Natiq Məmmədov (Əsgər)

Natiq İltifat oğlu Məmmədov (20 iyul 1993; Neftçala rayonu; Azərbaycan — 8 noyabr 2020; Qubadlı rayonu, Azərbaycan) — Azərbaycan Silahlı Qüvvələrinin əsgəri, Vətən Müharibəsinin şəhidi.

Natiq Məmmədov
Şəxsi məlumatlar
Doğum tarixi	20 iyul 1993
Doğum yeri	Neftçala şəhəri, Azərbaycan
Vəfat tarixi	8 noyabr 2020 (27 yaşında)
Vəfat yeri	Qafan kəndi, Qubadlı rayonu, Azərbaycan
Vəfat səbəbi	Şəhid olmuşdur.
Dəfn yeri	Neftçala şəhəri
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Xidmət illəri	2011-2013
Rütbəsi	Əsgər
Döyüşlər	İkinci Qarabağ müharibəsi  • Füzulinin azad edilməsi  • Qubadlının azad edilməsi  • Laçın döyüşləri  • Zəngilanın azad edilməsi
Təltifləri	2020 2020 2020

Natiq Məmmədov 20 iyul 1993-cü ildə Neftçala rayonunda anadan olmuşdur. 1999-cu ildə Neftçala rayonu Bankə qəsəbəsində 2 saylı tam orta məktəbin 1-ci sinfinə daxil olmuşdur. 2010-cu ildə həmin məktəbin məzunu olmuşdur. Natiq bir müddət Moskva şəhərində aşpaz işləmişdir. O, ailədə 1 bacının tək qardaşı idi.

Natiq Məmmədov 20 iyul 2011-ci il tarixində Neftçala RHK-dan hərbi xidmətə yollanmışdır^[1]. Xidmətini Mingəçevir rayonu N saylı hərbi hissədə etmiş və bu müddət ərzində rabitəçi vəzifəsində qulluq etmişdir. Əsgərliyi müddətində nizam-intizamı ilə fərqlənmiş və xidmətini təşəkkürnamə ilə bitirmişdir. 30 sentyabr 2020-ci il tarixində Azərbaycan və Ermənistan arasında başlanan 2-ci Qarabağ müharibəsinə yollanmışdır. O, Füzuli, Zəngilan, Laçın və Qubadlı istiqamətlərində rəşadətlə vuruşmuşdur. Natiq Məmmədov Qubadlı rayonunun Qafan kəndində baş verən döyüşdə qəhrəmancasına vuruşaraq həlak olmuşdur. 8 noyabr 2020-ci il tarixində Neftçala rayonunda dəfn olunmuşdur.

2020 (15.12.2020) — "Vətən uğrunda" medalı (Ölümündən sonra)^[2]

2020 (29.12.2020) — "Qubadlının azad olunmasına görə" medalı (Ölümündən sonra)^[3]

2020 (24.12.2020) — "Cəbrayılın azad olunmasına görə" medalı (Ölümündən sonra)^[4]