Fərid Hacıyev (əsgər)

Fərid Təşkilat oğlu Hacıyev (4 oktyabr 1989; Böyük Mərcanlı, Cəbrayıl rayonu – 28 sentyabr 2020; Füzuli rayonu, Azərbaycan) — Azərbaycan Silahlı Qüvvələrinin əsgəri, İkinci Qarabağ müharibəsi şəhidi.

Fərid Hacıyev
Şəxsi məlumatlar
Doğum tarixi	4 oktyabr 1989
Doğum yeri	Böyük Mərcanlı, Cəbrayıl rayonu, Azərbaycan SSR, SSRİ
Vəfat tarixi	28 sentyabr 2020 (30 yaşında)
Vəfat yeri	Füzuli rayonu, Azərbaycan
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Xidmət illəri	2014–2020
Rütbəsi	Əsgər
Döyüşlər	Aprel döyüşləri İkinci Qarabağ müharibəsi  • Cəbrayılın azad edilməsi  • Füzulinin azad edilməsi
Təltifləri	2020 2020 2020 2020

Fərid Hacıyev 4 oktyabr 1989-cu ildə Cəbrayıl rayonunun Böyük Mərcanlı kəndində anadan olmuşdur.^[1] 4 yaşı olarkən Ermənistan Silahlı Qüvvələrinin Cəbrayılı işğalı nəticəsində ailəsi ilə birlikdə kəndindən məcburi şəkildə köçmüşdür. 2005-ci ildə Şirvan şəhərində təşkil olunmuş “Şahin” hərbi idman oyunlarının zona yarışlarında 14 komanda arasında onun komandası dördüncü yerə layiq görülmüşdür. O, 2006-cı ildə İ. Quliyev adına Cəbrayıl rayon Böyük Mərcanlı kənd tam orta məktəbindən məzun olmuşdur.

Ailəli idi, Eşqin və Əli adlı 2 oğlu yadigar qaldı.

Fərid Hacıyev Azərbaycan Silahlı Qüvvələrinin sıralarında 2014-cü ildən hərbi xidmətdə idi. Hərbi xidmət zamanı 2016-cı ildə Aprel döyüşlərində iştirak etmişdir. İkinci Qarabağ müharibəsindən 1 ay əvvəl təlimlərə qoşulmuşdur.

Azərbaycan Ordusunun əsgəri olan Fərid Hacıyev 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan İkinci Qarabağ müharibəsində müddətdən artıq xidmət edən hərbi qulluqçu olaraq Cəbrayılın və Füzulinin azadlığı uğrunda gedən döyüşlərdə vuruşmuşdur. Fərid Hacıyev 28 sentyabr 2020-ci ildə Füzuli rayonu istiqamətində döyüş tapşırığının yerinə yetirilməsi zamanı həlak olmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Fərid Hacıyev ölümündən sonra "Vətən uğrunda" medalı ilə təltif edildi.^[2]

Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Fərid Hacıyev ölümündən sonra "Xocavəndin azad olunmasına görə" medalı ilə təltif edildi.^[3]

Azərbaycanın Füzuli rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 25.12.2020-ci il tarixli Sərəncamına əsasən Fərid Hacıyev ölümündən sonra "Füzulinin azad olunmasına görə" medalı ilə təltif edildi.^[4]

Azərbaycanın Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Fərid Hacıyev ölümündən sonra "Şuşanın azad olunmasına görə" medalı ilə təltif edildi.^[5]

• (15.12.2020) — "Vətən uğrunda" medalı (ölümündən sonra)^[6]
• (25.12.2020) — "Xocavəndin azad olunmasına görə" medalı (ölümündən sonra)^[7]
• (25.12.2020) — "Füzulinin azad olunmasına görə" medalı (ölümündən sonra)^[8]
• (29.12.2020) — "Şuşanın azad olunmasına görə" medalı (ölümündən sonra)^[9]