Nicat Mustafayev (əsgər)

Nicat Bəkir oğlu Mustafayev ({{DVTY}} şablonu boşdur ) — Azərbaycan Respublikası Silahlı Qüvvələrinin əsgəri, İkinci Qarabağ müharibəsi şəhidi.

Nicat Mustafayev
Nicat Bəkir oğlu Mustafayev
Şəxsi məlumatlar
Doğum tarixi	8 oktyabr 2001
Doğum yeri	Bakı şəhəri, Azərbaycan
Vəfat tarixi	6 oktyabr 2020 (18 yaşında)
Vəfat yeri	Füzuli, Azərbaycan
Vəfat səbəbi	Şəhid
Dəfn yeri	Binqədi rayonunda Şəhidlər Xiyabanı
Vətəndaşlığı	Azərbaycan
Milliyyəti	Azərbaycan
Hərbi fəaliyyəti
Mənsubiyyəti	Azərbaycan Ordusu
Rütbəsi	Əsgər
Döyüşlər	İkinci Qarabağ müharibəsi
Təltifləri

Mustafayev Nicat Bəkir oğlu 2001-ci ilin oktyabr ayının 8-də Bakı şəhərində dünyaya göz açmışdı. Əslən Qərbi Azərbaycanın Pəmpək mahalı, Hamamlı rayonu Qursalı kəndindəndir. O, ailəsiylə birlikdə Binəqədi qəsəbəsində yaşayırdı. Mustafayev Nicat uşaqlıqdan idmanla maraqlanırdı. 7 yaşından fərqli idman növləri ilə, xüsusən güləş ilə məşğul olmuşdu. Çoxlu medal və diplomları var idi. Azərbaycan bayrağını bir çox ölkələrdə dalğalandırmışdı.

6 yaşında Q. Baxşıyev adına 179 nömrəli tam orta məktəbin 1 –ci sinifinə yollanmış və 9-cu sinifdən təhsilini Azərbaycan Dövlət Dəmir Yolu Liseyində davam etmişdir.

Ad günündən 2 gün sonra, oktyabrın 10-u həqiqi hərbi xidmətə yollanmış və Azərbaycan Respublikası Müdafiə Nazirliyinin hərbi hissələrinin birində həqiqi hərbi xidmətə yollanmış və əsgərlikdə Nicat idmançı olduğuna görə, kəşfiyyatçı kimi Xüsusi Təyinatlı dəstələrə seçilmişdi. Bir il olardı əsgərliyə getmişdi. Nicat da digər igid qəhrəmanlarımız kimi döyüşə həvəslə, inamla, qəhrəmanlıq hissiylə qoşulmuş və igidcəsinə döyüşmüşdü. Nicat ilk dəfə Murov istiqamətində döyüşüb. Ordan Füzuli, Cəbrayıl istiqamətinə yollanmış və Füzuli istiqamətində döyüşlərdə yaralanaraq həlak olmuşdur.^[1]

• (15.12.2020) — "Vətən uğrunda" medalı (ölümündən sonra)^[2]
• (24.12.2020) — "Cəsur döyüşçü" medalı (ölümündən sonra)^[3]
• (24.12.2020) — "Cəbrayılın azad olunmasına görə" medalı (ölümündən sonra)^[4]
• (24.12.2020) — "Füzulinin azad olunmasına görə" medalı (ölümündən sonra)^[5]

1. ↑ "AZƏRBAYCAN RESPUBLİKASI BİNƏQƏDİ RAYON İCRA HAKİMİYYƏTİ". 2022-06-22 tarixində arxivləşdirilib. İstifadə tarixi: 2022-04-22.
2. ↑ "Azərbaycan Respublikası Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Respublikası Prezidentinin Sərəncamı". 2022-03-15 tarixində arxivləşdirilib.
3. ↑ "Azərbaycan Respublikası Silahlı Qüvvələrinin hərbi qulluqçularının "Cəsur döyüşçü" medalı ilə təltif edilməsi haqqında Azərbaycan Respublikası Prezidentinin Sərəncamı". 2022-04-17 tarixində arxivləşdirilib.
4. ↑ "Azərbaycan Respublikası Silahlı Qüvvələrinin hərbi qulluqçularının "Cəbrayılın azad olunmasına görə" medalı ilə təltif edilməsi haqqında Azərbaycan Respublikası Prezidentinin Sərəncamı". 2022-04-17 tarixində arxivləşdirilib.
5. ↑ "Azərbaycan Respublikası Silahlı Qüvvələrinin hərbi qulluqçularının "Füzulinin azad olunmasına görə" medalı ilə təltif edilməsi haqqında Azərbaycan Respublikası Prezidentinin Sərəncamı". 2022-04-17 tarixində arxivləşdirilib.