1997
Doğum yeri	Bakı, Azərbaycan
Vəfat tarixi	8 oktyabr 2020 (23 yaşında)
Vəfat yeri	Füzuli, Azərbaycan
Vəfat səbəbi	Şəhid olmuşdur
Dəfn yeri	Binəqədi qəsəbəsi Vətən Müharibəsi Şəhidlərinin Xiyaban
Vətəndaşlığı	Azərbaycan
Milliyyəti	Azərbaycan
Təhsili	Azərbaycan Texniki Universiteti
Hərbi fəaliyyəti
Mənsubiyyəti	Azərbaycan Ordusu
Rütbəsi	Gizir
Döyüşlər	İkinci Qarabağ müharibəsi
Təltifləri

Cavid Bayramov 29 iyun 1997-ci ildə Bakı şəhərində anadan olmuşdu.

Cavid orta təhsilini Bakı şəhəri Nərimanov rayonu E.Əliyev adına 93 nömrəli tam orta məktəbində almış və ali təhsilini 2018-ci ildə Azərbaycan Texniki Universitetinin “Yerüstü nəqliyyat vasitələrinin mühəndisliyi” ixtisası üzrə bitirmişdi.

Cavid Vətənini qorumaq üçün 27 sentyabr 2020-ci ildə könüllü olaraq cəbhəyə yollanmış, 8 oktyabr 2020-ci il tarixində Füzuli rayonunda qəhrəmancasına ən uca Zirvə - Şəhidlik zirvəsinə ucalmışdır. Binəqədi qəsəbəsi qəbiristanlığı ərazisində yerləşən Vətən Müharibəsi Şəhidlərinin Xiyaban kompleksində dəfn edilmişdir.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün

Azərbaycan Prezidenti İlham Əliyevin Sərəncamına əsasən ölümündən sonra şəhid gizir Cavid Bayramov “Vətən uğrunda”, “Cəbrayılın azad olunmasına görə” və “Füzulinin azad olunmasına görə” medalları ilə təltif edilmişdir.^[1]

• — "Vətən uğrunda" medalı (ölümündən sonra)^[2]
• — "Cəbrayılın azad olunmasına görə" medalı (ölümündən sonra)^[3]
• — "Füzulinin azad olunmasına görə" medalı (ölümündən sonra)^[4]

1. ↑ "AZƏRBAYCAN RESPUBLİKASI BİNƏQƏDİ RAYON İCRA HAKİMİYYƏTİ". 22 June 2022 tarixində arxivləşdirilib. İstifadə tarixi: 6 may 2022.
2. ↑ "Azərbaycan Respublikası Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Respublikası Prezidentinin Sərəncamı". 2022-03-15 tarixində arxivləşdirilib.
3. ↑ "Azərbaycan Respublikası Silahlı Qüvvələrinin hərbi qulluqçularının "Cəbrayılın azad olunmasına görə" medalı ilə təltif edilməsi haqqında Azərbaycan Respublikası Prezidentinin Sərəncamı". 2022-01-31 tarixində arxivləşdirilib.
4. ↑ "Azərbaycan Respublikası Silahlı Qüvvələrinin hərbi qulluqçularının "Füzulinin azad olunmasına görə" medalı ilə təltif edilməsi haqqında Azərbaycan Respublikası Prezidentinin Sərəncamı". 2022-04-17 tarixində arxivləşdirilib.