Kərim Əliyev (əsgər)

Kərim Qeyrətxan oğlu Əliyev (1 yanvar 2000; Fındığan, Xızı rayonu, Azərbaycan — 4 noyabr 2020; Qırmızı Bazar, Xocavənd rayonu, Azərbaycan) — Azərbaycan Silahlı Qüvvələrinin əsgəri, İkinci Qarabağ müharibəsi şəhidi.

Kərim Əliyev
Şəxsi məlumatlar
Doğum tarixi	1 yanvar 2000
Doğum yeri	Fındığan, Xızı rayonu, Azərbaycan
Vəfat tarixi	4 noyabr 2020 (20 yaşında)
Vəfat yeri	Qırmızı Bazar, Xocavənd rayonu, Azərbaycan
Dəfn yeri	Fındığan, Xızı rayonu, Azərbaycan
Vətəndaşlığı	Azərbaycan
Atası	Qeyrətxan Əliyev
Təhsili	orta
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2018—2020
Rütbəsi	Əsgər
Vəzifəsi	snayper
Döyüşlər	İkinci Qarabağ müharibəsi  • Madagizin azad edilməsi  • Cəbrayılın azad edilməsi  • Füzulinin azad edilməsi  • Hadrutun azad edilməsi
Təltifləri	2020 2021 2020 2021

Kərim Əliyev 1 yanvar 2000-ci ildə Xızı rayonunun Fındığan kəndində Birinci Qarabağ müharibəsi veteranı Qeyrətxan Əliyevin ailəsində anadan olmuşdur.^[1] 2006-2017-ci illərdə orta təhsil almışdır. Subay idi.

Kərim Əliyev 2018-ci ildə Səfərbərlik və Hərbi Xidmətə Çağırış üzrə Dövlət Xidmətinin Xızı rayon bölməsi tərəfindən hərbi xidmətə çağırılmışdır. Azərbaycan Silahlı Qüvvələrinin sıralarında, "N" saylı hərbi hissələrin birində müddətli həqiqi hərbi xidmət etmişdir. Hərbi xidmətini başa vurduqdan sonra mülki fəaliyyətinə geri dönmüşdür.

2020-ci ilin 14 iyul tarixində Tovuz döyüşləri zamanı general-mayor Polad Həşimovun şəhid olmasından sonra səfərbərlik başlamış, Kərim Əliyev səfərbər olunmuşdur. 21 sentyabr 2020-ci ildə Səfərbərlik və Hərbi Xidmətə Çağırış üzrə Dövlət Xidmətinin Xızı rayon bölməsi tərəfindən hərbi təlim toplantılarına çağırılmışdır.

Azərbaycan Ordusunun əsgəri olan Kərim Əliyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan İkinci Qarabağ müharibəsində snayper olaraq iştirak etmişdir. Suqovuşanın, Cəbrayılın, Füzulinin və Xocavəndin azadlığı uğrunda gedən döyüşlərdə vuruşmuşdur. Kərim Əliyev 4 noyabr 2020-ci ildə Xocavənd rayonunun Qırmızı Bazar qəsəbəsi istiqamətində döyüş tapşırığının yerinə yetirilməsi zamanı şəhid olmuşdur. Cənazəsi doğulduğu Xızı rayonunun Fındığan kəndində dəfn edilmişdir.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Kərim Əliyev ölümündən sonra "Vətən uğrunda" medalı ilə təltif edildi.^[2]

Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Kərim Əliyev ölümündən sonra "Xocavəndin azad olunmasına görə" medalı ilə təltif edildi.^[3]

Azərbaycanın Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Kərim Əliyev ölümündən sonra "Cəbrayılın azad olunmasına görə" medalı ilə təltif edildi.^[4]

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Kərim Əliyev ölümündən sonra "Füzulinin azad olunmasına görə" medalı ilə təltif edildi.^[5]

• (15.12.2020) — "Vətən uğrunda" medalı (ölümündən sonra)^[6]
• (25.12.2020) — "Xocavəndin azad olunmasına görə" medalı (ölümündən sonra)^[7]
• (24.06.2021) — "Cəbrayılın azad olunmasına görə" medalı (ölümündən sonra)^[8]
• (24.06.2021) — "Füzulinin azad olunmasına görə" medalı (ölümündən sonra)^[9]