Emil Qurbanov (leytenant)

Emil Vaqif oğlu Qurbanov (25 avqust 1980, Lənkəran – 29 oktyabr 2020, Qubadlı rayonu) — Azərbaycan Silahlı Qüvvələrinin leytenantı, İkinci Qarabağ müharibəsi şəhidi.

Emil Qurbanov
Şəxsi məlumatlar
Doğum tarixi	25 avqust 1980(1980-08-25)
Doğum yeri	Lənkəran, Lənkəran rayonu, Azərbaycan SSR, SSRİ
Vəfat tarixi	29 oktyabr 2020(2020-10-29) (40 yaşında)
Vəfat yeri	Qubadlı rayonu, Azərbaycan
Dəfn yeri	Lənkəran
Vətəndaşlığı	SSRİ  Azərbaycan
Təhsili	Lənkəran Dövlət Universiteti
Hərbi fəaliyyəti
Mənsubiyyəti	Azərbaycan Ordusu
Qoşun növü	Quru Qoşunları
Rütbəsi	Leytenant
Döyüşlər	İkinci Qarabağ müharibəsi  • Cəbrayılın azad edilməsi  • Füzulinin azad edilməsi  • Qubadlının azad edilməsi
Təltifləri	2020 2020 2020 2020

Emil Qurbanov 1980-ci il avqustun 25-də Lənkəranda anadan olmuşdur.^[1] 1986–1997-ci illərdə Lənkəran şəhər A.Məhərrəmov adına 7 nömrəli tam orta məktəbində təhsil almışdır. Orta məktəbi bitirdikdən sonra 1998-ci ildə Lənkəran Dövlət Universitetinin Fiziki tərbiyə və gənclərin çağrışaqədərki hazırlığı fakültəsinə daxil olmuşdur.

2002–2003-cü illərdə həqiqi hərbi xidmətdə olan Emil Qurbanov leytenant rütbəsi alaraq bitirmişdir. 2003-cü ilin oktyabrında Tərtər rayonunun "N" saylı hərbi hissəsində taqım komandiri kimi xidmətə başlamışdır. 2005-ci ildə "Zirvə" idman kompleksində məşqçi-müəllim işləməyə başlamış, idman müəllimi kimi müxtəlif yarışlarda iştirak etmişdir. Daha sonra o, Lənkəran Şəhər Uşaq Gənclər İdman Məktəbində məşqçi-müəllim vəzifəsinə təyin olunmuşdur. 2012-ci ildə Lənkəran şəhər A.Məhərrəmov adına 7 nömrəli tam orta məktəbində gənclərin çağırışaqədərki hazırlığı müəllimi vəzifəsində işləməyə başlamışdır. 2001-ci il 27 oktyabrda ailə həyatı qurub. Həyat yoldaşı Vüsalə xanım Qurbanlı ali təhsillidir. Lənkəran şəhər 17 saylı körpələr evi uşaq bağçasında Metodist işləyir. Emilya xanım adında qız övladı var. Emilya xanım hal hazır da Lənkəran şəhər humanitar kollecinin 4-cü kurs tələbəsidir.

Azərbaycanın ərazi bütövlüyü uğrunda 27 sentyabrda başlamış İkinci Qarabağ müharibəsidə taqım komandiri kimi Füzuli, Xocavənd və Qubadlı uğrunda gedən döyüşlərdə iştirak etmişdir. Oktyabrın 29-da Qubadlının düşməndən azad olunması uğrunda döyüşdə həlak olmuşdur. 6 noyabrda Lənkəranda dəfn olunmuşdur.

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Emil Qurbanov ölümündən sonra "Vətən uğrunda" medalı ilə təltif edildi.^[2]

Azərbaycanın Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.12.2020-ci il tarixli Sərəncamına əsasən Emil Qurbanov ölümündən sonra "Cəbrayılın azad olunmasına görə" medalı ilə təltif edildi.^[3]

Azərbaycanın Qubadlı rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən Emil Qurbanov ölümündən sonra "Qubadlının azad olunmasına görə" medalı ilə təltif edildi.^[4]

Azərbaycanın ərazi bütövlüyünün bərpa edilməsi zamanı döyüş əməliyyatlarının rəhbəri olan, düşmənin canlı qüvvəsinin məhv edilməsində rəşadət göstərən, vəzifə borcunu ləqayətlə və vicdanla yerinə yetirdiyinə görə Azərbaycan Prezidenti İlham Əliyevin 05.11.2021-ci il tarixli Sərəncamına əsasən Emil Qurbanov ölümündən sonra "Azərbaycan Bayrağı" ordeni ilə təltif edildi.^[5]

• (15.12.2020) — "Vətən uğrunda" medalı (ölümündən sonra)^[6]
• (24.12.2020) — "Cəbrayılın azad olunmasına görə" medalı (ölümündən sonra)^[3]
• (29.12.2020) — "Qubadlının azad olunmasına görə" medalı (ölümündən sonra)^[4]
• (05.11.2021) — "Azərbaycan Bayrağı" ordeni (ölümündən sonra)^[7]