Yusif Məmmədov (əsgər)

Yusif Məmmədov (tam adı: Yusif Vaqif oğlu Məmmədov; 16 yanvar 1995; Yevlax, Azərbaycan — 26 oktyabr 2020; Azərbaycan) — Azərbaycan Silahlı Qüvvələrinin əsgəri, İkinci Qarabağ müharibəsi şəhidi.

Yusif Məmmədov
Şəxsi məlumatlar
Doğum tarixi	16 yanvar 1995
Doğum yeri	Yevlax, Azərbaycan
Vəfat tarixi	26 oktyabr 2020 (25 yaşında)
Vəfat yeri	Füzuli rayonu, Azərbaycan
Vəfat səbəbi	Şəhid olmuşdur
Vətəndaşlığı	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Rütbəsi	Əsgər
Döyüşlər	İkinci Qarabağ müharibəsi  • Füzulinin azad edilməsi
Təltifləri	2020

Yusif Məmmədov 1995-ci il yanvarın 16-da Yevlax şəhərində anadan olmuşdur.^[1]

2016-cı ildə Azərbaycan Dövlət Aqrar Universitetini bitirərək hərbi xidmətə yola düşmüşdür. Hərbi xidmətini Murovdağda başa vurmuşdur. 2020-ci il sentyabrın 28-də İkinci Qarabağ müharibəsində iştirak etmək üçün Ağcabədidəki hərbi xidmətə yollanmışdır. Füzulinin Şükürbəyli və digər kəndlərinin düşmən işğalından azad edilməsində ön cəbhədə iştirak etmişdir. 2020-ci il oktyabrın 26-da Veysəlli kəndində yerləşən 102-ci erməni postunun ələ keçirilməsində iştirak etmiş, Azərbaycan bayrağını posta sancıb dalğalandırmış və düşmənin ağır artilleriya atəşi nəticəsində qəlpə yarası ilə həlak olmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Məmmədov Yusif Vaqif oğlu ölümündən sonra "Vətən uğrunda" medalı ilə təltif edildi.^[2]

• (15.12.2020) — "Vətən uğrunda" medalı (ölümündən sonra)^[3]